పోకో నుంచి మరో 5జీ స్మార్ట్ ఫోన్ ?

చైనాకు చెందిన స్మార్ట్‌ఫోన్ ఉత్పత్తుల తయారీ సంస్థ పోకో, ఎప్పటికప్పుడూ సరికొత్త మోడల్ మొబైల్స్‌ను మార్కెట్లో విడుదల చేస్తోంది. ప్రస్తుతం ఈ కంపెనీ మరో సరికొత్త మిడ్-రేంజ్ స్మార్ట్‌ఫోన్‌ను మార్కెట్లోకి తెచ్చేందుకు ప్రయత్నం చేస్తోంది. అది Poco F5 5G మొబైల్ అని తెలుస్తోంది. ఈ స్మార్ట్‌ఫోన్‌కు సంబంధించిన కొన్ని వివరాలు ఇటీవలి ఓ నివేదికలో వెల్లడయ్యాయి. తాజాగా, EEC సర్టిఫికేషన్ సైట్‌లో ఒక టిప్‌స్టర్ ద్వారా మోడల్ నంబర్ 23013PC75Gతో Poco స్మార్ట్‌ఫోన్ కనిపించింది. పలు రూమర్ల ప్రకారం చూస్తే.. ఈ హ్యాండ్‌సెట్ Poco F5 5G గా తెలుస్తోంది. లిస్టింగ్‌లో స్మార్ట్‌ఫోన్ స్పెసిఫికేషన్‌లకు సంబంధించిన ఏ సమాచారం లేదు. అయితే, ఈ సర్టిఫికేషన్ ప్రకారం చూస్తే.. ఈ మొబైల్ త్వరలోనే గ్లోబల్ మార్కెట్లలో ప్రారంభించబడుతుందని భావిస్తున్నారు. EEC సర్టిఫికేషన్ సైట్‌లో ప్రత్యక్షమైందని చెబుతున్న Poco F5 5G జాబితాను టిప్‌స్టర్ ముకుల్ శర్మ ట్విటర్లో గుర్తించారు. జాబితా చేయబడిన హ్యాండ్‌సెట్ మోడల్ నంబర్ 23013PC75Gని కలిగి ఉంది, ఇది Poco స్మార్ట్‌ఫోన్ యొక్క గ్లోబల్ వేరియంట్ కావచ్చు అని ఆయన పేర్కొ్నారు. దురదృష్టవశాత్తూ, EEC లిస్టింగ్‌లో ఫోన్ స్పెసిఫికేషన్‌లకు సంబంధించిన ఇతర వివరాలు ఏవీ పేర్కొనబడలేదు.