అన్ని ప్రముఖ మొబైల్ నెట్వర్క్లు తమ ఆదాయాన్ని పెంచుకునేందుకు కొత్త మార్గాలను అన్వేషిస్తున్నాయి. ఇందులో భాగంగా ఎంట్రీ లెవల్ ప్లాన్లను రద్దు చేస్తూ యూజర్లను ఆందోళనకు గురిచేస్తున్నారు. ఎయిర్టెల్ తన ఎంట్రీ లెవల్ రూ. 49 ప్లాన్ను రద్దు చేసి దాని స్థానంలో రూ. 79 ప్లాన్ను ప్రవేశపెట్టింది. వొడాఫోన్, జియో సంస్థలు కూడా ఎంట్రీ లెవల్ ప్లాన్ల కింద లభించే బెనిఫిట్స్ తగ్గించేందుకు సిద్ధమవుతున్నాయి. రూ. 100లోపు లభించే ప్లాన్లపై ఉచిత బండిల్ ఎస్ఎమ్ఎస్లను రద్దు చేసే ప్లాన్లో ఉన్నాయి. మరికొద్ది రోజుల్లోనే అన్ని టెలికాం ఆపరేటర్లు దీన్ని అమలు చేసే అవకాశం ఉంది. ఇవి అమల్లోకి వస్తే ఇకపై ఎంట్రీ లెవల్ ప్లాన్లపై ఎస్ఎంఎస్ ప్రయోజనాలను పొందలేరు. ప్రస్తుతం అన్ని టెలికాం ఆపరేటర్లు ఎంట్రీ లెవల్ ప్యాకేజీల్లో భాగంగా తక్కువ ధర వద్దే ఇంటర్నెట్, అన్లిమిటెడ్ కాలింగ్. ఎస్ఎమ్ఎస్తో కూడిన బండిల్ ప్యాకేజీని అందిస్తున్నాయి. అయితే, రాబోయే రోజుల్లో ఈ బండిల్ ప్యాక్కింద ఉచిత ఎస్ఎమ్ఎస్ ఫెసిలిటీని తొలగించనున్నాయి. ఇప్పటికే, ఎయిర్టెల్ ఈ ప్రక్రియను ప్రారంభించింది. ఎయిర్టెల్ ఇటీవల రూ. 49 విలువల గల ఎంట్రీ లెవల్ ప్రీపెయిడ్ ప్లాన్ను రద్దు చేసి దాని స్థానంలో రూ. 79 ప్లాన్ను ప్రవేశపెట్టింది. ఈ ప్లాన్ కింద 28 రోజుల వ్యాలిడిటీతో రూ. 64 టాక్టైమ్, 200MB డేటా అందిస్తుంది.
ఎయిర్టెల్ మరో ఎంట్రీ లెవర్ ప్లాన్ రూ. 64 కింద 28 రోజుల పాటు 200MB డేటా మాత్రమే ఇస్తుంది. ఈ రెండు ప్లాన్లలోనూ ఉచిత ఎస్ఎమ్ఎస్ ఆప్షన్ను తొలగించడం గమనార్హం. ఒకవేళ, యూజర్లు ఎస్ఎమ్ఎస్ చేయాలనుకుంటే అదనంగా చెల్లించాల్సి ఉంటుంది. ఇదే తరహాలో జియో కూడా ఇటీవల తన ఎంట్రీ లెవల్ రూ. 98 ప్లాన్లో మార్పులు చేసింది. ఈ ప్లాన్ కింద మొత్తం 14 రోజుల పాటు అన్లిమిటెడ్ కాలింగ్, 1.5GB డేటా మాత్రమే వస్తుంది. దీనిలో ఎటువంటి ఉచిత ఎస్ఎమ్ఎస్లు లభించవు.
వొడాఫోన్ ఎంట్రీ లెవల్ ప్రీపెయిడ్ రీఛార్జ్ ప్లాన్ రూ .49 వద్ద లభిస్తుంది. ఈ ప్లాన్ కింద 28 రోజుల పాటు 100 జీబీ డేటా, రూ .38 టాక్ టైమ్ మాత్రమే అందిస్తుంది. దీని కింద ఎటువంటి ఉచిత ఎస్ఎమ్ఎస్లు లభించవు. కాగా, ప్రస్తుతం యూపీఐ ట్రాన్సాక్షన్స్ పెరిగిపోవడంతో ఎస్ఎమ్ఎస్ ద్వారా మొబైల్ నంబర్ ధ్రువీకరణ కూడా కీలకమైంది. దీంతో ఎస్ఎమ్ఎస్ల కోసం వినియోగదారులు అధిక ధరతో కూడిన ప్లాన్లను ఎంచుకుంటారని టెలికాం సంస్థలు వ్యూహాత్మకంగా వ్యవహరిస్తున్నాయి. ఈ వ్యూహంలో భాగంగానే ఎంట్రీ లెవల్ ప్లాన్లలో ఎస్ఎమ్ఎస్లను తొలిగించాయి.
0 Comments