Header Ads Widget

భారత్ లో "స్లావియా" కారును విడుదల చేసిన స్కోడా


జర్మనీకి చెందిన వోక్స్ వ్యాగన్ తమ సబ్సిడీ సంస్థైన స్కోడా నుంచి మరో కొత్త కారును భారత విఫణిలోకి విడుదల చేసింది. స్కోడా స్లావియా పేరుతో ఈ కారు ఇండియన్ మార్కెట్లోకి విడుదలైనట్లు సంస్థ తెలిపింది. సెడాన్ మోడల్ గా వస్తున్న ఈ కారు హోండా సిటీ, హ్యుండయ్ వెర్నా, సుజుకి సియాజ్ వంటి కార్లకు గట్టిపోటీ ఇస్తుందని సంస్థ ప్రతినిధి తెలిపారు. ఇప్పటికే “కుషాక్” ఎస్యూవీ అమ్మకాలతో జోరుమీదున్న స్కోడా.. ఇప్పుడు సెడాన్ సెగ్మెంట్ లోనూ దృష్టిపెట్టింది. ఇండియాలో రూ.10.69 లక్షల ప్రారంభ ధరగా వస్తున్న ఈ కారులో ఎన్నో ప్రత్యేకతలు ఉన్నాయి. స్లావియా ఇంజిన్ విషయానికి వస్తే..ఇండియాలో రెండు పెట్రోల్ ఇంజిన్ వేరియంట్లలో ఈ స్లావియా లభిస్తుంది. 1.0 లీటర్ పెట్రోల్ మరియు 1.5 లీటర్ టర్బో పెట్రోల్ ఇంజిన్ ఆప్షన్లలో లభిస్తుందని కంపెనీ తెలిపింది. వీటిలో మొదటగా 1.0 లీటర్ పెట్రోల్ ఇంజిన్ విషయానికొస్తే.. 3-సిలిండర్ TSI ఇంజిన్, 6-స్పీడ్ మాన్యువల్ మరియు ఆటోమేటిక్ గేర్ సిస్టంతో వస్తుంది. 114bhp మరియు 175Nm టార్క్ కలిగి ఉంది ఈ ఇంజిన్. ఇక 1.5 లీటర్ టర్బో పెట్రోల్ విషయానికొస్తే.. 4 – సిలిండర్ TSI ఇంజిన్, 6-స్పీడ్ మాన్యువల్ మరియు 7-స్పీడ్ DSG ఆటోమేటిక్ గేర్ సిస్టంతో వస్తుంది. ఈ ఇంజిన్ 148bhp మరియు 250Nm టార్క్ ఉత్పత్తి చేస్తుంది. ఈ కారు లోపలి భాగంలో Apple CarPlay, Android Auto మరియు MirrorLink కనెక్టివిటీతో కూడిన 10-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఎలక్ట్రిక్ సన్‌రూఫ్, పూర్తి-డిజిటల్ ఇన్‌స్ట్రుమెంట్ కన్సోల్, 2-స్పోక్ స్టీరింగ్ వీల్, యాంబియంట్ లైటింగ్, క్రూయిజ్ కంట్రోల్, మరియు వెనుక AC వెంట్ వంటి అధునాతన ఫీచర్లు ఉన్నాయి. కారు బయట ఫీచర్స్ ను పరిశీలిస్తే ముందు భాగాన బ్లాక్- క్రోమ్ సిగ్నేచర్ బటర్‌ఫ్లై గ్రిల్, L-ఆకారపు LED DRLలు, ప్రొజెక్టర్ హెడ్‌ల్యాంప్‌లు, ఫాగ్ లైట్లు, నలుపు పూత పూసిన B, C-పిల్లర్లు, 16-అంగుళాల డ్యూయల్-టోన్ అల్లాయ్ వీల్స్ ఉన్నాయి. వెనుక LED టెయిల్ లైట్లు, క్రోమ్ స్ట్రిప్ వంటి ఫీచర్స్ ఉన్నాయి. స్లావియా 1.0 TSI యాక్టివ్ MT: రూ. 10.69 లక్షలు, 1.0 TSI యాంబిషన్ MT: రూ. 12.39 లక్షలు, 1.0 TSI యాంబిషన్ AT: రూ. 13.59 లక్షలు, 1.0 TSI స్టైల్ MT (నాన్-సన్‌రూఫ్): రూ 13.59 లక్షలు, 1.0 TSI స్టైల్ MT: రూ. 13.99 లక్షలు, 1.0 TSI స్టైల్ AT: రూ. 15.39 లక్షలు.


Post a Comment

0 Comments