రోడ్డుపైకి లెక్సస్ లగ్జరీ కారు

ప్రముఖ కార్ల కంపెనీ టయోటా విలాస కార్ల విభాగమైన లెక్సస్ నుంచి ఎగ్జిక్యూటివ్‌ సెడాన్‌ లెక్సస్‌ ఈఎస్‌ 300హెచ్‌ తాజాగా లాంచ్ అయింది. ఇక దీనిని తాజాగా భారత విపణిలోకి విడుదల చేసింది టయోటా. ఇక ఈ కార్లను భారత్ లోనే తయారు చేసినట్లు కంపెనీ తెలిపింది. ప్రారంభ వేరియంట్ ధర రూ.56.65 లక్షలు (ఎక్స్‌-షోరూమ్‌, దిల్లీ) కాగా, లగ్జరీ వేరియంట్‌ రూ.61.85 లక్షలుగా ఉంది. ప్రపంచ వ్యాప్తంగా 80కిపైగా దేశాల్లో ఇప్పటి వరకు 26.5 లక్షల కార్లను విక్రయించారు. అంతర్జాతీయంగా లెక్సస్‌ను 1989లో ప్రవేశపెట్టగా, 2017 భారత మార్కెట్లో అమ్మకాలు చేపట్టింది. కొత్త ఈఎస్‌ 300 హెచ్‌ బ్యాటరీ 8 ఏళ్ల వారెంటీతో లభిస్తుందని లెక్సస్‌ ఇండియా ప్రెసిడెంట్‌ పీబీ వేణుగోపాల్‌ వెల్లడించారు. ఈ కార్లకు భారత్ లో మంచి డిమాండ్ ఉందని, భారత రోడ్లకు తగిన విధంగా వీటిని తయారు చేశామని తెలిపారు.