ఆదిత్య L1 ప్రయోగానికి కౌంట్‌డౌన్‌ !

                                ఆదిత్య-L1

చంద్రయాన్-3 సక్సెస్ తర్వాత 'ఆదిత్య హృదయాన్ని' ఆవిష్కరించే ప్రయత్నం చేస్తోంది. సూర్యగోళం రహస్యాలను ఛేదించడానికి  శ్రీహరికోట వేదికగా రంగం సిద్ధమైంది. ఇస్రో ప్రతిష్టాత్మకంగా చేపట్టిన.. ఆదిత్య L1 ప్రయోగానికి కౌంట్‌డౌన్‌ మొదలైంది. ఇప్పటికే ప్రయోగానికి సంబంధించిన పరికరాలన్నీ శ్రీహరికోట-షార్‌ కేంద్రానికి చేరుకున్నాయి. విశ్వ రహస్యాల గుట్టువిప్పడానికి సంకల్పం చేసిన ఇస్రో..కీలక ప్రయోగాలతో ప్రపంచ దృష్టిని ఆకర్షిస్తోంది. చంద్రయాన్‌ త్రీ సక్సెస్‌తో..

 

 అగ్రరాజ్యాలకు దీటుగా నిలబడిన ఇస్రో..తాజాగా ఆదిత్య-L1 ప్రయోగానికి సిద్ధమైంది. ఆదిత్య ఎల్-1- సూర్యుని పై పరిశోధనలకు ఇస్రో చేస్తున్న తొలి ప్రయత్నం..! ఇప్పటిదాకా చంద్రుడు, అంగారక గ్రహాలపై పరిశోధనలు చేసిన ఇస్రో.. అద్భుత రహస్యాలను బయటపెట్టింది. అదేవిధంగా సూర్యుడి రహస్యాలను కనిపెట్టడమే లక్ష్యంగా ఇస్రో ఆదిత్య-L1 ప్రయోగం చేపడుతోంది. సెప్టెంబర్ 02 న PSLV C-57 ద్వారా ఆదిత్య ఎల్-1 ప్రయోగం జరగనుంది. సూర్యుని అయస్కాంత క్షేత్రంలో సంభవించే మార్పులు.. కరోనియంలో ఉన్న పదార్థాలు.. సూర్యునిలో నిత్యం జరిగే డైనమిక్ ప్రక్రియలను అధ్యయనం చేయడానికి భారత్ చేస్తున్న తొలి ప్రయోగం ఇది..! తరచూ మనం చూస్తున్న సౌర తుఫాన్ కారణంగా అంతరిక్షంలో ఉపగ్రహాలపై పడుతున్న ప్రభావంతో.. సమాచార వ్యవస్థ పై అంతరాయాలు ఏర్పడుతున్నాయి. ఈ ప్రయోగం ద్వారా ఫోటో స్పియర్, క్రోమోస్పియర్ లపై పరిశోధనలు చేసి భూమిపై సూర్యుని వల్ల కలిగే దుష్పరిణామాలకు కారణాలు, పరిష్కారాలు చూపేందుకు అవకాశాలు తెలిసే అవకాశం ఉందంటోంది.  సెప్టెంబరు 2న ఉదయం 11.50 గంటలకు ఆదిత్య L1 ప్రయోగం జరుగుతుంది.

ఐదు వేల ఉచిత పబ్లిక్ వైఫై హాట్‌స్పాట్స్ ?

డిజిటల్ కనెక్టివిటీ అనేది సిటిజన్స్ ప్రాథమిక హక్కుగా పరిణమించింది. తక్కువ ధరకే ప్రస్తుతం డేటా అందుబాటులో ఉన్నా కూడా కొంత మందికి డేటా పొందటం కష్టంగానే ఉండొచ్చు. ఈ సమస్యను పరిష్కరించడానికి ఫ్రీ పబ్లిక్ వైఫై హాట్‌స్పాట్స్ చాలా దోహదపడతాయని చెప్పుకోవచ్చు. వైఫై హాట్‌స్పాట్స్ ద్వారా ప్రజలు సలుభంగానే ఇంటర్నెట్ సర్వీసులు పొందొచ్చు. మొబైల్ డేటా లేదా వైఫై ద్వారా ఈ సేవలు అందుబాటులో ఉంటాయి. కర్నాటక ప్రభుత్వం ప్రజలకు ఈ ఉచిత వైఫై హాట్‌స్పాట్స్ అందుబాటులోకి తీసుకురావాలని భావిస్తోంది. బెంగళూరులో భారీ స్థాయిలో ఉచిత వైఫై హాట్‌స్పాట్స్‌ను ఏర్పాటు చేయాలని యోచిస్తోంది. 2023 డిసెంబర్ కల్లా ఏకంగా 5 వేల ఉచిత వైఫై హాట్‌స్పాట్స్ తీసుకురావాలని లక్ష్యంగా నిర్దేశించుకుంది. బ్రాడ్‌బాండ్ సర్వీస్ ప్రొవైడర్లతో ప్రభుత్వం త్వరలోనే చర్చలు ప్రారంభించే అవకాశం ఉంది. అలాగే టెలికం సర్వీస్ ప్రొవైడర్లతో కూడా సమావేశం నిర్వహించే అవకాశం ఉందని చెప్పుకోవచ్చు. ఈ ప్లాన్ కొత్తేమీ కాదు. ప్రభుత్వం 2019లోనే ఈ అంశంపై చర్చలు జరిపింది. వైఫై హాట్‌స్పాట్స్ ద్వారా తొలి 30 నిమిషాలు లేదా గంట పాటు ఉచితంగానే ఇంటర్నెట్ అందించాలని భావించింది. తర్వాత నెట్ కొనసాగించాలని భావిస్తే. అప్పుడు యూజర్ల నుంచి చార్జీలు వసూలు చేయాలని యోచించింది. అయితే తర్వాత ఇది అటకెక్కింది. కాగా ఈ ఉచిత వైఫై హాట్‌స్పాట్స్ స్కీమ్‌కు దాదాపు రూ.100 కోట్లు ఖర్చు కావొచ్చనే అంచనాలు ఉన్నాయి. ఏసీటీ ఫైబర్‌నెట్ ద్వారా ఈ సర్వీసులు అందుబాటులోకి తెవాలనే ప్రభుత్వం అప్పట్లో భావించింది. అయితే ప్రస్తుతం మళ్లీ ఈ చర్చలు జరుగుతున్నాయి. గత స్కీమ్‌లో మాదిరిగానే ప్రభుత్వం తొలి 30 నిమిషాలు ఉచితంగానే నెట్ అందించి తర్వాత చార్జీలు వసూలు చేస్తుందో.. లేదంటే.. కొత్త ప్లాన్ ఏమైనా తీసుకువస్తుందో చూడాల్సి ఉంది. 5000 ఉచిత వైఫై పబ్లిక్ హాట్‌స్పాట్స్ అందుబాటులోకి సవ్తే.. చాలా మందికి బెనిఫిట్ కలుగుతుందని చెప్పుకోవచ్చు. ప్రతి ఏరియాలో నెట్‌వర్క్ కనెక్టివిటీ పెరుగుతుంది. ఉచితంగానే ఇంటర్నెట్ వాడుకోవచ్చు. డబ్బులుపెట్టి మొబైల్ డేటా కొనలేని వారికి ఈ వైఫై హాట్‌స్పాట్స్ ద్వారా చాలా బెనిఫిట్ లభిస్తుందని చెప్పుకోవచ్చు.

ఫోన్ నంబర్ అవసరం లేకుండానే ఆడియో, వీడియో కాల్స్ !

X ప్లాట్‌ఫారమ్‌లో ఇంటిగ్రేట్ చేయబడిన ఆడియో మరియు వీడియో కాల్‌ల వంటి ఫీచర్లను X లో చూడవచ్చని ఎలాన్ మస్క్ ప్రకటించారు. ఈ ఫీచర్ ఆండ్రాయిడ్, iOS, PC మరియు Macకి అనుకూలంగా ఉంటుంది. ఇక్కడ, ఆసక్తికరమైన విషయం ఏమిటంటే, మస్క్ చెప్పినట్లుగా, ఈ ఫీచర్ ద్వారా ఎటువంటి ఫోన్ నంబర్ లేకుండా కాల్స్ చేయవచ్చు. "X కి వస్తున్న వీడియో & ఆడియో కాల్‌లు: - iOS, Android, Mac & PCలో పని చేస్తుంది. దీనికి ఫోన్ నంబర్ అవసరం లేదు. సోషల్ మీడియా దిగ్గజం " X అనేది ప్రభావవంతమైన ఒక గ్లోబల్ అడ్రస్ బుక్ గా మారబోతోంది. అందులో ఈ ఫీచర్ ప్రత్యేకమైనది" అని ఆయన  X లో రాశాడు. అయితే మస్క్ ఈ ఫీచర్లను ఎప్పుడు లాంచ్ చేయడానికి ప్రణాళిక వేశారు అనే తేదీని ఇంకా ఇవ్వలేదు. జూలైలో  కంపెనీ డిజైనర్ ఆండ్రూ కాన్వే ఈ ఫీచర్‌ను సూచించాడు. Mashable నివేదిక ప్రకారం, ఒక నెల క్రితం, ఈ ఫీచర్ తో ఉన్న X  స్క్రీన్‌షాట్‌లను షేర్ చేసారు. ఈ స్క్రీన్‌షాట్‌లో, ఆడియో మరియు వీడియో కాల్ ఎంపికలు DM స్క్రీన్ ఎగువ ఎడమవైపున జోడించబడ్డాయి. ఆడియో మరియు వీడియో కాల్‌ల తో ఎలోన్ మస్క్ X "ఎవ్రీథింగ్ యాప్"గా మారాలనే ఆలోచన వైపు మరో అడుగు ముందుకేశారు. 

మార్స్‌పై జీవుల్ని నాసా చంపిందా ?

అంగారక గ్రహంకి సంబంధించి ఓ కీలక అంశం తెరపైకి వచ్చింది. అది ఇప్పుడు పెను సంచలనం రేపుతోంది. అది ఏంటంటే.. నాసా, 50 ఏళ్ల కిందటే మార్స్ గ్రహంపై జీవుల్ని కనిపెట్టింది. కానీ అనుకోకుండా వాటిని చంపేసింది అని బెర్లిన్ లోని టెక్నికల్ యూనివర్శిటీలో ఫ్యాకల్టీ సభ్యుడిగా ఉన్న ప్రముఖ సైంటిస్టు ప్రొఫెసర్ డిర్క్ షుల్జ్-మకుచ్ చెప్పడం హాట్ టాపిక్ అయ్యింది. "భూమిపై నీరు ఉంది కాబట్టి ఇక్కడ జీవం ఏర్పడింది. మార్స్ గ్రహం.. ఎండిపోయిన గ్రహం. అక్కడ ఒకప్పుడు నీరు ఉండేది. కాబట్టి అక్కడ నీటిని యాడ్ చేయడం ద్వారా జీవుల ఆనవాళ్లు కనిపెట్టవచ్చు" అని ఆస్ట్రోబయాలజీ ప్రొఫెసర్ డిర్క్ షుల్జ్-మకుచ్ అన్నారు. ఆయన లెక్క ప్రకారం 50 ఏళ్ల కిందటే నాసా అంగారక గ్రహంపై జీవుల్ని కనిపెట్టింది. అయితే అనుకోకుండా వాటిని నాశనం చేసింది.  నాసా, క్యూరియోసిటీ రోవర్‌ని మార్స్‌పై దింపక ముందు 1970 మధ్యలో  వైకింగ్ ప్రోగ్రామ్ చేపట్టింది. మార్స్ ఉపరితలంపైకి 2 ల్యాండర్లను పంపింది. అంటే.. మన ఇస్రో, చందమామపైకి విక్రమ్ ల్యాండర్ పంపింది కదా.. అలా పంపింది. ఈ మిషన్ ఉద్దేశం ఏంటంటే.. మార్స్ ఉపరితలం ఎలా ఉందో ఫొటోలు తీసి పంపాలి. అంతేకాదు. మార్స్ మట్టిపై జీవరసాయన పరిశోధనలు చేసి.. జీవులు ఉన్నదీ లేనిదీ కనిపెట్టాలి. "వైకింగ్ మిషన్.. నీటి ద్వారా మార్స్ గ్రహంపై అనేక భౌగోళిక నిర్మాణాలు ఏర్పడ్డాయని తెలిసింది. ఈ నిర్మాణాలు మన భూమిపై మార్టిన్ అగ్నిపర్వతాలు, హవాయిలో ఉన్న నిర్మాణాలకు దగ్గరి పోలికలు కలిగివున్నాయి. భూమిపై నిర్మాణాలు.. వర్షం వల్ల ఏర్డడ్డాయి. అంటే మార్స్‌పై కూడా వర్షం లాంటిది పడిందా.. అనేది ఒక ప్రశ్న అయితే.. వైకింగ్ ల్యాండర్స్.. క్లోరినేటెడ్ ఆర్గానిక్స్‌ను మార్స్ మట్టిలో కనిపెట్టాయి. కానీ.. అవి భూమికి సంబంధించిన ఆర్గానిక్స్ కావచ్చని శాస్త్రవేత్తలు భావించారు. ఐతే.. ఆ తర్వాత నాసా పంపిన మిషన్లు.. మార్స్‌పై క్లోరినెటెడ్ రూపంలో కర్బన సమ్మేళనాల ఉనికిని నిర్ధారించాయి" అని ఆ శాస్త్రవేత్త బిగ్ థింక్‌లోని ఒక కాలమ్‌లో రాశారు.

గూగుల్ సెర్చ్ లో కొత్త AI ఫీచర్ !

భారత్, జపాన్‌లోని వినియోగదారుల కోసం  గూగుల్ కొత్త సెర్చ్ ఫీచర్ ను తీసుకువచ్చింది. ఈ సెర్చ్ టూల్ ఉత్పాదక కృత్రిమ మేధస్సుతో పనిచేస్తుంది. ఈ ఫీచర్ మొదటిసారిగా యునైటెడ్ స్టేట్స్‌లో మాత్రమే లాంచ్ చేయబడింది. అయితే, ప్రస్తుతం ఈ ఫీచర్ ఈ వారం భారతదేశం మరియు జపాన్‌ రెండు దేశాలలో అందుబాటులోకి వచ్చింది మరియు వినియోగదారులు దీన్ని ఎంపిక చేసుకునే అవకాశం ఉంటుంది. జపనీస్ వినియోగదారులు తమ స్థానిక భాషలలో ఈ ఫీచర్‌ను ఉపయోగించుకోగలరు, అయితే ఇది భారతదేశంలో ఇంగ్లీష్ మరియు హిందీలో మాత్రమే అందుబాటులో ఉంటుంది. ఈ గూగుల్ సెర్చ్ ఫీచర్, ఏదైనా కొనుగోలు చేయడానికి ఏదైనా గుర్తించడం వంటి సమాచారాన్ని వెతకడానికి ఉపయోగించబడుతుంది. ఇది గూగుల్ చాట్‌బాట్ బార్డ్‌కి భిన్నంగా ఉంటుంది. ఉదాహరణకు, సాఫ్ట్‌వేర్ కోడ్‌ను రూపొందించడానికి మానవునిలా సంభాషణలను నిర్వహించగల వ్యక్తిత్వం కలిగి ఉంటుంది. గూగుల్ ఈ AI సెర్చ్ ఫీచర్ మైక్రోసాఫ్ట్  బింగ్ తో పోటీపడుతుంది. గూగుల్ మంగళవారం తన ఆర్టిఫిషియల్ ఇంటెలిజెన్స్-పవర్డ్ టూల్స్‌ను ఎంటర్‌ప్రైజ్ కస్టమర్‌లకు ప్రతి వినియోగదారుకు నెలవారీ $30 (దాదాపు రూ. 2,500)కి అందుబాటులోకి తెచ్చింది. ఆల్ఫాబెట్ యాజమాన్యంలోని ఈ సంస్థ ఈ సంవత్సరం ప్రజాదరణ పొందిన Ai టెక్నాలజీ ని క్యాష్ చేసుకోవడానికి చూస్తోంది. గూగుల్ ప్రత్యర్థి అయిన మైక్రోసాఫ్ట్ యొక్క "కోపైలట్" AI-పవర్డ్ ఆఫీస్ సాఫ్ట్‌వేర్ సూట్ ధర ఉంటుంది. ఇందులో Teams మరియు Outlook ఉన్నాయి. మైక్రోసాఫ్ట్ మద్దతుతో OpenAI గత సంవత్సరం చాట్‌జిపిటిని లాంచ్ చేయడం ద్వారా టెక్ ప్రపంచంలో ఒక సంచలనం సృష్టించింది. తర్వాత గూగుల్ కూడా ఈ సంవత్సరం ఉత్పాదక Ai టెక్నాలజీలో తన పెట్టుబడులను తీవ్రం చేసింది. శాన్ ఫ్రాన్సిస్కోలో జరిగిన Google నెక్స్ట్ కాన్ఫరెన్స్‌లో గూగుల్ సంస్థ మంగళవారం ఒక ప్రకటన విడుదల చేసింది. ఇక్కడ కంపెనీ తన కొత్త AI చిప్‌ల యొక్క కొత్త వెర్షన్‌ను మరియు AI ద్వారా రూపొందించబడిన చిత్రాలను వాటర్‌మార్క్ చేయడానికి మరియు గుర్తించడానికి ఒక టూల్ ని కూడా లాంచ్ చేసింది.

