ఇన్స్టాగ్రామ్కు చెందిన హైపర్లాప్స్, బూమరాంగ్ అనే రెండు స్వతంత్ర యాప్లను గూగుల్ ప్లే, యాపిల్ యాప్ స్టోర్ నుంచి తొలగించింది. 2014లో ప్రారంభమైన ఇన్స్టాగ్రామ్ హైపర్లాప్స్ యాప్లో టైమ్-లాప్స్ వీడియోలను షూట్ చేయగలిగే ఫీచర్లను చేర్చింది. ఈ యాప్కు యూజర్ల నుంచి అనూహ్యమైన స్పందన వచ్చింది. ఇప్పటివరకు 2 కోట్లకు పైగా డౌన్లోడ్స్ను సాధించింది. మరోవైపు, 2015లో వచ్చిన బూమరాంగ్ యాప్లో ముందుకు వెనుకకు లూప్ చేసి చిన్న వీడియోలను షూట్ చేయగలిగే ఫీచర్లను అందించింది. ఈ యాప్ను కూడా తొలగించాలని ఇన్స్టాగ్రామ్ నిర్ణయించింది. ఎందుకంటే, ఇన్స్టాగ్రామ్ ఒరిజినల్ యాప్లోనే అన్ని ఫీచర్లను అందించనుంది. ఈ లేటెస్ట్ ఫీచర్లతో త్వరలోనే ఇన్స్టాగ్రామ్ అప్డేటెడ్ వెర్షన్ను అందుబాటులోకి తేనుంది. ఇన్స్టాగ్రామ్ తన ఐజీటీవీ యాప్ను మూసేస్తున్నట్లు గతవారం ప్రకటించిన విషయం తెలిసిందే. ఈ ప్రకటన వెలువడ్డ వారం రోజుల్లోనే మరో రెండు యాప్లను క్లోజ్ చేస్తుండటం గమనార్హం. ఈ రెండు యాప్లను నిశ్శబ్దంగా యాపిల్ యాప్ స్టోర్, గూగుల్ ప్లే స్టోర్ల నుంచి తొలగించింది. ఎటువంటి ముందస్తు అలర్ట్ లేకుండా మార్చి 1న బూమరాంగ్, హైపర్లాప్స్ యాప్లను ఆయా యాప్ స్టోర్ల నుంచి తొలగించింది. ఐజీటీవీ, ఇన్స్టాగ్రామ్, ఇన్స్టాగ్రామ్ లేఅవుట్ యాప్లు ఇప్పటికీ యాప్ స్టోర్, ప్లే స్టోర్ల నుంచి డౌన్లోడ్ చేసుకోవడానికి అందుబాటులో ఉన్నాయి. ఈ యాప్ల ద్వారా సరదాగా, వ్యక్తిగతీకరించిన లేఅవుట్లను క్రియేట్ చేయవచ్చు. మల్టిపుల్ ఫోటోలను జోడించి "రీమిక్స్" చేయవచ్చు. ఇన్స్టాగ్రామ్ ఇటీవల గూగుల్ ప్లేస్టోర్లోకి ఇన్స్టాగ్రామ్ లైట్ యాప్ను కూడా తీసుకొచ్చింది. ఇది ఇన్స్టాగ్రామ్ ఒరిజినల్ యాప్కు టోన్-డౌన్ వెర్షన్. మార్చి 8 నాటికి ఈ యాప్ పది కోట్లకు పైగా డౌన్లోడ్లను సాధించింది. Apptopia డేటా ప్రకారం, తాజాగా రిమూవ్ చేసిన బూమరాంగ్ యాప్ రోజుకు 26,000 డౌన్లోడ్లను సాధించింది. అయితే, ఇన్స్టాగ్రామ్ మాత్రం ఈ రెండు యాప్ల తొలగింపుపై ఎటువంటి అధికారిక ప్రకటన చేయలేదు. వీటిని సైలెంట్గా యాప్ స్టోర్ల నుంచి తొలగించింది. వీటిలోని ఫీచర్లను ఇన్స్టాగ్రామ్ యాప్లోనే అందించేలా కొత్త వెర్షన్ను త్వరలోనే తీసుకురానుంది. భారత్లో చైనా బ్యాన్ అయిన పాపులర్ షార్ట్ వీడియో యాప్ టిక్టాక్ ప్లేస్ను చేజిక్కించుకునేందుకు ఇన్స్టాగ్రామ్ అన్ని ప్రయత్నాలు చేస్తోంది. ఇందులో భాగంగానే వరుసగా టిక్టాక్ తరహా ఫీచర్లను పరిచయం చేస్తోంది. అందుకే, 2020లో టిక్టాక్ తరహా రీల్స్ ఫీచర్ను పరిచయం చేసింది. యూజర్లు రీల్స్ను మరింత సులభంగా క్రియేట్ చేసుకునేలా కొత్త ఫీచర్లను కూడా ప్రవేశపెడతామని తెలిపింది.
0 Comments