అత్యంత శక్తివంతమైన కెమెరా !

ప్రపంచంలోనే అత్యంత శక్తివంతమైన కెమెరాను శాస్త్రవేత్తలు ఆవిష్కరించారు. 3200 మెగా పిక్సల్ సామర్ధ్యం కలిగి ఉన్న ఈ కెమెరా దాదాపు 25 కిలోమీటర్ల దూరంలోని బంతిని కూడా స్పష్టంగా గుర్తించగలదు. ఐదున్నర అడుగుల లెన్స్ అంటే ఓ చిన్న కారు సైజులో ఉంటుంది. ముందు భాగంలో అద్దం 27 అడుగులు ఉంటుంది. 189 సెన్సర్లతో సుమారు 2800 కిలోల బరువు ఉంటుంది. ఈ కెమెరాని కేవలం ఖగోళ పరిశోధనలకే వాడతామని  శాస్త్రవేత్తలు స్పష్టం చేశారు. ఆకాశంలో రాత్రి వేళల్లో జరిగే అద్భుతాలు, రహస్యాలను కనిపెట్టేందుకు ఇది బాగా ఉపయోగపడుతుందనే అభిప్రాయాన్ని వ్యక్తం చేశారు. ఈ కెమెరాను వచ్చే ఏడాది చిలీలోని ఓ పర్వతంపై కూర్చోబెట్టడానికి ప్రయత్నిస్తున్నారు. దాదాపు పూర్తి కావొచ్చిన ఈ కెమెరా ఫోటోలను శాస్త్రవేత్తలు విడుదల చేశారు. అత్యంత ఖచ్చితత్వంతో ఫోటోలు తీసే సత్తా ఈ భారీ డిజిటల్ కెమెరాకుందని వారు వెల్లడించారు.