మొట్ట మొదటిసారిగా వన్‌ప్లస్ ట్యాబ్లెట్‌ను రూపొందిస్తున్నట్లు తెలుస్తోంది. రియల్‌మీ, ఒప్పో, వివో కంపెనీలు ఇప్పటికే తమ ట్యాబ్లెట్లను లాంచ్ చేశాయి. ప్రస్తుతం వన్‌ప్లస్ కూడా అదే బాటలో నడుస్తున్నట్లు తెలుస్తోంది. వన్‌ప్లస్ ప్యాడ్ పేరుతో ఈ ట్యాబ్లెట్ మార్కెట్లో లాంచ్ కానుందని సమాచారం. ప్రముఖ టిప్‌స్టర్ ముకుల్ శర్మ దీనికి సంబంధించిన వివరాలను లీక్ చేశారు. ఈ ట్యాబ్లెట్ మాస్ ప్రొడక్షన్ కూడా యూరోపియన్ దేశాల్లో ప్రారంభం అయింది. ఈ సంవత్సరం ప్రథమార్థంలోనే ఇది లాంచ్ అయ్యే అవకాశం ఉంది. వన్‌ప్లస్ ట్యాబ్లెట్‌కు సంబంధించిన అధికారిక సమాచారాన్ని కంపెనీ అధికారికంగా ప్రకటించలేదు. అయితే దీనికి సంబంధించిన వివరాలు త్వరలో బయటకు వస్తాయి. వన్‌ప్లస్ 2022 స్మార్ట్ ఫోన్ లైనప్ వివరాలు కూడా లీకయ్యాయి. వీటి ప్రకారం... వన్‌ప్లస్ 10 ప్రో ఈ నెలలో లాంచ్ కానుంది. వన్‌ప్లస్ నార్డ్ సీఈ 2 లైట్ ఏప్రిల్‌లో లాంచ్ కానుంది. వన్‌ప్లస్ నార్డ్ 2టీ ఏప్రిల్ నెలాఖరులో కానీ, మే ప్రారంభంలో కానీ లాంచ్ కానుంది.
0 Comments