Ad Code

టారిఫ్​ ప్లాన్లతో సంబంధం లేకుండా పోర్టబులిటీ


ఒక నెట్​వర్క్​ నుంచి మరో నెట్​వర్క్​కు మారాలనుకునే యూజర్లకు టారిఫ్  వోచర్​, ప్లాన్లతో సంబంధం లేకుండా ఎస్​ఎంఎస్​ సదుపాయాన్ని కల్పించాలంటూ అన్ని టెలికాం సంస్థలను ఆదేశించింది. ప్రీపెయిడ్​, పోస్ట్​పెయిడ్ యూజర్లందరికీ దీన్ని వర్తింపజేయాలని సూచించింది. అంతేకాదు, పోర్టింగ్​ కోసం నిర్ధిష్ట కోడ్​ (యూపీసీ)ని పొందడానికి 1900కు ఎస్​ఎంఎస్​ పంపే సదుపాయాన్ని కూడా వెంటనే ప్రారంభించాలని ఆదేశించింది. సాధారణంగా ఇతర నెట్​వర్క్​కు మారాలనుకునే యూజర్లు 1900కు ఎస్​ఎంఎస్​ చేయాల్సి ఉంటుంది. ఆ తర్వాత తమ ఫోన్​కు వచ్చే కోడ్​ను కొత్త ఆపరేటర్​ కు తెలియజేయడం ద్వారా నెట్​వర్క్​ మార్చుకోవచ్చు. ప్రస్తుతం కొన్ని టెల్కోలు విడివిడిగా ఎస్​ఎమ్​ఎస్ ​ ప్యాకేజీలను అందించడం లేదు. అన్​లిమిటెడ్​ ప్యాక్​తో పాటే రోజు 100 ఉచిత ఎస్​ఎంఎస్​లను ఆఫర్ చేస్తున్నాయి. దీని వల్ల వేరే నెట్​వర్క్​కు మారాలనుకునే యూజర్ల ప్రీపెయిడ్​ ఖాతాల్లో తగినంత బ్యాలెన్స్​ ఉన్నప్పటికీ ఎస్​ఎంఎస్​ బ్యాలెన్స్​ లేనందున పోర్టింగ్​ రిక్వెస్ట్ పెట్టుకోవడం ఇబ్బందిగా మారింది. ఎస్​ఎంఎస్​ కోసం మరింత అధిక టారిఫ్​ ఫ్లాన్​నో లేదా ప్రత్యేక ప్యాకేజీనో ఎంచుకోవాల్సి వస్తోంది. టెలికాం ఆపరేటర్లు అమలు చేస్తున్న ఈ కొత్త విధానంపై అనేక ఆరోపణలు వెల్లువెత్తాయి. ఈ విధానాన్ని మార్చాలని మొబైల్​ కస్టమర్ల నుంచి ట్రాయ్​కు అనేక ఫిర్యాదులు అందాయి. దీంతో, అన్ని టెలికాం ఆపరేటర్లకు ట్రాయ్​ కీలక ఆదేశాలు జారీ చేసింది. 'ప్రీపెయిడ్, పోస్ట్‌పెయిడ్ మొబైల్ (Mobile) యూజర్లందరూ తమ ప్రత్యేకమైన పోర్టింగ్ కోడ్ పొందడం హక్కు. పోర్టబిలిటీ కోసం ఎస్​ఎమ్​ఎస్​ పంపే సదుపాయం నిరాకరించడం కస్టమర్ల హక్కులను కాలరాయడమే. ఇది ట్రాయ్​ నిబంధలకు పూర్తిగా వ్యతిరేకం. అందువల్ల, కస్టమర్లందరికీ 1900 ద్వారా ఎస్​ఎమ్​ఎస్​ పంపి నంబర్​ పోర్టబుల్​ కోరే అవకాశం అందుబాటులోకి తేవాలి." అని మంగళవారం జారీ చేసిన ఆదేశాల్లో పేర్కొంది. అంతేకాదు, కస్టమర్ ప్లాన్​ లేదా వోచర్​లో బ్యాలెన్స్ (Balance)​ ఉన్నా.. లేకున్నా.. మొబైల్​ నంబర్​ పోర్టబులిటీకి టెలికాం ఆపరేటర్లు సహకరించాల్సిందేనని ట్రాయ్​ ఆదేశించింది. ఈ ఆదేశాలు తక్షణమే అమలు చేయాలని కూడా కోరింది. పోర్ట్​ అవుట్​ ఎస్​ఎస్​ఎంఎస్​ సెండింగ్​కు ఎలాంటి ఇబ్బందులు తలెత్తకుండా చర్యలు చేపట్టాలని తెలిపింది. అయితే, ఇటీవల ఎయిర్​టెల్​, వొడాఫోన్​ ఐడియా, రిలయన్స్​ జియో తమ ప్లాన్ల ధరలను పెంచడంతో చాలా మంది కస్టమర్లు తక్కువ ప్రీపెయిడ్​ ప్లాన్లను అమలు చేస్తున్న నెట్​వర్క్​కు మారేందుకు ఆసక్తి చూపుతున్నారు.

Post a Comment

0 Comments

Close Menu