ఫోన్‌పే షేర్‌.మార్కెట్‌ యాప్ ప్రారంభం !

ఫోన్‌పే స్టాక్‌ బ్రోకింగ్‌ విభాగంలో షేర్‌.మార్కెట్‌ పేరుతో కొత్త మొబైల్ యాప్ ప్రారంభించింది. ఈ కొత్త ప్రాజెక్టులో ఆర్థిక సేవలన్నింటిలోనూ ప్రవేశంచినట్లయిందని ఫోన్‌పే సీఈఓ సమీర్ నిగర్ చెప్పారు. షేర్.మార్కెట్‌కు ఉజ్వల్‌ జైన్‌ సీఈఓగా ఉంటారు. ప్రస్తుతం షేర్లు, ఈటీఎఫ్‌లతో షేర్‌.మార్కెట్‌ను ప్రారంభించామని, క్రమంగా ఫ్యూచర్లు, ఆప్షన్లు, ఇతరత్రా విభాగాలను జత చేస్తామని చెప్పారు. ప్లాట్‌ఫామ్ లోగోను బీఎస్‌ఈ మేనేజింగ్‌ డైరెక్టరు, సీఈఓ సుందరరామన్‌ రామమూర్తి బుధవారం ఆవిష్కరించారు. ఫోన్‌పే ప్రస్తుతం డిజిటల్ చెల్లింపులతో ఇ-కామర్స్‌, బ్యాంకింగ్‌, బీమా సేవలను అదిస్తోంది. కంపెనీ విస్తరణలో భాగంగా పలు రంగాలపై కన్నేసింది. దేశంలో జరిగే యూపీఐ చెల్లింపుల్లో గూగుల్‌పే, ఫోన్‌పేల వాటా చెరో 43 శాతంగా ఉంది.

కాంపాక్యూ 43 ఇంచుల స్మార్ట్ టీవీపై 51% డిస్కౌంట్ !

ఫ్లిప్‌కార్ట్‌లో కాంపాక్యూ 43 ఇంచుల స్మార్ట్ టీవీ ఎంఆర్‌పీ రూ. 32,999. 51 శాతం తగ్గింపుతో దీన్ని ఇప్పుడు రూ. 15,999కే కొనొచ్చు. ఇది ఆండ్రాయిడ్ టీవీ. ఈ టీవీపై ఇతర ఆఫర్లు కూడా ఉన్నాయి. బ్యాంక్ ఆఫర్ కింద తగ్గింపు పొందొచ్చు. ఐసీఐసీఐ బ్యాంక్ క్రెడిట్ కార్డు ద్వారాఈ టీవీ కొంటే అదనంగా రూ. 1250 వరకు తగ్గింపు వస్తుంది. అంటే అప్పుడు మీరు ఈ టీవీని రూ. 14,749కే సొంతం చేసుకోవచ్చు. అంతేకాకుండా ఈ స్మార్ట్ టీవీపై ఎక్స్చేంజ్ డిస్కౌంట్ కూడా ఉంది. ఏకంగా రూ. 7 వేల వరకు తగ్గింపు పొందొచ్చు. అంటే అప్పుడు మీరు రూ. 7,749కే ఈ స్మార్ట్ టీవీ సొంతం చేసుకోవచ్చు. అయితే ఇక్కడ మీ పాత టీవీ ఆధారంగా మీకు లభించే ఎక్స్చేంజ్ డిస్కౌంట్ కూడా మారుతుందని గుర్తించుకోవాలి. కొన్ని టీవీలపై తక్కువ ఎక్స్చేంజ్ డిస్కౌంట్ కూడా రావొచ్చు. అందుకే ఎక్స్చేంజ్ ఆఫర్ కింద టీవీ కొనే సమయంలో మీ టీవీకి ఎంత డిస్కౌంట్ ఉందో చెక్ చేసుకోవచ్చు. అలాగే ఈ స్మార్ట్ టీవీపై తక్కువ ఈఎంఐ ఆప్షన్ కూడా పెట్టుకోవచ్చు. నెలవారీ ఈఎంఐ రూ. 776 నుంచి ప్రారంభం అవుతోంది. 24 నెలల టెన్యూర్‌కు ఇది వర్తిస్తుంది. అదే 18 నెలల టెన్యూర్ అయితే నెలకు రూ. 999 పడుతుంది. ఇక 12 నెలల టెన్యూర్ అయితే నెలకు రూ. 1437 కట్టాలి. 9 నెలల టెన్యూర్ అయితే నెలకు రూ.1883 పడుతుంది. ఇక 6 నెలల టెన్యూర్ అయితే రూ. 2777 చెల్లించాలి. ఇలా మీరు మీకు నచ్చిన టెన్యూర్ ఎంచుకోవచ్చు. ఈఎంఐ ట్రాన్సాక్షన్లపై ప్రాసెసింగ్ ఫీజు ఉంటుంది.

చంద్రుడిపై ల్యాండర్‌ ఫోటో తీసిన రోవర్‌ !

చంద్రయాన్-3 ల్యాండర్ నుంచి కిందికి దిగిన రోవర్ చంద్రుడి ఉపరితలంపై తిరుగుతూ పరిశోధనలు కొనసాగిస్తోంది. శివ శక్తి పాయింట్ వద్దనున్న ల్యాండర్ నుంచి జాబిల్లి నేలపైకి జారుకున్న రోవర్ మరుక్షణం నుంచే కర్తవ్య నిర్వహణలో నిమగ్నమైంది. చంద్రుడిపై ఆక్సిజన్‌ ఆనవాళ్లు పుష్కలంగా ఉన్నట్లు గుర్తించింది. అలాగే చంద్రుడిపై పలు ఖనిజాలు జాడను గుర్తించింది ప్రజ్ఞాన్‌ రోవర్‌. వారం రోజుల నుంచి తనపని తాను చేసుకుంటూ పోతున్న రోవర్‌.. మాంగనీస్‌, క్రోమియం, టైటానియం, కాల్షియం, అల్యూమినియం, సల్ఫర్‌, సిలికాన్‌, ఇనుము ఖనిజాల ఆనవాళ్లు గుర్తించింది. దీనికి సంబంధించిన ఫొటోలను అధికారికంగా విడుదల చేసింది ఇస్రో. హైడ్రోజన్ కోసం ఇంకా రోవర్ పరిశోధిస్తోందని ఇస్రో తెలిపింది. ఇక మిగిలిన ఏడు రోజుల్లో చందమామపై ల్యాండర్, రోవర్‌ శాస్త్రీయ పరిశోధనలు చేస్తాయి. రోవర్‌ ప్రజ్ఞాన్‌ చంద్రుడి ఉపరితలంపై మట్టి స్వభావాన్ని విశ్లేషిస్తుంది. అలాగే చంద్రుడిపై ఉన్న దుమ్ము ధూళీ, రాళ్లలోని రసాయనిక సమ్మేళనాలను రోవర్‌ గుర్తిస్తుంది చంద్రునిపై తన పనిని నిరంతరం కొనసాగిస్తున్న చంద్రయాన్‌ 3.. ఇస్రో ప్రతిరోజూ ఈ మిషన్‌కు సంబంధించిన తాజా అప్‌డేట్‌లను అందిస్తోంది. మంగళవారం నాడు ప్రజ్ఞాన్ రోవర్ క్లిక్ చేసిన విక్రమ్ ల్యాండర్ చిత్రాలను ఇస్రో షేర్ చేసింది. దీనితో పాటు స్మైల్ ప్లీజ్ అని ఇస్రో క్యాప్షన్ ఇచ్చింది. నిన్ననే చంద్రుని దక్షిణ భాగంలో ఆక్సిజన్, ఇతర మూలకాల ఉనికిని ఇస్రో ధృవీకరించింది. రోవర్‌ ఇలా అంశాలను గుర్తించడం పెద్ద విజయమేనని ఇస్రో చెబుతోంది.

సెప్టెంబర్ 12న ఐఫోన్ 15 లాంచ్ !

ఆపిల్ నెక్స్ట్ జనరేషన్ ఐఫోన్ 15  సెప్టెంబర్ 12న లాంచ్ చేయనున్నట్లు ప్రకటించింది. భారత్‌లో ఈ ఈవెంట్ రాత్రి 10:30 గంటలకు జరుగుతుంది. ఈ ఏడాదిలో ఐఫోన్‌లు అనేక ప్రాంతాలలో పెద్ద అప్‌గ్రేడ్‌లను పొందే అవకాశం ఉంది. అయితే, డిజైన్ పెద్దగా మార్పు ఉండకపోవచ్చు. లీక్‌లను విశ్వసిస్తే.. ఆపిల్ ఐఫోన్ 15 ప్రో మోడళ్ల ధరలను భారీ మార్జిన్‌తో పెంచే యోచనలో ఉంది. స్టాండర్డ్, ప్లస్ వెర్షన్‌లు పాత ధరలకే అందుబాటులో ఉండవచ్చు. దీనికి సంబంధించిన మరిన్ని విషయాలు తెలియాలంటే కొన్ని రోజులు ఆగాల్సిందే. ఆపిల్ 2023 ఐఫోన్‌ల ధరలపై అందరిలోనూ ఆసక్తి నెలకొంది. లీక్‌లను పరిగణనలోకి తీసుకుంటే.. ఈ ఏడాదిలో కొన్ని పెద్ద మార్పులు ఉండవచ్చు. రాబోయే ఐఫోన్ లైనప్ బోర్డు అంతటా కొన్ని ఉత్తేజకరమైన మార్పులను తీసుకొచ్చేందుకు రెడీగా ఉంది. ముందుగా, అన్ని మోడల్‌లు USB-C ఛార్జ్‌ని కలిగి ఉంటాయి. హుడ్ కింద, పవర్‌ఫుల్ కొత్త A17 బయోనిక్ చిప్ ప్రో మోడల్, A16 ప్రామాణికంగా ఉండవచ్చు. వినియోగదారులు అన్ని మోడళ్లలో సన్నని బెజెల్స్‌తో పెద్ద స్క్రీన్‌లను కలిగి ఉండవచ్చు. ఐఫోన్ 15, ఐఫోన్ 15 ప్లస్ 'డైనమిక్ ఐలాండ్' ఫీచర్‌ను అందించవచ్చు. ఐఫోన్ 15 ప్రో, ఐఫోన్ 15 ప్రో మాక్స్ సొగసైన టైటానియం ఎండ్ కలిగి ఉంటాయి. అంతేకాకుండా,  ఫొటోగ్రఫీ గేమ్‌ను పెరిస్కోప్ లెన్స్‌తో మెరుగైన జూమ్ సామర్థ్యాలను అందిస్తుంది. మ్యూట్ స్విచ్ బటన్ స్థానంలో ప్రో మోడల్స్‌లో కొత్త యాక్షన్ బటన్‌ను కూడా కలిగివుంది.

గూగుల్, మెటా సంస్థల్లో సీనియర్‌ సాఫ్ట్‌వేర్‌ ఇంజినీర్లకు పెద్దపీట !

గూగుల్‌, మెటా సీనియర్‌ సాఫ్ట్‌వేర్‌ ఇంజినీర్లకు మార్కెట్‌లో ఉన్న ఇతర కంపెనీల కంటే ఎక్కువ జీతం చెల్లిస్తున్నాయని కొన్ని నివేదికలు స్పష్టం చేస్తున్నాయి. అలాగే ఈ కంపెనీల్లో చేసే ఉద్యోగులకు ప్రమోషన్‌లు కూడా చాలా త్వరగా వస్తున్నాయని తెలుస్తుంది. యాపిల్‌, మైక్రోసాఫ్ట్‌ వంటి సంస్థలు ఎంట్రీ లెవల్ ఇంజనీర్‌లకు సగటున కనీసం చెల్లిస్తారు. అయితే సీనియర్ ఇంజనీర్ల విషయానికి వచ్చే సరికి కంపెనీల అవసరాలను బట్టి వారికి చెల్లించే జీతం అనేది ఆధారపడి ఉంటుంది.  గూగుల్‌ కంపెనీ అత్యంత బ్యాలెన్స్‌డ్ లేదా స్థిరమైన పే బ్యాండ్‌లను కలిగి ఉంది. దీని అర్థం తక్కువ ఉద్యోగ స్థాయిలో ఉన్నవారు ఉన్నత స్థాయిలో ఉన్న వారి కంటే ఎక్కువ వేతనం పొందడం చాలా అరుదు అధ్యయనాలు తెలుపుతున్నాయి. మెటా ఇంజనీర్లు అత్యంత వేగవంతంగా ప్రమోషన్లు పొందుతున్నారు. అలాగే ఇతర సంస్థలతో పోలిస్తే అత్యధిక వేతనాన్ని కలిగి ఉంటారని నివేదికలు స్పష్టం చేస్తున్నాయి. గత సంవత్సరం జనవరి నుంచి ఈ నెల వరకు నివేదించిన పరిహారం ప్యాకేజీల ఆధారంగా ఈ డేటాను విశ్లేషించారు. అంతేకాకుండా అమెజాన్‌ ప్రమోషన్‌లు దాని తోటివారి కంటే ఎక్కువ సమయం తీసుకుంటాయి. అలాగే ఇంజనీర్లకు దాని చెల్లింపు శ్రేణులు విస్తృతంగా ఉన్నాయని అధ్యయన వివరాలు వెల్లడిస్తున్నాయి. అయితే మైక్రోసాఫ్ట్ సాఫ్ట్‌వేర్ ఇంజనీర్‌ల కోసం అనేక ఉద్యోగ స్థాయిలను కలిగి ఉంది. ఇది కంపెనీకి ప్రమోషన్‌లను ఇవ్వడానికి అనుమతించవచ్చు. మైక్రోసాఫ్ట్‌ కూడా సాఫ్ట్‌వేర్ ఇంజనీర్‌ల కోసం అనేక ఉద్యోగ స్థాయిలను కలిగి ఉంది. ఇది కంపెనీకి ప్రమోషన్‌లను అందించడానికి మరింత సౌలభ్యాన్ని ఇస్తుంది. అయినప్పటికీ స్టాఫ్ సాఫ్ట్‌వేర్ ఇంజనీర్ వరకు బోర్డు అంతటా వారి సహచరుల కంటే వారి మొత్తం పరిహారం తక్కువగా ఉంటుందని తేలింది.

'మిషన్​ సూర్య' లాంఛ్​ రిహార్సల్​ విజయవంతం !

ఆదిత్య ఎల్‌-1 ప్రయోగానికి సంబంధించి ఇస్రో అప్డేట్​ ఇచ్చింది. లాంఛ్​​ రిహార్సల్​, రాకెట్​ అంతర్గత తనిఖీలు పూర్తయ్యాయని ట్వీట్​ చేసింది. చంద్రయాన్​-3 సక్సెస్ తర్వాత భారత అంతరిక్ష పరిశోధనా సంస్థ(ఇస్రో).. సూర్యుడి వాతావరణ పరిస్థితులపై పరిశోధన కోసం ఆదిత్య-ఎల్1 ప్రయోగానికి సిద్ధమవుతోంది. అందుకు సంబంధించిన లాంఛ్​ రిహార్సల్​, రాకెట్​ అంతర్గత తనిఖీలు పూర్తయ్యాయని బుధవారం ఇస్రో ట్వీట్​ చేసింది. శనివారం ఉదయం 11 గంటల 50 నిమిషాలకు శ్రీహరికోట అంతరిక్ష కేంద్రం నుంచి ఈ ప్రయోగాన్ని ఇస్రో చేపట్టనుంది. 

గూగుల్ కొత్త ఫీచర్ గూగుల్ ఫ్లైట్స్ !

తక్కువ ధరకే ఫ్లైట్ టికెట్ ను బుక్ చేసుకునేందుకు గూగుల్ ఫ్లైట్స్ ను గూగుల్ సంస్థ తీసుకొచ్చింది.  విమాన టికెట్లు ఎప్పుడూ ఒకేలా వుండవు కాబట్టి మీరు వెళ్లాల్సిన ప్రదేశానికి ఏ సమయంలో టికెట్ రేట్లు తక్కువగా ఉంటాయనే వివరాలతో పాటు బుకింగ్ విషయంలో సలహాలు, సూచనలను కూడా అందిస్తుంది ఈ గూగుల్ ప్లైట్ ఫీచర్. మీరు ప్రయాణం చేయాలని అనుకుంటున్న రూట్ లో ఏయే సమయాల్లో ధరలు తక్కువగా ఉంటాయనేది గూగుల్ ఫ్లైట్స్ ద్వారా తెలుసుకోవచ్చు. అంతేకాదు, ఇతరత్రా ప్రత్యేక సందర్భాలలో టికెట్ ధరలు తగ్గినపుడు కూడా మిమ్మల్ని అలర్ట్ చేస్తూ గూగుల్ ఫీచర్ మీకు నోటిఫికేషన్ పంపిస్తుంది. వివిధ రూట్లలో గతంలో టికెట్ ధరలు ఎలా ఉన్నాయనేది గూగుల్ ఫ్లైట్స్ విశ్లేషించి అందిస్తుంది. ఆ సమాచారంతో టికెట్ బుకింగ్ ఎప్పుడు చేసుకుంటే లాభదాయకంగా ఉంటుందో గూగుల్ ప్లైట్ తెలియజేస్తుంది. కొన్ని ప్రత్యేక సందర్భాలలో నిర్దేశించిన రూట్ లో ప్రయాణించేటపుడు చివరి నిమిషంలో (టేకాఫ్ కు ముందు) టికెట్ ధరలు తగ్గే అవకాశం ఉంటుందని పేర్కొంది గూగుల్ ప్లైట్. అయితే కొన్ని నెలల్లో క్రిస్మస్ పండుగ రానుంది. ఈ సమయంలో టికెట్లకు డిమాండ్ ఎక్కువగా ఉండటంతో ధర కూడా చాలా ఎక్కువగా ఉంటుంది. అందుకే ఈ సమయాల్లో 71 రోజుల ముందు ఫ్లైట్ టికెట్ బుక్ చేసుకుంటే తక్కువ ధరకే టికెట్ పొందే అవకాశం ఉంటుందని గూగుల్ ఫ్లైట్స్ సూచిస్తోంది. ఇలా వివిధ సందర్భాలలో ఫ్లైట్ టికెట్ ధరల్లో వచ్చే హెచ్చుతగ్గుల గురించి ప్రయాణికులను ఎప్పటికప్పుడు గూగుల్ ప్లైట్ అలర్ట్ చేస్తుందని గూగుల్ కంపెనీ తెలిపింది. ఈ ఫీచర్ చాలా మందికి ఉపయోగపడే అవకాశాలు ఎక్కువగా ఉన్నాయి.

