రిలయన్స్‌ జియో వినియోగదారుల కోసం కొత్త యాప్‌ను అందుబాటులోకి తీసుకువచ్చింది. ఇన్‌స్టాగ్రామ్ రీల్స్ తరహాలో షార్ట్ వీడియోస్ కోసం ఈ యాప్‌ను రూపొందించింది. ఈ యాప్ ప్రారంభంలో మొదట వంద మందికి మాత్రమే ప్రవేశం కల్పిస్తారు. ఆ తర్వాత ఇన్విటేషన్ రూపంలో ఇతరులకు ఆహ్వానం పంపిస్తారు. వినోదాన్ని అందించే స్టార్స్‌కు ఇదొక అంతిమ గమ్యం అవుతుంది. గాయకులు, సంగీతకారులు, నటులు, హాస్య నటులు, డ్యాన్సర్లు, ఫ్యాషన్ డిజైనర్లు, సంస్కృతిని ప్రభావితం చేసే సృష్టికర్తలు అందరికీ ఇది గమ్యస్థానం” అని జియో ఫ్లాట్‌ఫామ్స్ ఓ ప్రటనలో తెలిపింది. రిలయన్స్‌ జియో తీసుకువచ్చిన ఈ కొత్త యాప్‌లో షార్ట్ వీడియోలు అప్‌లోడ్‌, డౌన్లోడ్ చేసుకోవచ్చు. ఈ షార్ట్ వీడియో యాప్ బీటా వెర్షన్‌లో వచ్చింది. పూర్తి స్థాయి వెర్షన్ 2023 జనవరి విడుదల చేయనున్నట్లు తెలుస్తోంది. అపుడు యూజర్లు డౌన్లోడ్ చేసుకునే వెసులుబాటు కల్పిస్తారు. అయితే ప్రస్తుతం అందుబాటులోకి వచ్చిన ఈ యాప్ అందరికి అవకాశం ఉండదు. తర్వాత వెర్షన్‌లో అందరికి అందుబాటులోకి తీసుకువచ్చే విధంగా సన్నాహాలు జరుగుతున్నాయి.
0 Comments