ప్రముఖ స్పోర్టింగ్ గూడ్స్ బ్రాండ్ రీబాక్ తాజాగా స్మార్ట్వాచ్ మార్కెట్లోకి అడుగుపెట్టింది. రీబాక్ యాక్టివ్ ఫిట్1.0 పేరుతో దీన్ని లాంచ్ చేసింది. 1.3 అంగుళాల టచ్స్క్రీన్ డిస్ప్లే గల ఈ స్మార్ట్వాచ్లో హార్ట్ రేట్ మానిటరింగ్తో పాటు బ్లడ్ ఆక్సిజన్ శాచురేషన్ మానిటరింగ్ వంటి ఫీచర్లు ఉన్నాయి. రీబాక్ యాక్టివ్ ఫిట్1.0 స్మార్ట్వాచ్ 15 కంటే ఎక్కువ స్పోర్ట్స్ మోడ్లను అందిస్తుంది. ఇది IP67 రేటింగ్తో డస్ట్, వాటర్ రెసిస్టెంట్ సర్టిఫికేషన్ను పొందింది. రీబాక్ స్మార్ట్వాచ్ గరిష్టంగా 15 రోజుల బ్యాటరీ లైఫ్, 30 రోజుల వరకు స్టాండ్బై సమయాన్ని అందించగలదని కంపెనీ పేర్కొంది. బాక్ యాక్టివ్ ఫిట్ 1.0 భారతదేశంలో రూ. 4,499 ధర వద్ద లభిస్తుంది. ఈ-కామర్స్ దిగ్గజం అమెజాన్ ద్వారా కొనుగోలు చేయడానికి అందుబాటులో ఉంది. ఈ స్మార్ట్ వాచ్ బ్లాక్, బ్లూ, నేవీ, రెడ్ అనే నాలుగు రంగులలో లభిస్తుంది. ప్రస్తుతం ఈ ధర మార్జిన్లోనే స్మార్ట్వాచ్లను విక్రయిస్తున్న అమేజ్ఫిట్, ఫైర్బోల్ట్, నాయిస్, రియల్మీ, జీబ్రానిక్స్ వంటి మిడ్రేంజ్ స్మార్ట్ బ్రాండ్లకు రీబాక్ గట్టిపోటీనివ్వనుంది.
0 Comments