150 రోజుల వ్యాలిడిటీతో బీఎస్‌ఎన్‌ఎల్‌ సరికొత్త ప్లాన్‌ !

దేశంలో ఏ మారుమూల ప్రాంతంలో అయినా బీఎస్‌ఎన్‌ఎల్‌కు సిగ్నల్‌ వస్తుందనే నమ్మకం అందరిలో ఉంది. ఎన్ని కంపెనీలు వచ్చినా బీఎస్‌ఎన్‌ఎల్‌కు కొన్ని వర్గాల్లో ఆదరణ ఉంది. ఈ నేపథ్యంలో బీఎస్‌ఎన్‌ఎల్‌కు గ్రామీణులకు అధిక మద్దతు లభిస్తుంది. బీఎస్‌ఎన్‌ఎల్‌ కూడా ఎప్పటికప్పడు వినియోగదారుల అభిరుచికి తగినట్లుగా కొత్తకొత్త ప్లాన్స్‌ను లాంచ్‌ చేస్తుంది. ముఖ్యంగా వినియోగదారులకు తక్కువ ధరకే అధిక ప్రయోజనాలు అందించే వివిధ రీచార్జి ప్లాన్స్‌ను తీసుకొచ్చింది. గతంలో అధిక ప్రజాదరణ పొందిన రూ.397 ప్లాన్‌ తిరిగి తీసుకొచ్చింది. అయితే ఈ ప్లాన్‌లోని ప్రయోజనాలు మార్చి ఈ ప్లాన్‌ను అప్‌డేట్‌ చేసింది. ముఖ్యంగా 150 రోజుల చెల్లుబాటును ప్రకటించింది. ఈ ప్లాన్ కస్టమర్లకు రోజువారీ 2 జీబీ డేటాను అందిస్తుంది. ప్రస్తుత అప్‌డేట్‌ చేసి ప్లాన్ దాని మునుపటి ఆఫర్‌లతో పోలిస్తే వినియోగదారులకు కాస్త ఖరీదైనదిగా మారింది. ఇంతకుముందు ఈ ప్లాన్‌లో 180 రోజుల చెల్లుబాటు అందుబాటులో ఉండగా డేటా పరిమితి రోజుకు 2 జీబీగా ఉండేది ఇది కాకుండా 60 రోజుల పాటు అపరిమిత ఫోన్ కాల్స్, రోజుకు 100 ఎస్‌ఎంఎస్‌లు కూడా వచ్చేవి. కస్టమర్‌లు ఇప్పటికీ అన్ని ఫీచర్‌లను పొందినప్పటికీ ఇది కేవలం 30 రోజులకు మాత్రమే పరిమితం చేశారు.. 

ఆగస్టు 23ను నేషనల్‌ స్పేస్‌ డే

ఆగస్టు 23ను కేంద్ర ప్రభుత్వం 'నేషనల్‌ స్పేస్‌ డే'గా ప్రకటించింది. ఈ మేరకు కేంద్రమంత్రి వర్గం తీసుకున్న నిర్ణయాలను కేంద్రమంత్రి అనురాగ్‌ ఠాకూర్‌ మీడియాకు వివరించారు. చంద్రయాన్‌-3 సాధించిన ఘనత పట్ల యావత్‌ దేశం, కేంద్ర కేబినెట్‌ సంతోషం వ్యక్తం చేస్తోంది. మన దేశ శాస్త్రవేత్తలు సాధించిన ఈ చారిత్రక విజాయానికి తగిన గుర్తింపు ఇవ్వాలని కేంద్ర మంత్రివర్గం భావించింది. ప్రజ్ఞాన్‌ ప్రయాణిస్తున్న దారిలో పెద్ద గొయ్యి, వెంటనే అలర్ట్ అయి రోవర్‌ రూట్‌ మార్చిన ఇస్రో అందుకే ఆగస్టు 23ను 'నేషనల్‌ స్పేస్‌ డే' జరుపుకోవడానికి ఆమోదం తెలిపింది. అత్యద్భుతమైన ఘనతను సాధించిన ఇస్రో శాస్త్రవేత్తలను మంత్రివర్గం అభినందిస్తోందని' ఆయన పేర్కొన్నారు. మన శాస్త్రవేత్తలు చేసిన నిరంతర ప్రయోగాల కృషి ఫలితంగానే చంద్రుడి దక్షిణ ధ్రువంపై అడుగుపెట్టిన తొలి దేశంగా భారత్‌ అవతరించిందని అనురాగ్‌ ఠాకూర్‌ అన్నారు.

ఫ్లిప్‌కార్ట్ లో యాడ్‌సన్ కంపెనీ స్మార్ట్ టీవీపై 63 శాతం తగ్గింపు !

ఫ్లిప్‌కార్ట్ లో యాడ్‌సన్ కంపెనీ స్మార్ట్ టీవీపై అద్దిరిపోయే ఆఫర్ అందిస్తోంది. ఈ ఆఫర్ ద్వారా మీరు 22 వేల స్మార్ట్ టీవీని కేవలం 7 వేల రూపాయలకే సొంతం చేసుకోవచ్చు. ఇక ఈ స్మార్ట్ టీవీలోని ఫీచర్లు, స్పెసిఫికేషన్ల వివరాలను చూస్తే.. యాడ్‌సన్ కంపెనీకి చెందిన 32 ఇంచుల యాడ్‌సన్ 80 సీఎం స్మార్ట్ టీవీపై ఫ్లిప్‌కార్ట్ ఈ భారీ తగ్గింపు ఆఫర్‌ని అందిస్తోంది. ఈ స్మార్ట్ టీవీ ఆసలు ధర రూ. 21,999గా ఉండగా.. ఫ్లిప్‌కార్ట్ ఆఫర్ ద్వారా మీరు కేవలం 7950 రూపాయలకే కొనుగోలు చేయవచ్చు. అంటే ఈ స్మార్ట్ టీవీపై మీరు నేరుగా 63 శాతం తగ్గింపును పొందుతారు. యాడ్‌సన్ 80 సీఎం స్మార్ట్ టీవీ ధరపై మీరు 63 శాతం తగ్గింపు పొందుతున్నప్పటికీ మరి కొన్ని ఆఫర్లు కూడా అందుబాటులో ఉన్నాయి. ఈ క్రమంలో మీరు ఐసీఐసీఐ బ్యాంక్ క్రెడిట్ కార్డ్ ద్వారా ఈ స్మార్ట్ టీవీని కొనుగోలు చేసినట్లయితే అదనంగా రూ.800 తగ్గిపు పొందుతారు. అంటే మీరు ఐసీఐసీఐ క్రెడిట్ కార్డ్ ద్వారా ఈ స్మార్ట్ టీవీని కేవలం 7150 రూపాయలకే సొంతం చేసుకోవచ్చు. అంతేకాక మీరు కావాలనుకుంటే ఈ స్మార్ట్ టీవీని ఈఎమ్ఐ పద్ధతిలో కూడా కొనుగోలు చేసే అవకాశం ఉంది. ఇందుకోసం మీరు 24 నెలల పాటు ప్రతి నెల రూ.386 చెల్లించాలి, లేదా 18 నెలల పాటు ప్రతి నెలా రూ.500 చెల్లించవచ్చు. కాదు, తక్కువ కాలంలోనే ఈఎంఐ పూర్తి చేసుకోవాలంటే 714 రూపాయల చొప్పున 12 నెలలు లేదా 936 రూపాయల చొప్పున 9 నెలలు చెల్లించవచ్చు. సత్వరంగా పూర్తి చేయాలంటే 6 నెలలకు ప్రతి నెలా రూ.1380 రూపాయలు కట్టవచ్చు. ఐసీఐసీఐ క్రెడిట్ కార్డ్ మాత్రమే కాక బ్యాంక్ ఆఫ్ బరోడా, హెడ్‌డీఎఫ్‌సీ క్రెడిట్ కార్డులపై కూడా ఆఫర్లు అందుబాటులో ఉన్నాయి. నెట్‌ఫ్లిక్స్, డిస్నీ హాట్‌స్టార్, యూట్యూబ్, హంగామా వంటి యాప్స్‌ని ఉపయోగించుకోవచ్చు. ఆండ్రాయిడ్ ఓఎస్ ఆధారంగా పనిచేసే ఈ స్మార్ట్ టీవీలో సౌండ్ ఔట్‌ పుట్ 20 వాట్, రిఫ్రెష్ రేటు 60 హెర్ట్జ్, వైడ్ వ్యూయింగ్ యాంగిల్, హై గ్రేడ్ డిస్‌ప్లే, కనెక్టివిటీ ఆప్షన్లలో సహా అనేక ఫీచర్లు కూడా ఉన్నాయి. 

ఇన్‌స్టాగ్రామ్‌లో లాస్ట్ సీన్ హైడ్ చేయొచ్చు !

సోషల్ మీడియాలో యాక్టివిటీ స్టేటస్ కనిపిపంచకూడదని భావిస్తారు. అంటే తాము సోషల్ మీడియాలో ఉన్నా కూడా వేరే వ్యక్తికి తెలియకూడదనుకుంటారు. సాధారణంగా ఏ సోషల్ మీడియా ప్లాట్ ఫారం అయినా ఆ యాప్ లో మీరు ఉంటే అది యాక్టివిటీ స్టేటస్ ను చూపిస్తుంది. అంటే ఆన్ లైన్లో ఉన్నట్లు చూపిస్తుంది. ఇన్‌స్టాగ్రామ్‌లో యాక్టివిటీ స్టేటస్ అనేది వ్యక్తులను అకౌంట్లను ఫాలో అవడానికి, అలాగే వారు ఆన్ లైన్లో ఉన్నారో లేదో తెలుసుకోవడానికి ఉపయోగపడుతుంది. ఇది ఫేస్ బుక్ మెస్సేంజర్, వాట్సాప్ లలో ఉండే ఫీచర్ మాదిరిగానే ఉంటుంది. ఈ ఫీచర్ సాయంతో మీ ప్రైవసీని మీరు కాపాడుకోవచ్చు. మీరు యాప్ లో ఉన్నారో లేదో అంటే ఆన్ లైన్ లో ఉన్నారో లేదో బయటి వ్యక్తులకు తెలియకుండా కాపాడుతుంది. మొదటిగా మీరు ఇన్‌స్టాగ్రామ్‌ యాప్ ఓపెన్ చేసి దానిలో మీ ప్రొఫైల్ ని యాక్సెస్ చేసేందుకు యాప్ లో కుడిచేతి వైపు కింద ఉన్న ప్రొఫైల్ ఐకాన్ పై క్లిక్ చేయాలి. ప్రొఫైల్ పేజీలో కుడి చేతి వైపు పైన ఉన్న మూడు గీతలపై క్లిక్ చేయాలి. వచ్చిన ఆప్షన్లలో నుంచి సెట్టింగ్స్ అండ్ ప్రైవసీ లోకి వెళ్లాలి. దానిలో మెసేజెస్ అండ్ స్టోరీ రిప్లైస్ సెక్షన్ లోకి వెళ్లి షో యాక్టివిటీ స్టేటస్ ఆప్షన్ పై క్లిక్ చేయాలి. దానిని స్విచ్ ను ఆఫ్ చేసేయాలి.  అలా చేస్తే మీరు యాప్ ఉన్నప్పటికీ మీ స్టేటస్ చూపించదు. దీని ద్వారా మీ ఆన్ లైన్ స్టేటస్ బయటి వ్యక్తులకు కనిపించదు. మీ ప్రైవసీ భద్రంగా ఉంటుంది.

టెక్నో స్పార్క్ 8 ప్రో స్మార్ట్ ఫోన్ పై భారీ డిస్కౌంట్

 

అమెజాన్ లో స్మార్ట్ ఫోన్లపై బెస్ట్ ఆఫర్లు అందుబాటులో ఉన్నాయి. టెక్నో స్పార్క్ 8 ప్రో స్మార్ట్ ఫోన్ ను భారీ డిస్కౌంట్ తో సొంతం చేసుకోవచ్చు. ఈ ఫోన్ వాస్తవ ధర రూ.13,499 కాగా.. డీల్ ఆఫ్ ది డే కింద ఏకంగా 40 శాతం డిస్కౌంట్ ప్రకటించింది రూ.5400 భారీ తగ్గింపుతో ఈ ఫోన్ ను సొంతం చేసుకోవచ్చు. ఇంకా ఈ ఫోన్ పై రూ.607 విలువైన బ్యాంక్ డిస్కౌంట్ కూడా అందుబాటులో ఉంది.  4 జీబీ ర్యామ్, 64 జీబీ స్టోరేజ్ ను కలిగి ఉంటుంది. 48 ఎంపీ ట్రిపుల్ స్టోరేజ్ కెమెరా సెటప్ ను కలిగి ఉంటుంది. 33 W ఫాస్ట్ ఛార్జింగ్ ను సపోర్ట్ చేస్తుంది. 

చైనాలో రియల్‌మీ జీటీ 5 విడుదల !

చైనాలో రియల్‌మీ  జీటీ 5 స్మార్ట్ ఫోన్ సోమవారం లాంచ్ అయింది. ఇందులో క్వాల్కాం స్నాప్డ్రాగన్ 8 జెన్ 2 ప్రాసెసర్ను అందించారు. 24 జీబీ వరకు ర్యామ్, 1 టీబీ వరకు స్టోరేజ్ ఈ ఫోన్ లో ఉన్నాయి. ప్రస్తుతం ప్రపంచంలో కేవలం రెండు ఫోన్లు మాత్రమే 24 జీబీ ర్యామ్ తో లాంచ్ అయ్యాయి. రియల్‌మీ జీటీ 5 ఈ జాబితాలో మూడో ఫోన్. వన్ప్లస్ ఏస్ 2 ప్రో, నుబియా రెడ్ మ్యాజిక్ 8ఎస్ ప్రో ప్లస్ మొబైల్స్ మొదటి రెండు ఫోన్లు. 240W ఫాస్ట్ ఛార్జింగ్ను 24 జీబీ ర్యామ్ వేరియంట్ సపోర్ట్ చేయనుంది. ఇందులో మూడు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ వేరియంట్ ధరను 2,999 యువాన్లుగా (సుమారు రూ.34,400) నిర్ణయించారు. ఇక 16 జీబీ ర్యామ్ + 512 జీబీ స్టోరేజ్ వేరియంట్ ధర 3,299 యువాన్లుగా (సుమారు రూ.37,800) ఉంది. టాప్ ఎండ్ వేరియంట్ అయిన 24 జీబీ ర్యామ్ + 1 టీబీ స్టోరేజ్ వేరియంట్ కొనాలంటే 3,799 యువాన్లుగా (సుమారు రూ.43,600) నిర్ణయించారు. ఫ్లోయింగ్ సిల్వర్, ఇల్యూషన్ మిర్రర్, స్టారీ ఒయాసిస్ కలర్ ఆప్షన్లలో ఈ ఫోన్ కొనుగోలు చేయవచ్చు. దీనికి సంబంధించిన సేల్ చైనాలో సెప్టెంబర్ 4వ తేదీ నుంచి ప్రారంభం కానుంది. మనదేశంలో కూడా రియల్మీ జీటీ సిరీస్ సక్సెస్ఫుల్ కాబట్టి త్వరలో లాంచ్ అయ్యే అవకాశం ఉంది. ఆండ్రాయిడ్ 13 ఆధారిత రియల్మీ యూఐ 4 ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.74 అంగుళాల ఫుల్ హెచ్డీ+ డిస్ప్లేను అందించారు. దీని స్క్రీన్ రిఫ్రెష్ రేట్ 144 హెర్ట్జ్ కాగా, స్క్రీన్ టు బాడీ రేషియో 93.7 శాతంగా ఉంది. క్వాల్కాం స్నాప్డ్రాగన్ 8 జెన్ 2 ప్రాసెసర్ ద్వారా ఈ ఫోన్ రన్ కానుంది. 24 జీబీ వరకు ఎల్పీడీడీఆర్5ఎక్స్ ర్యామ్ కూడా అందించారు. ఫోన్ వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో కెమెరా ఉన్నాయి. సెల్పీలు, వీడియో కాల్స్ కోసం ముందువైపు 16 మెగాపిక్సెల్ అందించారు. 5జీ, 4జీ ఎల్టీఈ, వైఫై 7, బ్లూటూత్ వీ5.3, ఎన్ఎఫ్సీ, జీపీఎస్, ఏ-జీపీఎస్, నావిక్, యూఎస్బీ టైప్-సీ కనెక్టివిటీ ఫీచర్లు అందించారు. యాక్సెలరోమీటర్, గైరోస్కోప్, మ్యాగ్నెటోమీటర్, యాంబియంట్ లైట్ సెన్సార్, ప్రాక్సిమిటీ సెన్సార్లు అందుబాటులో ఉన్నాయి. ఇందులో 12 జీబీ, 16 జీబీ ర్యామ్ ఉన్న వేరియంట్లలో 5240 ఎంఏహెచ్ బ్యాటరీ, 150W ఫాస్ట్ ఛార్జింగ్ సపోర్ట్ ఉండనున్నాయి. టాప్ ఎండ్ మోడల్ అయిన 24 జీబీ ర్యామ్ వేరియంట్లో 4600 ఎంఏహెచ్ బ్యాటరీ, 240W ఫాస్ట్ ఛార్జింగ్ను అందించారు. దీని మందం 8.9 సెంటీమీటర్లు కాగా, బరువు 205 గ్రాములుగా ఉంది.

