యాపిల్కు చెందిన అత్యంత పాపులర్ స్మార్ట్వాచ్గా పేరొందిన వాచ్ సిరీస్ 3ని నిలిపివేసే ఆలోచనలో ఉంది. యాపిల్ వాచ్ 3 సిరీస్లో ఉపయోగించే హార్డ్వేర్ ఇకపై కొత్త ఫీచర్లకు అప్గ్రేడ్ అవ్వదు. అందుకే, ఈ మోడల్ను నిలిపివేసే యోచనలో ఉంది. అయితే దీని బదులు కొత్త యాపిల్ వాచ్ మోడల్ను పరిచయం చేసే అవకాశం ఉంది. ఈ వివరాలను యాపిల్ విశ్లేషకుడు మింగ్-చి కువో వినియోగదారులతో పంచుకున్నారు. ''రాబోయే వాచ్ ఓఎస్కి మరింత కంప్యూటింగ్ శక్తి అవసరం. అయితే, ఇప్పుడు మార్కెట్లో ఉన్న యాపిల్ వాచ్ సిరీస్ 3 మోడల్ ఈ ఓఎస్కు మద్దతివ్వదు. కాబట్టి యాపిల్ వాచ్ సిరీస్ 3 స్మార్ట్వాచ్ అమ్మకాలను త్వరలోనే నిలిపివేయనున్నాం. దీని బదులు సరికొత్త యాపిల్ వాచ్ను మార్కెట్లోకి విడుదల చేస్తాం." అని మింగ్చి కువో తాజా ట్వీట్లో పేర్కొన్నారు. యాపిల్ వాచ్ సిరీస్ 3 ఐదేళ్లుగా మార్కెట్లో ఉంది. దీనికి మంచి ఆదరణ లభిస్తోంది. ఇప్పుడు అకస్మాత్తుగా యాపిల్ వాచ్ సిరీస్ 3 నిలిపివేస్తుండటంతో ఇప్పటికే ఉన్న యాపిల్ వాచ్ సిరీస్ 3 కొన్న వారు అయోమయంలో పడ్డారు. అయితే, నిజంగానే యాపిల్ వాచ్ 3ని నిలిపివేస్తే.. ఆయా యూజర్లు యాపిల్ వాచ్ ఎస్ఈ వెర్షన్కి లేదా యాపిల్ ఈ సంవత్సరం చివర్లో ప్రకటించే ఏదైనా కొత్త మోడల్కి మారాల్సి ఉంటుంది.
0 Comments