జపాన్ చంద్రయాన్ ప్రయోగం వాయిదా !

జపాన్ అంతరిక్షంలో చేపట్టిన 36 ప్రయోగాల్లో 35 ప్రయోగాలు సక్సెస్ అయ్యాయి. అయితే చంద్రుడి విషయంలో మాత్రమే జపాన్ ‎కు వరుసగా ఎదురుదెబ్బలు తగులుతున్నాయి. తాజాగా చేపట్టిన చంద్రయాన్ ప్రయోగానికి కూడా 30 నిమిషాల ముందు వాయిదా పడింది. ప్రతికూల వాతావరణ పరిస్థితుల కారణంగా జపాన్‌ చేపట్టిన లూనార్‌ మిషన్‌ ప్రయోగం మరోసారి వాయిదా వేశారు. త్వరలో ప్రకటించనుందని సమాచారం. ఇస్రో కృషితో చంద్రుడిపై సురక్షితంగా ల్యాండర్ సాఫ్ట్ ల్యాండ్ అయ్యింది. ప్రస్తతుం చంద్రుడిపై తన అధ్యయనాన్ని ప్రారంభించింది. ఆగస్టు 23న శాస్త్రవేత్తలు ల్యాండర్‌ను జాబిల్లి దక్షిణ ధ్రువంపై సక్సెస్‎ఫుల్‎గా దింపారు. చంద్రునిపై కాలుమోపిన 4వ దేశంగా భారత్ కీర్తిని సంపాదించింది. అందులోనూ దక్షిణ ధ్రువంపై ల్యాండర్‌ను ల్యాండ్ చేసిన మొదటి దేశం భారతే. ఈ క్రమంలో జపాన్ చంద్రునిపై ల్యాండర్‌ను దింపేందుకు కొన్నేళ్లుగా తెగ ప్రయత్నిస్తోంది. కానీ, జపాన్ కు వరుసగా ఎదురుదెబ్బలు తగులుతున్నాయి. వెదర్ ఎఫెక్ట్ కారణంగా వరుసగా 3వ సారి ల్యాండర్ ప్రయోగానికి బ్రేక్ పడింది. ప్రయోగానికి 30 నిమిషాల ముందు జపాన్ మరోసారి వాయిదా వేసింది. అన్నీ అనుకూలిస్తే ఇవాళ ఉదయం 5.25 గంటలకు ఈ ప్రయోగాన్ని స్టార్ట్ అయ్యేది. ఈ ప్రాజెక్టుకు జపాన్ మూన్ స్నిపర్ అని నామకరణం చేసింది. ఈ ప్లాన్‌లో ఎక్స్-రే మిషన్, చంద్రునిపై ల్యాండర్‌ను ల్యాండింగ్ చేసే ప్రక్రియలు ఉన్నాయి. కానీ, జపాన్ ప్లాన్స్ అన్నీ కూడా ఒక్కసారిగా రద్దయ్యాయి. వాతావరణం అనుకూలించకపోవటమే ఇందుకు కారణంగా తెలుస్తోంది. బలమైన గాలులు వీయడం, వాతావరణం అల్లకల్లోలగా మారడంతో జపాన్ వెనక్కి తగ్గింది. దీంతో చంద్రుడి చెంతకు చేరాలని జపాన్‌ చేస్తున్న ప్రయత్నం 3వసారి వాయిదా పడినట్లైంది.

సెప్టెంబర్ 5న మోటో జీ 54 5జీ విడుదల

సెప్టెంబర్ 5న మోటో జీ 53 5జీ కి సక్సెసర్‌గా మోటో జీ 54 5జీస్మార్ట్ ఫోన్ ను మోటోరోలా విడుదల చేయనుంది.  మోటో జీ 53 5జీ మోడల్ ప్రపంచవ్యాప్తంగా జనవరి 2023లో పరిచయం చేయబడింది, అయితే  చైనాలో డిసెంబర్ 2022లో విడుదల మొట్ట మొదట చేయబడింది. ఆక్టా-కోర్ క్వాల్కమ్ స్నాప్‌డ్రాగన్ 480+ SoC మరియు 10W వైర్డు ఛార్జింగ్ సపోర్ట్‌తో 5,000mAh బ్యాటరీతో వస్తుంది. ఇది 6.5-అంగుళాల పూర్తి-HD+ (2400 x 1080 పిక్సెల్‌లు) LCD డిస్‌ప్లేతో 120Hz రిఫ్రెష్ రేట్ మరియు 20:9 యాస్పెక్ట్ రేషియోతో లాంచ్ అవుతుందని చెప్పబడింది. ఈ ఫోన్ 12GB వరకు RAM మరియు 256GB వరకు ఇంటర్నల్ స్టోరేజీ తో జత చేయబడిన ఆక్టా-కోర్ మీడియా టెక్ డైమెన్సిటీ 7020 SoC ద్వారా అందించబడుతుంది. ఇది Android 13-ఆధారిత MyUXతో రవాణా చేయబడుతుందని భావిస్తున్నారు. డ్యూయల్ రియర్ కెమెరా యూనిట్‌లో ఫేస్ డిటెక్షన్ ఆటో ఫోకస్ (PDAF) మరియు ఆప్టికల్ ఇమేజ్ స్టెబిలైజేషన్ (OIS)తో పాటు అల్ట్రా-వైడ్ యాంగిల్‌తో కూడిన 8 మెగాపిక్సెల్ సెన్సార్‌తో కూడిన 50-మెగాపిక్సెల్ ప్రైమరీ సెన్సార్ ఉండే అవకాశం ఉంది. లెన్స్. సెల్ఫీ కెమెరా 16 మెగాపిక్సెల్ సెన్సార్‌తో అమర్చబడి ఉంటుందని భావిస్తున్నారు. నివేదిక ప్రకారం, ఈ హ్యాండ్‌సెట్ 30W వైర్డ్ టర్బోచార్జింగ్ సపోర్ట్‌కు మద్దతుతో 6,000mAh బ్యాటరీతో బ్యాకప్ చేయబడే అవకాశం ఉంది. Moto G54 5G మైక్రో SD కార్డ్ సపోర్ట్‌తో కూడిన హైబ్రిడ్ స్లాట్ మరియు 3.5mm ఆడియో జాక్‌తో అమర్చబడిందని చెప్పబడింది. ఇది డ్యూయల్-బ్యాండ్ Wi-Fi, బ్లూటూత్ 5.3, USB-C 2.0 పోర్ట్ మరియు GPS కనెక్టివిటీకి మద్దతునిస్తుంది. ఇది 196 గ్రాముల బరువు మరియు 161.56mm x 73.82mm x 8.89mm పరిమాణంలో ఉంటుంది.

గాలి కొట్టేసుకొనే మినీ టైర్‌ ఇన్‌ఫ్లేటర్‌ !

టైర్లలో గాలి నింపడం పెద్ద పని. సైకిల్‌ టైర్లలోకి గాలి కొట్టడం కొద్దిపాటి శ్రమతో కూడుకున్న పని అయితే, భారీ వాహనాల టైర్లకు గాలి కొట్టడం అంత తేలిక పనికాదు. వాటిలో గాలి నింపుకోవడానికి పెట్రోల్‌ బంకులకో, మెకానిక్‌ షెడ్‌లకో వెళ్లక తప్పదు. ఎటూకాని తోవలో బండి చక్రాల్లో గాలి అయిపోతే ఎదురయ్యే తిప్పలు వర్ణనాతీతం. అలాంటి తిప్పలను తప్పించడానికే అమెరికన్‌ కంపెనీ 'థామస్‌ పంప్స్‌' ఇంచక్కా చేతిలో ఇమిడిపోయే 'మినీ పంప్‌'ను అందుబాటులోకి తెచ్చింది. దీన్ని చక్కగా జేబులో వేసి తీసుకుపోవచ్చు. దీని బరువు 115 గ్రాములు మాత్రమే! ఎలాంటి తోవలోనైనా వాహనం చక్రాల్లోని గాలి అయిపోతే, అక్కడికక్కడే దీంతో క్షణాల్లో గాలి నింపుకోవచ్చు. ఇది రీచార్జబుల్‌ బ్యాటరీ సాయంతో పనిచేస్తుంది. దీని బ్యాటరీ 25 నిమిషాల్లోనే పూర్తిగా చార్జ్‌ అవుతుంది. దీని సాయంతో సైకిల్‌ టైర్లలో 70 సెకన్లలోనే గాలి నింపుకోవచ్చు. మోటార్‌ సైకిళ్లు మొదలుకొని భారీ వాహనాలకు కూడా దీనిని ఉపయోగించవచ్చు. కాకుంటే, టైరు పరిమాణాన్ని బట్టి కొంత ఎక్కువ సమయం పడుతుంది. 

అమాజ్ ఫిట్ బిప్ 5 విడుదల !

దేశీయ మార్కెట్ లో అమాజ్ ఫిట్ కొత్త స్మార్ట్ వాచ్ అమాజ్ ఫిట్ బీప్ 5 ను లాంచ్ చేసింది. అమాజ్ ఫిట్ ఈ స్మార్ట్ వాచ్ ను బిగ్ 1.9 ఇంచ్ బిగ్ డిస్ప్లే మరియు పర్సనలైజ్డ్ ఫీచర్స్ తో లాంచ్ అయ్యింది. కంపెనీ ఈ స్మార్ట్ వాచ్ ను "Go Bigger, Go Smarter" క్యాప్షన్ తో మార్కెట్ లో లాంచ్ చేసింది. ఈ స్మార్ట్ వాచ్ 1.91 ఇంచ్ HD color డిస్ప్లేని 2.5D tempered గ్లాస్ ప్రొటెక్షన్ తో కలిగి వుంది. ఈ డిస్ప్లే యాంటీ ఫింగర్ ప్రింట్ కోటింగ్ తో వస్తుంది కాబట్టి మంచి క్లారిటీ అందిస్తుంది మరియు టాంపర్డ్ గ్లాస్ తో మంచి ప్రొటెక్షన్ కూడా ఇస్తుంది. ఈ అమాజ్ ఫిట్ బిప్ 5 స్మార్ట్ వాచ్ ను 70+ ఆకర్షణీయమైన ఫేస్ లు మరియు 13 ఎడిట్ చెయ్యగల ఫేస్ అప్షన్ లతో లాంచ్ చేసింది. Bluetooth కాలింగ్ సపోర్ట్ వస్తుంది మరియు ఇన్ బిల్ట్ మైక్రో ఫోన్ తో పాటు స్పీకర్ ను కూడా కలిగి ఉంటుంది. అమాజ్ ఫిట్ వాచ్ 30+ mini-games లకు సపోర్ట్ కూడా చేస్తుంది. Zepp OS 2.0 పైన పని చేస్తుంది. ఇది స్లీప్ క్వాలిటీ మోనిటరింగ్, మెన్స్ట్రువల్ సైకిలింగ్ మోనిటర్ ట్రాకింగ్, PAI హెల్త్ అస్సెస్మెంట్ మరియు మరిన్ని హెల్త్ అలర్ట్స్ లను కలిగి వుంది ఈ స్మార్ట్ వాచ్. ఇది BioTracker PPG sensor ని Zepp OS 2.0 తో జతగా కలిగి వుంది కాబట్టి blood-oxygen శాచురేషన్, హార్ట్ రేట్ మరియు stress level monitoring ని చక్కగా నిర్వహించ గలదని కంపెనీ తెలిపింది.

త్వరలో చంద్రుడి అద్భుత చిత్రాల విడుదల !

చంద్రుడికి సంబంధించి ఇప్పటి వరకు ప్రపంచంలో ఏ దేశం తీయని అద్భుతమైన ఫొటోలు తమ వద్ద ఉన్నాయని ఇస్రో చైర్మన్ సోమనాథ్ చెప్పారు. అవి తమ కంప్యూటర్‌ సెంటర్కు వెళ్తున్నాయని, అక్కడ శాస్త్రవేత్తలు వాటిని ప్రాసెస్‌ చేస్తున్నారని తెలిపారు. త్వరలోనే వాటిని విడుదల చేస్తామన్నారు. జాబిల్లిపై ప్రజ్ఞాన్‌ రోవర్‌, విక్రమ్‌ ల్యాండర్‌ సమర్థంగా పనిచేస్తున్నాయని సోమనాథ్ చెప్పారు. వచ్చే 10 రోజుల్లో ల్యాండర్‌, రోవర్‌లు అన్ని పరిశోధనలను పూర్తి చేస్తాయన్నారు. విక్రమ్‌ ల్యాండర్‌ దిగిన చోటుకు శివ్‌శక్తి అనే పేరును ప్రధాని మోడీ పెట్టడాన్ని సోమనాథ్‌ సమర్థించారు. శివ్‌శక్తి, తిరంగా రెండు పేర్లూ భారతీయతకు చిహ్నమన్నారు. అంతేకాకుండా చంద్రుడితోపాటు అంగారక, శుక్ర గ్రహాలపైకి వ్యోమనౌకలను పంపే సత్తా భారత్‌కు ఉందని స్పష్టం చేశారు. విక్రమ్ ల్యాండర్ లోని చంద్రాస్ సర్ఫేస్ థర్మో ఫిజికల్ ఎక్స్ పరిమెంట్ పేలోడ్ చంద్రుడి ఉపరితలంతో పాటు కాస్త లోతులో సేకరించిన శాంపిల్స్ పిల్ ఉష్ణోగ్రతల లెక్కలను గ్రాఫ్ రూపంలో తెలిపింది. దీనికున్న పది సెన్సర్ల సాయంతో.. చంద్రుడి నేలపై దాదాపు 10 సెంటిమీటర్ల లోతువరకు చొచ్చుకెళ్లి, టెంపరేచర్ లను లెక్కించే సామర్థ్యం ఈ పేలోడ్ కు ఉంది.

ఆర్టిఫిషీయల్ ఇంటిలిజెన్స్ కేసు కొట్టివేత !

ఆర్టిఫిషీయల్ ఇంటిలిజెన్స్ లో పేపర్లు తయారు చేయవచ్చు. టీవీల్లో వార్తలు చదవచ్చు. ఆర్టిపిషీయల్ ఇంటిలిజెన్స్ తో ఊహలందకని విధంగా తయారు చేయవచ్చు. మలళయాంలో న్యూస్ యాంకర్ ని క్రియేట్ చేసి దానితో అనేక రకాల వార్తలు చెప్పించారు. బిగ్ టీవీ కూడా దీంతో వార్తలు చదివించేందుకు ప్రయత్నాలు చేసింది. ఇలా కొన్ని రకాల మాధ్యమాలు కూడా చేస్తున్నాయి. చట్టబద్ధంగా మేం చేసింది ఎవరూ చేయడానికి వీలు లేదని ఆర్టీపిషీయల్ ఇంటిలిజెన్స్ కోర్టులో కేసు వేసింది. అయితే అమెరికా కోర్టు దీన్ని కొట్టి వేసింది. ఆర్టిపిషీయల్ ఇంటిలిజెన్స్ లో తయారు చేసే బొమ్మలకు కానీ వార్తలు చెప్పే దానికి కాపీ రైట్ అనే ఇష్యూ ఉండదని తేల్చి చెప్పింది. మనుషులు ఎవరైతే చేస్తారో వారికే ఇలాంటి హక్కులు వర్తిస్తాయని పేర్కొంది. చాలా పత్రికల ద్వారా వార్తలు రాసుకొస్తున్నారు. కాపీ రైట్ ఇష్యూ మాత్రం ఆర్టిఫిషీయల్ ఇంటిలిజెన్స్ కు వర్తింపవు అని అమెరికా కోర్టు తేల్చి చెప్పింది. అయితే కొంతమంది మాత్రం ఇలా కాపీ రైట్ హక్కులు ఇవ్వాలని కోర్టులను కోరుతున్నారు. మరి కొంతమంది ఆర్టిఫీషీయల్ కు హక్కులు ఇవ్వడం ఏమిటని అడుగుతున్నారు. ఇలా అనేక రకాల వాదనలు ఏఐ గురించి సాగుతున్నాయి. ఆర్టిపిషీయల్ ఇంటిలిజెన్స్ ద్వారా జరుగుతున్న ప్రస్తుత మార్పులు రాబోయే కాలంలో అనేక పరిణామాలకు దారి తీస్తాయి.

నాయిస్‌ నుంచి కొత్త స్మార్ట్‌ వాచ్‌ !

నాయిస్‌ తాజాగా మరో కొత్త స్మార్ట్‌ వాచ్‌ను రిలీజ్‌ చేసింది. ఇది మెటాలిక్ ఫినిషింగ్‌తో స్క్వేర్ డయల్ డిజైన్‌ను కలిగి ఉంది. వివిధ రంగుల్లో సిలికాన్ పట్టీతో వస్తుంది. ఈ విడుదల గత నెలలో కలర్‌ ఫిట్‌ థ్రైవ్‌ స్మార్ట్‌వాచ్ డిజైన్‌ను పోలి ఉంది. ఈ స్మార్ట్‌ వాచ్‌ రూ.1799గా కంపెనీ నిర్ణయించింది. ఈ వాచ్‌ ఇప్పటికే ఫ్లిప్‌కార్ట్‌తో పాటు కంపెనీ వెబ్‌సైట్‌లో అమ్మకానికి సిద్ధంగా ఉంది. ఈ స్మార్ట్‌వాచ్‌లో 500 నిట్‌ల ప్రకాశంతో కూడిన పెద్ద 2.5డీ కర్వ్డ్‌ రెండు అంగుళాల డిస్‌ప్లే ఉంది. నావిగేషన్ కోసం రోటరీ క్రౌన్‌ డిజైన్‌తో ఆకర్షణీయంగా ఉంటుంది. అలాగే ఈ వాచ్‌ల 100కి పైగా అనుకూలీకరించదగిన వాచ్ ఫేస్‌లు ఉన్నాయి. ఇది బ్లూటూత్ కాలింగ్‌కు మద్దతు ఇస్తుంది. అలాగే గరిష్టంగా ఎనిమిది పరిచయాలను నిల్వ చేయగల డయల్ ప్యాడ్‌ను కలిగి ఉంది. కలర్‌ ఫిట్‌ ఇంపాక్ట్‌లో నాయిస్ హెల్త్ సూట్ ఉంది. ఇది 24×7 హృదయ స్పందన రేటు పర్యవేక్షణ, ఎస్‌పీఓ 2 కొలత, నిద్ర ట్రాకింగ్, స్త్రీ సైకిల్ ట్రాకర్‌ను అందిస్తుంది. ఇది బహుళ స్పోర్ట్స్ మోడ్‌లను ఏడు రోజుల వరకు బ్యాటరీ జీవితాన్ని కూడా కలిగి ఉంది. ఈ వాచ్‌ను 120 నిమిషాల్లో పూర్తిగా ఛార్జ్ చేయవచ్చు. ఫంక్షనల్ క్రౌన్‌, మెటాలిక్ బిల్డ్, 2.0 హెచ్‌డీ డిస్‌ప్లే, 500 నిట్‌ల ప్రకాశం, బహుళ మెనూ వీక్షణ ఎంపికలు, బ్లూటూత్ కాలింగ్, గరిష్టంగా ఏడు రోజుల బ్యాటరీ జీవితం, బ్లూటూత్ కాలింగ్‌తో 2 రోజుల వరకు 100 ప్లస్‌ వాచ్ ఫేస్‌లు, ఏఐ వాయిస్ అసిస్టెంట్, అంతర్నిర్మిత గేమ్‌లు, నోటిఫికేషన్ అలర్ట్‌లు, వాతావరణ అప్‌డేట్‌లు, కెమెరా, మ్యూజిక్ కంట్రోల్, రిమైండర్‌లు, జెట్ బ్లాక్, కోబాల్ట్ బ్లూ, పెరల్ గ్రే, సిల్వర్ గ్రే, డీప్ వైన్, ఆలివ్ గ్రీన్ రంగుల్లో ఈ వాచ్‌ వినియోగదారులకు అందుబాటులో ఉంటుంది. 

సెప్టెంబర్ 1 న సోనీ ఎక్స్‌ పీరియా 5 వీ విడుదల

                                        

సోనీ ఎప్పటికప్పుడు కొత్త కొత్త మోడళ్లను తీసుకువస్తూ తన వినియోగదారులను ఆకట్టుకుంటుంది. తాజాగా సోనీ ఎక్స్ పీరియా 5 వీను ఆవిష్కరించనుంది. ఈ ఫోన్ ను సెప్టెంబర్ 1 న విడుదల చేయనున్నారు. దీనికి సంబంధించిన ట్రైలర్ వీడియోను సెప్టెంబర్ 1 శుక్రవారం జపాన్ సమయం ప్రకారం సాయంత్రం 4 గంటలకు విడుదల చేయనున్నారు. అయితే ఈ ఫోన్ కు సంబంధించిన ప్రోమో వీడియో నెల రోజుల క్రితమే లీక్ అయిన సంగతి తెలిసిందే. అప్పటి నుంచి అది నెట్టింట్లో హల్ చల్ చేస్తోంది. గతేడాది సెప్టెంబర్ లో సోనీ ఎక్స్ పీరియా 5 IV ని విడుదల చేశారు. ఇప్పుడు సరిగ్గా ఏడాదికి సోనీ ఎక్స్ పీరియా 5 వీ ని కంపెనీ ఆవిష్కరించనుంది. ఇక దీనిలో అద్భుతమైన ఫీచర్లు ఉన్నట్లు తెలుస్తోంది. ప్రాసెసర్ విషయానికి వస్తే డ్యుయల్ రేర్ కెమెరా సెటప్, క్వాల్ కామ్ స్నాప్ డ్రాగన్ 8 జెన్ 2 ఎస్వోసీ ప్రాసెసర్‌తో వస్తున్నట్లుగా తెలుస్తోంది. గొరిల్లా గ్లాస్ 6 డిస్ ప్లే ప్రొటెక్షన్ తో బ్యాక్ సైడ్ అల్యూమినియం ఫ్రేమ్ తో వస్తుంది. 67 వాట్ ఫాస్ట్ ఛార్జింగ్ తో ఇది అందుబాటులోకి రానుంది. ఇక ఇది బ్లాక్, గ్రే, బ్లూ, పింక్ కలర్లలో లభించనున్నట్లుగా తెలుస్తోంది. దీని డిస్ ప్లే 6.3 ఇన్ చ్ ఉండనుంది. 128 జీబీ ఇంటర్నల్ మెమరీ ఉండనుంది. ఇక దీని ధర విషయానికి వస్తే రూ. ₹79,990గా ఉండవచ్చని అనుకుంటున్నారు. ఇక గతేడాది విడుదల చేసిన ఎక్స్ పీరియా IV(Sony XperiaIV) ఫోన్ ధర దాదాపు రూ.1,14,700 (1399 అమెరికా డాలర్లు) నుంచి ప్రారంభమైంది. ఈ ఫోన్ గ్రీన్, బ్లాక్ కలర్స్ లో మార్కెట్లోకి ఎంట్రీ ఇచ్చింది. 

అంతరిక్షానికి ఇస్రో వ్యోమమిత్ర !

ఇస్రో చేపట్టబోయే గగన్‌యాన్ లో మహిళా రోబో వ్యోమమిత్రను పంపబోతోంది. ఈ విషయాన్ని కేంద్ర శాస్త్ర, సాంకేతిక శాఖ సహాయ మంత్రి జితేంద్ర సింగ్ తెలిపారు. గగన్‌యాన్ మొదటి ట్రయల్ రన్ అక్టోబర్‌లో మొదటి లేదా రెండో వారంలో జరుగుతుంది.  భారతీయులను అంతరిక్షంలోకి పంపడమే గగన్‌యాన్ లక్ష్యం. ట్రయల్ రన్ సక్సెస్ అయ్యాక మహిళా రోబో వ్యోమమిత్రను ఉంచి అంతరిక్షంలోకి పంపుతారు. ఈ రోబోని ఇస్రో శాస్త్రవేత్తలే తయారుచేశారు. ఇది అచ్చం మనిషిలాగానే ప్రవర్తిస్తుంది. మాట్లాడుతుంది, స్పందిస్తుంది, హావభావాలు పలికిస్తుంది, పనులు చేస్తుంది. అందువల్ల ఈ రోబో గగన్‌యాన్‌లో భాగంగా అంతరిక్షంలోకి వెళ్లి  ఇస్రో శాస్త్రవేత్తలతో మాట్లాడుతుంది. వాళ్లు చెప్పిన పనులను రోదసిలో పూర్తి చేసి తిరిగి భూమికి వస్తుంది. వ్యోమమిత్ర ప్రయోగం సక్సెస్ అయితే ఆ తర్వాత మానవ వ్యోమగాముల్ని 2024 లేదా 2025లో అంతరిక్షం లోకి పంపుతారు. ఇది సక్సెస్ అవ్వడం ద్వారా అమెరికా, రష్యా , చైనా తర్వాత స్పేస్ ఫ్లైట్‌లో వ్యోమగాముల్ని అంతరిక్షంలోకి తీసుకెళ్లిన నాలుగో దేశంగా భారత్ నిలుస్తుంది. 

రెడ్‌మి నుంచి రెండు కొత్త ఫోన్లు ?

రెడ్‌మి నోట్ 12 ప్రో సిరీస్ మోడల్‌లను గత మార్చిలో విడుదల చేసింది. దీని తరువాత, రెడ్‌మి నోట్ 13 ప్రో సిరీస్ మోడల్‌లను కూడా పరిచయం చేయడానికి ప్రణాళికలు చేస్తున్నారు. రాబోయే కొన్ని వారాల్లో, Redmi Note 13 Pro మరియు Redmi Note 13 Pro Plus మోడల్‌లు లాంచ్ చేయబడతాయి. ముఖ్యంగా రెడ్‌మి నోట్ 13 ప్రో మరియు రెడ్‌మి నోట్ 13 ప్రో ప్లస్ ఫోన్‌ల ఫీచర్లు TENAA వెబ్‌సైట్‌లో వెల్లడయ్యాయి. ప్రత్యేకంగా, రెడ్‌మి నోట్ 13 ప్రో మరియు రెడ్‌మి నోట్ 13 ప్రో ప్లస్ ఫోన్‌లు 6.67 అంగుళాల OLED డిస్‌ప్లేతో వస్తాయి. ఆ తర్వాత మెరుగైన సెక్యూరిటీ ఫీచర్లను కలిగి ఉన్న ఈ ఫోన్ డిస్‌ప్లే ఉంది. అలాగే, ఈ రెండు ఫోన్‌లు 200MP ప్రైమరీ కెమెరా + 8MP అల్ట్రా వైడ్ సెన్సార్ + 2MP మాక్రో కెమెరా యొక్క ట్రిపుల్ రియర్ కెమెరా సెటప్‌ను కలిగి ఉంటాయి. సెల్ఫీలు మరియు వీడియో కాల్‌ల కోసం 16MP కెమెరాతో వస్తుంది. అలాగే, ఈ ఫోన్‌లు నాలుగు విభిన్న స్టోరేజ్ మరియు ర్యామ్ ఆప్షన్‌లలో లభిస్తాయని తెలిపింది. రెడ్‌మి నోట్ 13 ప్రో స్మార్ట్‌ఫోన్ 5020mAh బ్యాటరీతో విడుదల కానుంది. అప్పుడు రెడ్‌మి నోట్ 13 ప్రో ప్లస్ స్మార్ట్‌ఫోన్ 4880 mAh బ్యాటరీతో వస్తుంది. అప్పుడు ఈ రెండు ఫోన్లు ఫాస్ట్ ఛార్జింగ్ సదుపాయాన్ని కలిగి ఉన్నాయి. ప్రస్తుతం ఈ రెండు ఫోన్లకు సంబంధించిన కొన్ని వివరాలు మాత్రమే వెల్లడయ్యాయి. త్వరలో ఈ ఫోన్‌లకు సంబంధించిన అన్ని స్పెసిఫికేషన్‌లను వెల్లడించనున్నారు. మరియు కంపెనీ ఇటీవల చైనాలో విడుదల చేసిన రెడ్‌మి K60 అల్ట్రా ఫోన్ ఫీచర్లను ఒకసారి చూస్తే, రెడ్‌మి K60 అల్ట్రా స్మార్ట్‌ఫోన్ 6.67-అంగుళాల 1.5K OLED డిస్‌ప్లేతో వస్తుంది. ఈ Redmi K60 అల్ట్రా ఫోన్‌లో 144Hz రిఫ్రెష్ రేట్, 480Hz టచ్ శాంప్లింగ్ రేట్, HDR10+, Dolby Vision వంటి అనేక డిస్‌ప్లే ఫీచర్లు ఉన్నాయి. Redmi K60 అల్ట్రా స్మార్ట్‌ఫోన్ ఆక్టా-కోర్ డైమెన్సిటీ 9200+ 4nm ప్రాసెసర్‌తో పనిచేస్తుంది. అలాగే, ఈ ఫోన్‌లో MIUI 14-ఆధారిత Android 13 (Android 13) ఆపరేటింగ్ సిస్టమ్ ఫీచర్ చేయడం గమనార్హం. అలాగే ఫోన్ ఆండ్రాయిడ్ అప్‌డేట్‌లు మరియు సెక్యూరిటీ అప్‌డేట్‌లను అందుకోనున్నట్లు సమాచారం. రెడ్‌మి K60 అల్ట్రా స్మార్ట్‌ఫోన్ 12GB/16GB/24GB RAM మరియు 256GB/512GB/1TB స్టోరేజ్‌కు మద్దతు ఇస్తుంది. అలాగే, ఈ ఫోన్ USB టైప్-సి ఆడియో, డ్యూయల్ స్పీకర్లు, డాల్బీ అట్మోస్‌తో సహా పలు ప్రత్యేక ఫీచర్లతో వస్తుంది. రెడ్‌మి K60 అల్ట్రా స్మార్ట్‌ఫోన్‌లో 50MP సోనీ IMX800 సెన్సార్ + 8MP అల్ట్రా వైడ్ లెన్స్ + 2MP మాక్రో యొక్క ట్రిపుల్ రియర్ కెమెరా సెటప్ ఉంది. సెల్ఫీలు మరియు వీడియో కాల్‌ల కోసం ఫోన్‌లో 20MP Sony IMX596 కెమెరా కూడా ఉంది. 12GB RAM + 256GB నిల్వ ఉన్న Redmi K60 అల్ట్రా ఫోన్ ప్రారంభ ధర 2599 యువాన్లు (భారత కరెన్సీలో రూ. 29,755). ముఖ్యంగా ఈ ఫోన్ భారత్‌తో పాటు అన్ని దేశాల్లో త్వరలో లాంచ్ అవుతుందని భావిస్తున్నారు. 

వాట్సాప్ స్టేటస్ అప్‌డేట్స్‌కు అవతార్స్‌తో రిప్లై ఇచ్చే ఆప్షన్ !

వాట్సాప్ రీసెంట్ టైమ్‌లో వీడియో మెసేజెస్, స్క్రీన్ షేరింగ్, HD వీడియో షేరింగ్ వంటి స్పెసిఫికేషన్స్ పరిచయం చేసింది. వీటితో యూజర్ ఎక్స్‌పీరియన్స్ మరింత మెరుగుపడింది. తాజాగా వాట్సాప్ మరో కొత్త ఫీచర్ డెవలప్ చేస్తోందని వాట్సాప్ ట్రాకర్ WABetaInfo లేటెస్ట్ రిపోర్టు వెల్లడించింది. అదే అవతార్ రిప్లై-స్టేటస్ అప్‌డేట్స్‌. ఈ అప్‌కమింగ్ స్పెసిఫికేషన్‌తో యూజర్లు అవతార్స్‌తో ఏదైనా స్టేటస్ అప్‌డేట్‌కు రిప్లై ఇవ్వవచ్చు. వాట్సాప్ స్టేటస్‌లకు ఎమోజీలతో రియాక్ట్ అయ్యే ఆప్షన్‌ను కొన్ని నెలల క్రితమే తీసుకొచ్చింది. త్వరలోనే దానికి ఎడిషనల్‌గా అవతార్ రిప్లై ఫీచర్ పరిచయం చేయనుంది. ఇంకా అభివృద్ధి దశలోనే ఉన్న ఈ స్పెసిఫికేషన్ యాప్ ఫ్యూచర్ అప్‌డేట్‌లో రిలీజ్ అయ్యే అవకాశం ఉందని వాట్సాప్ బీటా ఇన్ఫో వెల్లడించింది. స్టేటస్ అప్‌డేట్లకు రిప్లై ఇవ్వడానికి వాట్సాప్ కొత్తగా అవతార్స్‌ జోడిస్తోందని, ఎమోజీకి బదులుగా అవతార్‌తో రిప్లై ఇవ్వవచ్చని WABetaInfo తెలిపింది. సాధారణ రియాక్షన్ ఫీచర్‌లోని 8 ఎమోజీలతో సహా, 8 అవతార్లు అందుబాటులోకి వస్తున్నందున యూజర్లు వారి ఫీలింగ్స్ సులభంగా, కచ్చితంగా ఎక్స్‌ప్రెస్ చేయడం కుదురుతుందని రిపోర్ట్ పేర్కొంది.

స్టేటస్ ట్యాబ్‌లో ఏదైనా ఒక స్టేటస్‌కు అవతార్‌తో రిప్లై ఇవ్వడానికి, రిప్లై బటన్‌పై నొక్కాలి. స్క్రీన్ పై భాగంలో ఎమోజీ ఐకాన్‌ మాత్రమే కాకుండా అవతార్స్‌ ఐకాన్ కనిపిస్తుంది. అవతార్స్ ఐకాన్‌పై క్లిక్ చేయాలి ఉపయోగించాలనుకుంటున్న అవతార్‌పై ట్యాప్ చేస్తే చాలు స్టేటస్ పోస్ట్ చేసిన వ్యక్తికి అవతార్ సెండ్ అయిపోతుంది. స్టేటస్ అప్‌డేట్స్‌కు సొంత అవతార్స్‌తో రిప్లై ఇవ్వడం ద్వారా భావాలను మరింత క్లియర్‌గా ఎక్స్‌ప్రెస్ చేయడం కుదురుతుంది. ఎమోజీలు, అవతార్స్‌తో రిప్లై ఇచ్చుకోగల ఫెసిలిటీస్‌ వల్ల యూజర్ ఎక్స్‌పీరియన్స్ చాలా ఇంప్రూవ్ అవుతుంది. వాట్సాప్‌లోని అవతార్ అనేది యూజర్‌కు డిజిటల్ వెర్షన్‌గా ఉంటుంది. దీనిని ప్రొఫైల్ పిక్చర్‌గా సెట్ చేసుకోవచ్చు. ఇది విభిన్నమైన హెయిర్ స్టైల్స్, ఫేసియల్ ఫీచర్స్‌, దుస్తులతో కూడిన కోట్ల కాంబినేషన్స్ నుంచి క్రియేట్ చేసుకునే పర్సనలైజ్డ్‌ అవతార్. ఒక్కసారి అవతార్ సెట్ చేసుకుంటే ఆ అవతార్‌తో విభిన్న ఎక్స్‌ప్రెషన్స్‌తో స్టిక్కర్లు క్రియేట్ అవుతాయి. ఎమోజీ సెక్షన్‌లో వీటిని యాక్సెస్ చేయవచ్చు.

ఐఎస్ఎస్ కు నాసా నుంచి రాకెట్ !

అమెరికా అంతరిక్ష కేంద్రం నాసా నుంచి నలుగురు ఆస్ట్రోనాట్స్ బయలుదేరారు. కెనడీ స్పేస్ సెంటర్ నుంచి స్పేస్ ఎక్స్ రాకెట్ లో వీళ్ళు వెళ్ళారు. వీళ్ళు భూ కక్ష్యలో తిరుగుతున్న ఐఎస్ఎస్ కు వాళ్ళు వెళుతున్నారు. నాసా నుంచి వెళ్ళిన స్పేస్ ఎక్స్ రాకెట్ లో నలుగురు ఆస్ట్రోనాట్స్ ఉన్నారు. వీళ్ళు నలుగురు నాలుగు దేశాల నుంచి వచ్చారు. ఇలా నాలుగు దేశాలకు చెందిన వాళ్ళను స్పేస్ లోకి పంపించడం అమెరికాకు ఇదే మొదటిసారి. డెన్మార్క్, జపాన్, అమెరికా, రష్యాలకు చెందిన ఈ నలుగురు వ్యోమగాములు ఆరు నెలల పాటూ ఐఎస్ఎస్ లో విధులు నిర్వహించనున్నారు. ఇంతకు ముందు ఉన్నవారి ప్లేస్ లో వీళ్ళు వెళుతున్నారు. నాసాకు చెందిన జాస్మిన్ మోఘ్ బెలి ఈ మిషన్ కు కమాండర్ గా ఉన్నారు. ఈమె ఇరానియన్. పుట్టింది జర్మనీలో అయినా పెరిగింది మాత్రం న్యూయార్క్ లో. మెరైన్ పైలట్ గా విధులు నిర్వహిస్తున్న జాస్మిన్ మొదటిసారి అంతరిక్షంలోకి వెళుతున్నారు. ఇరాన్ అమ్మాయిలే ఏదైనా సాధిస్తారని తాను నిరూపిస్తున్నాని జాస్మిన్ గర్వంగా చెబుతున్నారు. ఇక డెన్మార్క్ నుంచి ఆండ్రియాస్ మొగెన్సెన్, జపాన్ నుంచి సతోషి పురుకావా, రష్యాకు చెందిన కాన్ స్టాంటిన్ బొరిసోవ్ లు మిగతా వారు.

ఫ్లిప్‌కార్ట్‌లో మెగా మాన్‌సూన్‌ సేల్ ప్రారంభం !

ఫ్లిప్ కార్ట్ నేటి నుంచి మెగా మాన్సూన్ సేల్ తో మరో సారి వినియోగదారుల ముందుకు వచ్చింది. ఈ సేల్ ఈ నెల 31 వరకు కొనసాగనుంది. ఈ సేల్ లో టీవీలు మరియు ఇతర అప్లియెన్సెస్ పై ఏకంగా 75 శాతం వరకు డిస్కౌంట్లు ఉంటాయని ఫ్లిప్ కార్ట్ తెలిపింది. ఈ సేల్ లో స్మార్ట్ టీవీలను కేవలం నెలకు రూ.1,250 ఈఎంఐతో కొనుగోలు చేయవచ్చు. వాషింగ్ మిషన్లను రూ.239, రిఫ్రిజిరేటర్లను రూ.791 ఈఎంఐ ఆఫర్లతో సొంతం చేసుకోవచ్చు. ఇంకా ఎయిర్ కండిషనర్లను సైతం నెలకు రూ.2499తో ప్రారంభమయ్యే ఆఫర్ తో సొంతం చేసుకోవచ్చు. ఫ్యాన్లు, గీజర్లు నెలకు రూ.999 ప్రారంభ ధరతో సొంతం చేసుకోవచ్చు. హోం అప్లియెన్సెస్ పై 70 శాతం వరకు డిస్కౌంట్లు ఉంటాయని ఫ్లిప్ కార్ట్ వెల్లడించింది. మైక్రోవేవ్ లపై 45 శాతం డిస్కౌంట్లు ఉంటాయని ఫ్లిప్ కార్ట్ తెలిపింది. ఈ సేల్ లో బెస్ట్ బ్యాంక్ ఆఫర్లు సైతం ఉన్నాయి. ఐసీఐసీఐ బ్యాంక్ తో కొనుగోలు చేయడం ద్వారా 10 శాతం వరకు డిస్కౌంట్ అందుకోవచ్చు. ఐసీఐసీఐ క్రెడిట్, డెబిట్ కార్డు తో కొనుగోలు చేయడం ద్వారా ఈ ఆఫర్ ను సొంతం చేసుకోవచ్చు.

త్వరలో లాంచ్ కానున్న గూగుల్ పిక్సెల్ 8

గూగుల్ త్వరలో లాంచ్ చేయనున్న పిక్సెల్ ఫోన్ గీక్బెంచ్ లో 'అకిటా' అనే కోడ్ నేమ్ తో కనిపించింది. ఇందులో కంపెనీ త్వరలో లాంచ్ చేయనున్న ఫ్లాగ్షిప్ చిప్సెట్ ను అందించనుంది. ఈ ఫోన్ టెన్సార్ జీ3 చిప్సెట్ ప్రాసెసర్ తో రానుంది. గూగుల్ పిక్సెల్ 7ఏకి తర్వాతి వెర్షన్ గా ఉండనుంది. ఈ స్మార్ట్ఫోన్ లో 8 జీబీ ర్యామ్, 128 జీబీ ఇంటర్నల్ స్టోరేజ్ ను పొందుతారు. ఈ ఫోన్ ఆండ్రాయిడ్ 14తో లాంచ్ కానుంది. గూగుల్ పిక్సెల్ 8ఏలో మీరు మెరుగైన కెమెరా, డిజైన్ ను చూడవచ్చు. ఈ ఫోన్ లాంచ్ అవ్వడానికి ముందు గూగుల్ పిక్సెల్ 7 తర్వాతి వెర్షన్ గా రానున్న పిక్సెల్ 8 సిరీస్ ను లాంచ్ చేయనుంది. భారతదేశంలో పిక్సెల్ 7 ధర ప్రస్తుతం రూ. 49,999గా నిర్ణయించారు. ఇది 90 హెర్ట్జ్ రిఫ్రెష్ రేట్తో మార్కెట్లోకి రానుంది. 6.3 అంగుళాల పంచ్ హోల్ అమోఎల్ఈడీ డిస్ ప్లేను ఇందులో అందించనున్నారు. ఈ స్మార్ట్ ఫోన్ లో గొరిల్లా గ్లాస్ విక్టస్ ప్రొటెక్షన్ ఉంది. మ్యాగ్జిమమ్ బ్రైట్నెస్ 1400 నిట్స్ వరకు ఉండటం విశేషం. 50 మెగాపిక్సెల్ మెయిన్ లెన్స్, 12 మెగాపిక్సెల్ ఎల్ఏ అల్ట్రా వైడ్ యాంగిల్ లెన్స్ ఉన్న పిక్సెల్ 7లో డ్యూయల్ కెమెరా సెటప్ అందించారు. సెల్ఫీ కోసం ముందు భాగంలో 10.8 మెగాపిక్సెల్ కెమెరా కూడా ఉంది. వెనుక, ముందు కెమెరాలు రెండూ 4కే వీడియోలను పిక్చరైజ్ చేయగల సామర్థ్యాన్ని కలిగి ఉంటాయి. లీక్లను బట్టి చూస్తే రాబోయే గూగుల్ పిక్సెల్ 8, గూగుల్ పిక్సెల్ 8 ప్రోలో కెమెరాలకు ఏఐ ఫీచర్లు అందుబాటులో ఉంటాయి. రెండు ఫోన్లలో 'అసిస్టెంట్ వాయిస్ రిప్లై' ఫీచర్ కూడా అందుబాటులో ఉండనుంది. పిక్సెల్ 8 ప్రో ద్వారా ఇన్కమింగ్ మెసేజ్ లకు ఆటోమేటిక్ గా రిప్లై ఇవ్వవచ్చని కూడా చెబుతున్నారు. మరోవైపు గూగుల్ తమ వినియోగదారులకు తాజాగా కీలక హెచ్చరికలు జారీ చేసింది. చాలా కాలం నుంచి యాక్టివ్ గా లేని గూగుల్ అకౌంట్స్ అన్నింటినీ డిలీట్ చేయనున్నట్లు తేల్చి చెప్పింది. ఈ ఏడాది(2023) డిసెంబర్ 1వ తేదీ నుంచి అకౌంట్స్ తొలగింపు ప్రక్రియ మొదలు పెట్టనున్నట్లు తెలిపింది. ఈ మేరకు తమ యూజర్లకు జీమెయిల్ ద్వారా హెచ్చరిక మెసేజ్ ను గూగుల్ పంపించింది. గూగుల్ ప్రొడక్ట్స్, సర్వీసెస్ కి సంబంధించిన అన్ని అకౌంట్స్ కు ఇన్ యాక్టివ్ పరిమితిని రెండు సంవత్సరాలకు పొడిగిస్తున్నట్లు గూగుల్ వెల్లడించింది. అంటే వినియోగదారులు రెండు సంవత్సరాల పాటు గూగుల్ అకౌంట్స్ వినియోగించకపోతే లేదంటే యాక్టివ్ గా ఉంచకపోతే వాటిని కంపెనీ పర్మినెంట్ గా తొలగిస్తుంది. అయితే నేరుగా గూగుల్ అకౌంట్ కి లాగిన్ అవ్వకుండా గూగుల్ ప్రొడక్ట్స్, సర్వీసుల కోసం గూగుల్ అకౌంట్ ను వినియోగిస్తారో వారికి ఈ తొలగింపు ఉండదని వెల్లడించింది.

పెబల్‌ నుంచి వాయిస్‌ కాలింగ్‌తో గేమ్‌ ఆఫ్‌ థ్రోన్స్‌ స్మార్ట్‌ వాచ్‌ !

దేశీయ మార్కెట్‌లో  ‘పెబల్‌’ ఆండ్రాయిడ్‌, ఐఫోన్‌లకు సపోర్ట్‌ చేసే మరో సరికొత్త స్మార్ట్‌ వాచ్‌  ‘గేమ్‌ ఆఫ్‌ థ్రోన్స్‌’ను రిలీజ్ చేసింది. గత జులైలో కాస్మోగ్‌ వోగ్ పేరిట స్మార్ట్‌ వాచ్‌ను తీసుకొచ్చిన పెబల్‌.. ఇప్పుడు గేమ్‌ ఆఫ్‌ థ్రోన్స్‌ పేరిట మరో వాచ్‌ను విడుదల చేసింది. పెబుల్ మరియు వార్నర్ బ్రదర్స్ కలిసి ఈ స్మార్ట్‌ వాచ్‌ను రిలీజ్ చేశాయి. సెవెన్ కింగ్‌డమ్స్ నుంచి ప్రేరణ పొంది స్మార్ట్‌ వాచ్‌లను పెబుల్ పరిచయం చేసింది. పెబల్‌ అధికారిక వెబ్‌సైట్‌, అమెజాన్‌ వెబ్‌సైట్‌లో వీటిని కొనుగోలు చేయవచ్చు. పెబల్ గేమ్‌ ఆఫ్‌ థ్రోన్స్‌ స్మార్ట్‌ వాచ్‌ ధర రూ. 5,499గా ఉంది. బ్లాక్, గ్రే, గోల్డ్‌ రంగుల్లో ఈ వాచ్‌లు అందుబాటులో ఉంటాయి. 1.43 ఇంచెస్ అమోల్డ్‌ డిస్‌ప్లేతో రానున్న ఈ వాచ్‌.. 250mAh బ్యాటరీతో వస్తుంది. ఈ వాచ్‌ను ఒక్కసారి ఛార్జింగ్‌ చేస్తే.. ఏడు రోజుల పాటు వస్తుంది. మ్యాగ్నెటిక్‌ ఛార్జింగ్‌ సదుపాయాన్ని ఇందులో ఇస్తున్నారు. ఈ స్మార్ట్‌ వాచ్‌ బ్లూటూత్‌ కాలింగ్‌కు సపోర్ట్‌ చేస్తుంది. మొబైల్‌ ఫోన్‌లోని బ్లూటూత్‌ కనెక్షన్ ద్వారా ఫోన్‌కు వచ్చే కాల్స్‌ని లిఫ్ట్‌ చేసి. వాచ్‌లో ఉన్న మైక్రోఫోన్ ద్వారా ఫోన్‌ మాట్లాడొచ్చు. ఎస్పీ ఓ2 (బ్లడ్ ఆక్సిజన్), హెచ్‌ఆర్ (హార్ట్‌ రేట్‌), స్లీప్‌ మానిటరింగ్‌ లాంటి హెల్త్‌ ట్రాకర్స్‌ అందులో ఉన్నాయి. వందకు పైగా స్పోర్ట్స్ మోడ్స్‌, ఫిట్‌నెస్‌ యాక్టివిటీ ట్రాకర్లను కూడా అమర్చారు. కాలిక్యులేటర్ యాప్, అలారం క్లాక్‌, స్టాప్‌ వాచ్‌, మ్యూజిక్‌ కంట్రోల్స్ కూడా ఈ వాచ్‌లో ఉన్నాయి. నీరు, దుమ్ముకు రక్షణగా IP67 రేటింగ్‌ ఉంది. 

కృత్రిమ మేధ వల్ల మానవులకు మేలు !

రోబోలను సృష్టిస్తున్న కృత్రిమ మేధ వల్ల మానవులకు ముప్పు లేదంటున్నారు అడోబ్ చైర్మన్ కం సీఈఓ శంతను నారాయణన్. కృత్రిమ మేధ వల్ల మానవుల తెలివితేటలు పెరుగుతాయే గానీ వారిని రీప్లేస్ చేయలేవని తేల్చి చెప్పారు. హైదరాబాద్ సంతతి ఎన్నారై శంతను నారాయణన్‌ ఆర్టిఫిషియల్ ఇంటెలిజెన్స్‌పై తనకున్న అభిప్రాయాలు కుండబద్ధలు కొట్టారు. అప్పుడే ఆర్టిఫిషియల్ ఇంటెలిజెన్స్‌ను నియంత్రించాలని తొందరపడవద్దని సూచించారు. ఏఐలో అడ్వాన్స్‌డ్ ప్రగతిని ఏకపక్షంగా నియంత్రించాలనుకోవడంతో ముప్పు ఏర్పడవచ్చునని ఓ ఆంగ్ల దినపత్రికకు ఇచ్చిన ఇంటర్వ్యూలో స్పష్టం చేశారు. నెక్ట్స్ జనరేషన్ ఏఐ-ఆధారిత ఉత్పత్తుల తయారీలో అడోబ్ ఇండియా నిమగ్నమవుతుందని శంతను నారాయణన్ తెలిపారు. ఆర్టిఫిషియల్ అభివృద్ధితో వచ్చే అవకాశాలను ఆదాయం సంపాదనకు కంపెనీ ఉపయోగించుకుంటుందన్నారు. సృజనాత్మక పరిశ్రమపై కృత్రిమ మేధ సామూహిక తుఫానులా విరుచుకు పడుతుందని అన్నారు శంతన్. దీనివల్ల తాత్కాలికంగా ఇబ్బందులు ఉన్నా, మానవ మేధస్సు మెరుగు అవుతుందే కానీ, వారిని రీప్లేస్ చేయలేదని తేల్చేశారు. ప్రతి టెక్నాలజీ సామాజికంగా మేలు చేస్తుందని నమ్ముతున్నాం అని తెలిపారు. అదే సమయంలో కొన్ని సమస్యలు వస్తాయని పేర్కొన్నారు. జనాభా, ప్రతిభ, టెక్నాలజీ సమ్మేళనంతో భారత్ భవితవ్యం ఉజ్వలంగా ఉంటుందని అన్నారు. 

యూట్యూబ్ కొత్త ఫీచర్ లాంచ్ ?

యూట్యూబ్ కొత్త ఫీచర్ ను లాంచ్ చేసింది. ఈ కొత్త ఫీచర్ యూజర్ల సెర్చ్ తీరును మరియు శ్రమను మరింత తగ్గిస్తుంది. ఇప్పటికే ఈ ఫీచర్ ను అనౌన్స్ చెయ్యడమే కాకుండా కొంత మంది ఆండ్రాయిడ్ యూజర్ల కోసం రోల్ అవుట్ కూడా చేసింది. ఈ కొత్త ఫీచర్ తో మీకు నచ్చిన లేదా కావలసిన పాటను సెర్చ్ చెయ్యడానికి కేవలం హమ్మింగ్ చేస్తే సరిపోతుంది. గూగుల్ ఈ ఫీచర్ ను ముందుగా యూట్యూబ్ లో తీసుకువస్తోంది మరియు ఈ ఫీచర్ సక్సెస్ తరువాత దీన్ని గూగుల్ సెర్చ్ కు యాడ్ చేస్తుందని నివేదికలు చెబుతున్నాయి. ఈ ఫీచర్ తో పాట ను సెర్చ్ చేయడానికి 3 కంటే ఎక్కువ సెకన్లు హమ్మింగ్ చేయవలసి ఉంటుంది. ఇదే గూగుల్ లో అయితే దాదాపుగా 15 సెకన్ల వరకూ హమ్మింగ్ చేయవలసి ఉండవచ్చు. ఈ ఫీచర్ ను ద్వారా యూజర్లు వారికి నచ్చిన పాటను వెతకటానికి ఇది చాలా సింపుల్ సెర్చ్ అవుతుంది. ఎందుకంటే, పాట ని ఎలా సెర్చ్ చెయ్యాలో తెలియక పోయిన కేవలం ఆ హమ్మింగ్ చేస్తే చాలు పాట ప్రత్యక్ష్యం అవుతుంది. పెరుగుతున్న టెక్నాలజీ ద్వారా సెర్చ్ తీరు మరింత సులభంగా మరియు సరళంగా మారుతోంది. యూట్యూబ్ లో వచ్చిన ఈ కొత్త హమ్మింగ్ సెర్చ్ ఫీచర్ యూట్యూబ్ లో సాంగ్స్ ని సింపుల్ గా సెర్చ్ చేసేల చేస్తుంది. మీకు కూడా పాట గుర్తు లేకపోతే ఈ కొత్త ఫీచర్ ఒకటి ఉందని గుర్తుంచుకోండిడ్ మరియు జెస్ట్ హమ్మింగ్ చేసే పాటను పట్టుకోండి. ఈ కొత్త ఫీచర్ ను ప్రస్తుతం కొంత మంది ఆండ్రాయిడ్ యూజర్లకు మాత్రమే యూట్యూబ్ అందించి మరియు టెస్టింగ్ విజయవంతమైన తరువాత ఈ ఫీచర్ ను అందరూ యూట్యూబ్ యూజర్లు అందుకోవచ్చు. అంటే, మీ ఫోన్ లో ఈ ఫీచర్ కనిపించకే పొతే ఈ ఫీచర్ ను మీరు అందుకోవడానికి మరికొంత సమయం పడుతుందని గుర్తుంచుకోండి. యూట్యూబ్ ఈ ఫీచర్ ద్వారా తన యూజర్ల అనుభూతిని మరియు సెర్చ్ చేసే తీరును మరింత సింపుల్ చేస్తుంది. ఈ హమ్మింగ్ ఫీచర్ మీ ఫోన్ అందుకుంటే మీరు ఈ ఫీచర్ ను ఖచితంగా ట్రై చేయండి మరియు కొత్త టెక్ ను అందించండి. మీరు ఈ ఫీచర్ ను ఖచ్చితంగా ఆనందిస్తారు.

ఆగస్ట్ 29న హీరో కరిజ్మా 210 ఎక్స్ ఎంఆర్ బైక్ లాంచ్ !

2003లో హీరో కంపెనీ తొలుత కరిజ్మ బైక్ ను లాంచ్ చేసి కొన్ని మోడల్స్ ను లాంచ్ చేసింది. తర్వాత కొంతకాలం షట్ డౌన్ అయిన ఈ మోడల్  తిరిగి మళ్లీ లాంచ్ చేయనున్నారు. కరిజ్మా 210 ఎక్స్ ఎంఆర్ పేరుతో ఈసారి హైఎండ్ మోడల్ ను విడుదల చేస్తున్నారు. ఆగస్ట్ 29న ఈ బైక్ లాంచ్ కానుంది. దీనికి బ్రాండ్ అంబాసిడర్ గా బాలీవుడ్ హీరో హృతిక్ రోషన్ ను నియమించింది. గతంలో కూడా కరిజ్మాకు హృతిక్ రోషనే బ్రాండ్ అంబాసిడర్ గా ఉన్నాడు. కాగా, ఈ బైక్ కు సంబంధించిన టీజర్ లను హీరో ఇప్పటికే లాంచ్ చేయగా.. ట్రెండింగ్ లో ఉన్నాయి. ఇక ఈ బైక్ స్పెసిఫికేషన్స్ చూసుకుంటే.. 210 సీసీ లిక్విడ్ కూలింగ్ ఇంజిన్ తో వస్తుంది. సిక్స్ స్పీడ్ గేర్ బాక్స్ ఉంటుంది. ఇందులో టాప్ స్పీడ్ గరిష్ఠంగా 143 కిలోమీటర్లు. డ్యూయల్ టోన్ కలర్ థీమ్, ఎల్ఈడీ డీఆర్ఎల్స్, డ్యూయల్ ఛానల్ ఏబీఎస్, డిజిటల్ ఇన్సుట్రుమెంట్ క్లస్టర్ లాంటి స్పెషల్ ఫీచర్స్ ఉన్నాయి. అంతేకాకుండా ఇది బ్లూటూత్ కనెక్టవిటీతో వస్తుంది. ప్రస్తుతం దీనికి ఎంత ప్రైజ్ పెడతారన్ని విషయంపై మాత్రం క్లారిటీ రాలేదు.

నెట్ ఫ్లిక్ సబ్ స్క్రిప్షన్ ఫ్రీ గా కావాలంటే జియో ప్లాన్ రీఛార్జ్ చేయండి !

నెట్ ఫ్లిక్ సబ్ స్క్రిప్షన్ ను ఉచితంగా అందుకనే ఛాన్స్ రిలయన్స్ జియో తన యూజర్ల కోసం ప్రకటించింది. రిలయన్స్ జియో నెట్ ఫ్లిక్ ఓటీటీ ప్లాట్ ఫామ్ ఉచిత సబ్ స్క్రిప్షన్ తో జతగా లాంచ్ చేసిన కొత్త ప్రీపెయిడ్ ప్లాన్స్ తో రీఛార్జ్ చేసే కస్టమర్లకు మాత్రమే ఈ అవకాశం దక్కుతుంది. మీరు కూడా ఈ ఉచిత ఓటీటీ సౌలాభ్యాన్ని అందుకోవాలనుకుంటే Reliance Jio కొత్తగా తీసుకు వచ్చిన ఆ ప్లాన్స్ గురించి తెలుసుకోవాల్సిందే. రిలయన్స్ జియో ఇటీవల Netflix సబ్ స్క్రిప్షన్ తో ఓక్ రెండు కొత్త ప్లాన్ లను తన పోర్ట్ ఫోలియోలో జత చేసింది. అవే, రూ. 1,099 ప్రీపెయిడ్ ప్లాన్ మరియు రూ. 1,499 ప్రీపెయిడ్ ప్లాన్. ఈ రెండు ప్లాన్స్ కూడా ఉచిత Netflix OTT సబ్ స్క్రిప్షన్ తో వస్తాయి. 

Jio Rs. 1,099 Plan: ఈ జియో ప్లాన్ 84 రోజుల చెల్లుబాటు అవుతుంది మరియు పూర్తి చెల్లుబాటు కాలానికి అన్లిమిటెడ్ కాలింగ్ సౌలభ్యం అందిస్తుంది. ఈ ప్లాన్ డైలీ 2GB 4G డేటా చొప్పున పూర్తి వ్యాలిడిటీ కాలానికి టోటల్ 168 GB హై స్పీడ్ డేటా అందిస్తుంది. అలాగే, డైలీ 100 SMS సౌకర్యం కూడా మీరు ఈ ప్లాన్ తో పొందవచ్చు. ఈ ప్లాన్ Unlimited Ture 5G Data అఫర్ తో కూడా వుంది కాబట్టి అన్లిమిటెడ్ 5G డేటాని మీరు వినియోగించుకోవచ్చు. ఈ ప్లాన్ తో ఉచిత Netflix OTT సబ్ స్క్రిప్షన్ మరియు Jio Cinema, Jio TV మరియు Jio Cloud యాక్సెస్ కూడా జియో అందిస్తోంది.

Jio Rs. 1,499 Plan: ఈ జియో ప్లాన్ కూడా అదే 84 రోజుల వ్యాలిడిటీ తో వస్తుంది మరియు ఈ వ్యాలిడిటీ కాలానికి గాను అన్లిమిటెడ్ కాలింగ్ సౌకర్యం అందిస్తుంది. ఈ ప్లాన్ తో మీకు డైలీ 3GB 4G డేటా చొప్పున పూర్తి చెల్లుబాటు కాలానికి గాను మొత్తం 292 GB హై స్పీడ్ డేటా అందిస్తుంది. ఈ ప్లాన్ తో డైలీ 100 SMS సౌలభ్యాన్ని కూడా మీరు పొందుతారు. ఈ ప్లాన్ కూడా Unlimited Ture 5G Data తో వస్తుంది కాబట్టి అన్లిమిటెడ్ 5G డేటాని మీరు వినియోగించుకోవచ్చు. ఈ ప్లాన్ తో కూడా ఉచిత Netflix OTT సబ్ స్క్రిప్షన్ మరియు Jio Cinema, Jio TV మరియు Jio Cloud యాక్సెస్ కూడా జియో అందిస్తోంది.

చంద్రుడిపై నుంచి ల్యాండర్‌ బయటకొచ్చిన వీడియోను ఇస్రో షేర్‌ చేసింది !

రోదసిలో ఇప్పటివరకు ఏ దేశమూ అందుకోలేకపోయిన లక్ష్యాన్ని ఇస్రో విజయవంతంగా చేరుకుంది. అత్యంత సంక్లిష్టమైన చంద్రుడి దక్షిణ ధృవంపై విక్రమ్‌ ల్యాండర్‌ ను దించి అంతరిక్ష ప్రయోగాల్లో భారత్‌ చరిత్ర సృష్టించింది. జాబిల్లిపై విక్రమ్‌ ల్యాండ్‌ అయిన కొన్ని గంటల తర్వాత దాని లోపలి నుంచి ప్రజ్ఞాన్‌ రోవర్‌ బయటకు వచ్చిన విషయం తెలిసిందే. దీనికి సంబంధించిన వీడియోను ఇస్రో తాజాగా సోషల్ మీడియాలో పోస్టు చేసింది. ఈ వీడియోలో ప్రజ్ఞాన్‌ రోవర్‌ చంద్రుడి ఉపరితలంపై కాలు మోపి సెకనుకు ఒక్కో సెం.మీ వేగంతో ఇది ల్యాండర్‌ ర్యాంపు ద్వారా వడివడిగా బయటకు వచ్చినట్లు కనిపిస్తుంది. ప్రస్తుతం ఈ వీడియో వైరల్‌గా మారింది. అంతకుముందు చంద్రయాన్ 2 ఆర్బిటార్ తీసిన విక్రమ్​ ల్యాండర్​ ఫొటోలను ఇస్రో సోషల్ మీడియాలో పోస్టు చేసింది. అయితే కొద్ది సేపటికే ఆ పోస్టులను మళ్లీ డిలీట్ చేసింది. కానీ ఎందుకు డిలీట్ చేసిందన్న వివరాలు మాత్రం వెల్లడించలేదు. ఇక చంద్రయాన్‌-3ని విజయవంతం అవ్వడం పట్ల ప్రపంచ దేశాలు భారత్‌ కృషిని కొనియాడుతున్నాయి. చంద్రయాన్-3 సక్సెస్‌ఫుల్ ల్యాండింగ్ కాగానే ప్రపంచ నాయకులు, శాస్త్రవేత్తలు ఇండియాపై ప్రశంసల వర్షం కురిపిస్తున్నారు.

న్యూ స్టోరేజీ ఆప్షన్‌తో రెడ్‌మీ ఏ2+

రెడ్‌మీ ఏ2+ ఫోన్ న్యూ రామ్ అండ్ స్టోరేజీ ఆప్షన్‌ వేరియంట్ ఆవిష్కరించింది. గత మార్చిలో రెడ్‍మీ ఏ2+ తోపాటు రెడ్‍మీ ఏ2 ఫోన్లను ఆవిష్కరించింది. నాడు 4 జీబీ రామ్ విత్ 64 జీబీ ఇంటర్నల్ స్టోరేజీ వేరియంట్ తెచ్చిన రెడ్‌మీ ఇప్పుడు 4జీబీ రామ్ విత్ 128 జీబీ ఇంటర్నల్ వేరియంట్ ఆవిష్కరించింది. మీడియాటెక్ హెలియో జీ36 ఎస్వోసీ చిప్‌సెట్ విత్ 5000 ఎంఏహెచ్ కెపాసిటీ గల బ్యాటరీతో వస్తున్న ఈ ఫోన్ ఎంఐ డాట్ కామ్‌లో రూ.8,499 పలుకుతున్నది. అమెజాన్, ఎంఐ.కాం, షియోమీ రిటైల్ స్టోర్లలో లభిస్తుంది. ప్రస్తుతం 4జీబీ రామ్ విత్ 64 జీబీ ఇంటర్నల్ స్టోరేజీ వేరియంట్ రూ.7,999లకే లభిస్తున్నది. రెడ్‌మీ ఏ2+ ఫోన్ క్లాసిక్ బ్లాక్, సీ గ్రీన్, అక్వా బ్లూ కలర్స్‌లో అందుబాటులో ఉంటుంది. 6.52-అంగుళాల హెచ్డీ + (1600×720 పిక్సెల్స్) ఎల్సీడీ డిస్ ప్లే విత్ 120 హెర్ట్జ్ టచ్ శాంప్లింగ్ రేట్ తో వస్తున్నది. మీడియాటెక్ హెలియో జీ36 ఎస్వోసీ చిప్ చెట్ కలిగి ఉంటుంది. ఆండ్రాయిడ్ 13 వర్షన్ మీద పని చేస్తుంది. మెమొరీ ఫ్యూజన్ టెక్నాలజీ సాయంతో 3జీబీ రామ్ వరకు పొడిగించుకోవచ్చు. ఏఐ బ్యాక్డ్ డ్యుయల్ రేర్ కెమెరా సెటప్‌తో అందుబాటులోకి వస్తుంది. 8-మెగా పిక్సెల్ ప్రైమరీ సెన్సర్, క్యూవీజడ్‌ఏ కెమెరాతోపాటు సెల్ఫీలూ వీడియో కాల్స్ కోసం 5-మెగా పిక్సెల్ ఫ్రంట్ కెమెరా సెన్సర్ ఉంటుంది. ఈ ఫోన్ 5000 ఎంఏహెచ్ కెపాసిటీ గల బ్యాటరీ విత్ బండిల్డ్ చార్జర్‌తో వస్తున్నది. స్టాండ్ బై మోడ్‌లో 32 రోజుల పాటు ఉంటుంది. సింగిల్ చార్జింగ్ తో 32 గంటల కాల్ టైం ఉంటుంది. 3.5 ఎంఎం ఆడియో జాక్ కనెక్టివిటీ కలిగి ఉంటుంది.

టీవీఎస్ ఎలక్ట్రిక్ స్కూటర్ !

టీవీఎస్ నుంచి సరికొత్త ఎలక్ట్రిక్ స్కూటర్ విడుదలైంది. భారత్ సహా విదేశాలలో మిలీనియల్స్, Gen Z జనాభాను లక్ష్యంగా చేసుకుని ప్రీమియం ఎలక్ట్రిక్ క్రాస్ఓవర్ టూ-వీలర్ ని కంపెనీ ఆవిష్కరించింది. రూ. 2.50 లక్షల ప్రారంభ ధరతో వచ్చింది. ఎలక్ట్రిక్ ద్విచక్ర వాహనం హై-పర్పార్మెన్స్ బ్యాటరీ ప్యాక్‌తో వస్తుంది. 4.44kWh కేపాసిటీ ఎనర్జీని అందిస్తుంది, 2.6 సెకన్లలో గంటకు 0-40 కిలోమీటర్ల వేగాన్ని గరిష్టంగా 105kmph వేగంతో వస్తుంది. టీవీఎస్ మోటార్‌లో అంతర్గతంగా అభివృద్ధి చేసిన బ్యాటరీ మేనేజ్‌మెంట్ సిస్టమ్ పవర్ ప్లోను నిరంతరం మానిటరింగ్ చేయడం ద్వారా సెల్‌ సేఫ్ ఆపరేషన్, సుదీర్ఘ లైఫ్ టైమ్ అందిస్తుంది. 50 నిమిషాల్లో 0-50 శాతం (ఆప్షనల్ యాడ్-ఆన్ 3 kW ఫాస్ట్ ఛార్జర్) లేదా పోర్టబుల్ ఛార్జర్ 4 గంటల 30 నిమిషాల్లో (950W ఛార్జర్), 0-80 శాతం డెలివరీ చేయగల స్మార్ట్ X హోమ్ రాపిడ్ ఛార్జర్ ఆప్షన్‌ను కస్టమర్లు పొందవచ్చు. TVS X థ్రిల్-ఎలక్ట్రిక్ స్కూటర్ ప్రారంభ ధర రూ. 2,49,990 (ఎక్స్-షోరూమ్ బెంగళూరు), పోర్టబుల్ 950W ఛార్జర్‌లతో రూ. 16,275 (GSTతో సహా), 3kW స్మార్ట్ X హోమ్ రాపిడ్ ఛార్జర్ కూడా అందుబాటులో ఉంటుందని దుబాయ్‌లో జరిగిన లాంచ్ ఈవెంట్‌లో కంపెనీ సీఈఓ కేఎన్ రాధాకృష్ణన్ తెలిపారు. TVS X స్కూటర్ బుకింగ్‌లు ఇప్పుడు కంపెనీ వెబ్‌సైట్‌లో అందుబాటులో ఉన్నాయని ఆయన తెలిపారు. ముందుగా.. 15 నగరాల్లో డెలివరీలు నవంబర్ 2023 నుంచి దశల వారీగా ప్రారంభం అవుతాయని, మోడల్‌కు ప్రభుత్వ FAME ప్రోత్సాహకం వర్తించదని రాధాకృష్ణన్ అన్నారు. TVS మోటార్ కంపెనీ మేనేజింగ్ డైరెక్టర్ సుదర్శన్ వేణు మాట్లాడుతూ.. 'మిలీనియల్స్, Gen Z వంటి కస్టమర్లను లక్ష్యంగా చేసుకున్నాం. హరిత, మరింత స్థిరమైన భవిష్యత్తు కోసం టెక్నాలజీ, ఆవిష్కరణలను ఉపయోగించుకోవడంలో అంకితభావం ఈ అద్భుతమైన స్కూటర్‌ను తీసుకువచ్చింది. సాధారణంగా మిలీనియల్స్ అంటే.. 1981 నుంచి 1996 మధ్య జన్మించిన వ్యక్తులు, అలాగే, 1996 నుంచి 2010 మధ్య జన్మించిన వారిని Gen Z (జనరేషన్ Z)గా సూచిస్తారు. ఎలక్ట్రిక్ టూ-వీలర్ మోడల్ ప్రపంచ పౌరుల కోసం రూపొందించింది. ప్రీమియం ఇంకా స్థిరమైన టెక్నాలజీతో అభివృద్ధి చెందిన మొబిలిటీ సొల్యూషన్‌ల వైపు మళ్లేందుకు సిద్ధంగా ఉందని వేణు చెప్పారు. కొత్త మోడల్ ఉత్పత్తి కోసం కంపెనీ మూలధన వ్యయంగా రూ.250 కోట్లు పెట్టుబడి పెట్టిందని ఆయన తెలిపారు. భారత మార్కెట్లో విక్రయించడంతో పాటు, బంగ్లాదేశ్, నేపాల్, యూరప్ లాటిన్ అమెరికాలకు కూడా మోడల్‌ను ఎగుమతి చేయడానికి కంపెనీ దృష్టి సారిస్తోందని తెలిపారు. ఎలక్ట్రిక్ ద్విచక్ర వాహనం 10.2-అంగుళాల HD+ TFT టచ్‌స్క్రీన్‌తో వస్తుంది. ఈ క్లాసులో ఇదే అతిపెద్దది, రైడర్‌కు నావిగేషన్, మ్యూజిక్, వీడియో ఆఫర్‌లు, గేమింగ్ ఆప్షన్లను అందిస్తుంది.

ఓలా S1 ఎయిర్ ఎలక్ట్రిక్ స్కూటర్ డెలివరీ ప్రారంభం !

ఓలా ఎలక్ట్రిక్ బ్రాండ్ అత్యంత సరసమైన ఎలక్ట్రిక్ స్కూటర్ అయిన సరికొత్త S1 ఎయిర్‌లను డెలివరీ చేయడం ప్రారంభించింది. లాంచ్ అయిన కొద్ది రోజుల్లోనే, S1 ఎయిర్ స్కూటర్లు 50వేల కంటే ఎక్కువ బుకింగ్‌లను అందుకున్నట్లు కంపెనీ వెల్లడించింది. S1 ఎయిర్ ఎక్స్-షోరూమ్ ప్రారంభ ధర రూ. 1.10 లక్షలతో ప్రారంభమైంది. అయితే, ఆ తరువాత సవరించగా.. అప్పటి నుంచి ఎక్స్-షోరూమ్ రూ. 1.20 లక్షలకు విక్రయిస్తోంది. దేశంలోని 100కి పైగా నగరాల్లో డెలివరీలను ప్రారంభించామని, త్వరలో మరిన్ని అనుసరించే అవకాశం ఉందని కంపెనీ తెలిపింది. S1 ఎయిర్ 3.0kWh బ్యాటరీ ప్యాక్, 58Nm టార్క్‌ను ఉత్పత్తి చేసే 8.5 kW మోటార్‌ను ఉపయోగిస్తుంది. 3.3 సెకన్లలో 0 నుంచి 40kmph వరకు దూసుకెళ్లగలదు. అలాగే, 90kmph వద్ద గరిష్ట వేగంతో ఒకే ఛార్జ్‌పై 151కి.మీ పరిధిని అందిస్తుంది. 5 గంటలలోపు పూర్తిగా ఛార్జ్ చేయవచ్చు. ఇంకా, S1 ఎయిర్‌ ఇతర ముఖ్యమైన ఫీచర్లలో టెలిస్కోపిక్ ఫ్రంట్ ఫోర్క్, వెనుక ట్విన్ షాక్ అబ్జార్బర్‌లు, 2 చివర్లలో డ్రమ్ బ్రేక్‌లు, ట్విన్ ప్రొజెక్టర్ హెడ్‌ల్యాంప్‌లు, GPS, స్మార్ట్‌ఫోన్ కనెక్టివిటీతో కూడిన 7-అంగుళాల FT డాష్‌బోర్డ్ ఉన్నాయి. S1 ఎయిర్ స్టెల్లార్ బ్లూ, నియాన్, పింగాణీ వైట్, కోరల్ గ్లామ్, లిక్విడ్ సిల్వర్, మిడ్‌నైట్ బ్లూతో సహా 6 కలర్ ఆప్షన్లలో అందుబాటులో ఉంది. ఎకో, నార్మల్, స్పోర్ట్ అనే మూడు రైడింగ్ మోడ్‌లను కలిగి ఉంది. వందకన్నా ఎక్కువ నగరాల్లో ఓలా S1 ఎయిర్ డెలివరీలు ప్రారంభమయ్యాయి. త్వరలో ఇతర మార్కెట్‌లలోనూ ఓలా S1 ఎయిర్ స్కూటర్ డెలివరీలు ప్రారంభం కానున్నాయి. ఓలా S1 ఎయిర్ ఈవీ స్కూటర్‌ను EMI ఆప్షన్ ద్వారా కూడా కొనుగోలు చేయొచ్చు. ప్రీ-అప్రూవ్డ్ లోన్స్ కూడా ఉన్నాయి. ఆఫ్‌లైన్‌లోనూ ఫైనాన్స్ ఆప్షన్‌తో S1 ఎయిర్ కొనుగోలు చేయొచ్చు. యాక్సిస్ బ్యాంక్, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్ లాంటి బ్యాంకులన్నీ EMI ఆప్షన్ ద్వారా అందిస్తున్నాయి.

ఓలా S1 ఎయిర్ ధర రూ.1,19,999 ఉండగా, EMI ఆప్షన్ కింద వడ్డీ రేటు 8.9 శాతం అందిస్తుంది. రూ.10 వేలు డౌన్‌పేమెంట్ చెల్లించడం ద్వారా మిగిలిన రూ.1,09,999పై లోన్ పొందవచ్చు. 48 నెలల EMI ఆప్షన్ ద్వారా నెలకు రూ.2,730 EMI, 36 నెలల ఆప్షన్‌పై నెలకు రూ.3,491 EMI చెల్లించాలి. 24 నెలల ఆప్షన్ ద్వారా నెలకు ఈఎంఐ రూ.5,018, 12 నెలల వ్యవధిలో నెలకు ఈఎంఐ రూ.9,612 చెల్లించాలి. అయితే, ఈ లోన్‌పై ప్రాసెసింగ్ ఫీజ్ ఉండదని గమనించాలి. కస్టమర్ల ప్రొఫైల్‌ ఆధారంగా వడ్డీ రేటుకే ఓలా S1 ఎయిర్ స్కూటర్ సొంతం చేసుకోవచ్చు.

ఆగస్టు 28 నుండి విక్రయానికి జియో భారత్ ఫోన్‌ సిద్ధం !

జియో కార్బన్‌ సంస్థ తో భాగస్వామ్యంతో 'జియో భారత్ ఫోన్‌లను' లాంచ్ చేసింది. ఈ ఫోన్లు ఇప్పుడు దేశంలో విక్రయించడానికి సిద్ధంగా ఉంది. ఈ సేల్ అమెజాన్ ఇండియా వెబ్‌సైట్ లో జరుగుతుంది. దీని కోసం టీజర్‌ను కూడా పోస్ట్ చేసింది, ఆసక్తి గల వినియోగదారులు ఆగస్టు 28 నుండి కొత్త జియో భారత్ ఫోన్‌ను కొనుగోలు చేయవచ్చని వెల్లడించింది. జియో భారత్ K1 కార్బన్ -- ఎరుపు మరియు నలుపు మిశ్రమాన్ని కలిగి ఉంది. ముందు భాగంలో "భారత్" బ్రాండింగ్ ఉంది, వెనుక భాగంలో "కార్బన్" లోగో ఉంది. ఈ ఫోన్‌లో పాత T9 కీబోర్డ్ మరియు ఎగువన ఫ్లాష్‌లైట్ ఉన్నాయి. వెనుక కెమెరా కూడా ఉంది. వినియోగదారులు JioCinemaలో సినిమాలు లేదా స్పోర్ట్స్ మ్యాచ్‌లను కూడా ఇందులో చూడవచ్చు. ఈ ఫీచర్ ఫోన్ 1.77-అంగుళాల డిస్‌ప్లేతో వస్తుంది. 128GB వరకు ఎక్స్‌టర్నల్ మైక్రో SD కార్డ్ సపోర్ట్‌ ఇచ్చింది. పెద్ద నిల్వ స్థలాన్ని జోడించడం వలన వ్యక్తులు మీ సంగీతం, వీడియోలు, ఫోటోలు మరియు ఇతర కంటెంట్‌ను నిల్వ చేయడానికి అనుమతిస్తుంది. వెనుక కెమెరా మాడ్యూల్ దీర్ఘచతురస్రాకార డిజైన్‌ను కలిగి ఉంది. ఇది LED ఫ్లాష్‌తో 0.3 మెగాపిక్సెల్ సెన్సార్‌ను కలిగి ఉంటుంది. ఫ్లాష్‌లైట్ కూడా ఉంది. కంపెనీ హుడ్ కింద 1,000mAh బ్యాటరీని అమర్చింది. ఈ కొత్త జియో భారత్ ఫోన్ ప్రజలు జియో యాప్‌ల ద్వారా చెల్లింపులు చేయడానికి మరియు సినిమాలను చూడటానికి కూడా అనుమతిస్తుంది. ఈ ఫోన్ వాట్సాప్‌కు సపోర్ట్‌ని అందిస్తుందని కూడా చెబుతున్నారు. జియో భారత్ ఫోన్‌ని ఉపయోగించడానికి, వినియోగదారులు రూ. 123 యాక్టివ్ రీఛార్జ్ ప్లాన్‌ను కలిగి ఉండాలి. ఈ ప్లాన్ 28 రోజుల పాటు ఉంటుంది. అపరిమిత కాలింగ్, 14GB 4G డేటా,  అన్ని Jio యాప్‌లకు పూర్తి యాక్సెస్‌ను అందిస్తుంది. ప్రత్యామ్నాయంగా, వినియోగదారులు రూ. 1,234 ధరతో లభించే వార్షిక ప్లాన్‌ను ఎంచుకునే అవకాశం ఉంది.

ఇన్ స్టా గ్రామ్ లో యాడ్‌ క్లిక్ చేసి పది లక్షలు పోగొట్టుకున్న మహిళ !

కర్నాటకలోని మంగళూరుకు చెందిన ఓ సాఫ్ట్ వేర్ ఉద్యోగి ఇన్ స్టా గ్రామ్ లో ఓ యాడ్ చూసింది. పార్ట్ టైమ్ జాబ్ తో మరింత ఆదాయం పొందవచ్చు అనే యాడ్ ఆమెను బాగా ఆకట్టుకుంది. ఈ యాడ్ మీద క్లిక్ చేసి తాను ఆ ఉద్యోగం చేయడానికి సిద్ధమేనంటూ ఆ నెంబర్ కు మెసేజ్ పంపించింది. టెలిగ్రామ్ లో కనెక్ట్ కావాలని అవతలి నుంచి సమాధానం వచ్చింది. సదరు ఉద్యోగి, మెసేజ్ లో చెప్పినట్లుగా ఓ యాప్ డౌన్ లోడ్ చేసి కనెక్ట్ అయ్యింది. అవతలి వ్యక్తితో మాట్లాడింది. మీరు పెట్టే పెట్టుబడి మీద 30 శాతం రాబడి ఇస్తామని చెప్పారు. బాధితురాలు తన గూగుల్ పే ద్వారా వాళ్లు చెప్పిన UPI IDకి రూ.7,000 పంపింది. ఇచ్చిన మాట ప్రకారం ఆమె ఖాతాలోకి రూ.9,100 వచ్చింది. నెమ్మదిగా ఆమె స్కామర్ ను నమ్మడం మొదలు పెట్టింది. రూ.10,50,525 బదిలీ చేసింది. ఆ తర్వాత సదరు స్కామర్ ఆమెను బ్లాక్ చేశాడు. తాను మోసపోయానని గ్రహించిన మహిళ పోలీసులను ఆశ్రయించింది. పార్ట్ టైమ్ ఉద్యోగాల పేరుతో జరిగే మోసాల పట్ల ప్రజలు జాగ్రత్తగా ఉండాలని పోలీసులు సూచిస్తున్నారు. లింక్డ్ ఇన్, నౌకరీ.కామ్ లాంటి జెన్యూన్ పోర్టల్స్ ద్వారా పార్ట్ టైమ్ ఉద్యోగాల కోసం దరఖాస్తు చేసుకోవడం ఉత్తమం. ఒకవేళ ఇతర మార్గాల ద్వారా ఉద్యోగ అవకాశాలు ఉన్నట్లు తెలిస్తే, జాబ్ ఆఫర్ చేసే వ్యక్తులు, సంస్థల గురించి క్షుణ్ణంగా తనిఖీ చేయాలి. వారి పేరు, వారి కంపెనీ పేరుతో పాటు పూర్తి వివరాలను తెలుసుకోవాలి. ఉద్యోగం ఆఫర్ చేస్తున్న కంపెనీ గురించి గూగుల్ లో వెతికి చూడాలి. ఉద్యోగం కోసం పేరు, ఫోన్ నంబర్ మొదలైన వ్యక్తిగత సమాచారాన్ని పూరించే ముందు చాలా జాగ్రత్తగా ఉండాలి. అపరిచితుల బ్యాంక్ ఖాతాలోకి ఎట్టిపరిస్థితుల్లో డబ్బును బదిలీ చేయవద్దు. మీ బ్యాంకింగ్ వివరాలను ఎవరితోనూ పంచుకోవద్దు. ప్రముఖ కంపెనీలు మీకు ఉద్యోగం ఇవ్వడానికి ఎలాంటి డబ్బు అడగవని గుర్తుంచుకోవాలి. 

గంట పనికి జీతం రూ.1.2 కోట్లు !

ఏ కంపెనీలో అయినా ఉద్యోగులు కనీసం రోజుకు 8 నుంచి 9 గంటలు పనిచేయాల్సి ఉంటుంది. లేదంటే జీతంలో కోత విధిస్తారు. ఒక్కోసారి అంతకంటే ఎక్కవ సమయమే పనిచేయాల్సి వస్తుంటుంది. అన్ని గంటలు పనిచేసినా జీతం మాత్రం అంతంత మాత్రమే ఉంటుంది. అయితే, దిగ్గజ టెక్‌ కంపెనీ అయిన గూగుల్‌ లో పనిచేస్తున్న ఓ ఇంజినీర్‌ మాత్రం రోజుకు 1 గంట మాత్రమే పని చేస్తూ, ఏడాదికి ఏకంగా రూ.కోటికిపైనే వేతనం అందుకుంటున్నాడు. ఓ సాఫ్ట్‌వేర్ ఇంజినీర్‌గా పనిచేస్తున్న దెవాన్‌ అనే 20 ఏళ్ల టెకీ మాత్రం రోజుకు గంట మాత్రమే పనిచేస్తున్నాడట. జీతం మాత్రం ఏడాదికి రూ. 1.24 కోట్లు తీసుకుంటూ ఇప్పుడు అందరి దృష్టినీ ఆకర్షిస్తున్నాడు. దేవాన్‌ గూగుల్‌లోని కోడింగ్‌ విభాగంలో ఇంజినీర్‌గా పని చేస్తున్నాడు. గూగుల్ టూల్స్ అండ్ ప్రొడక్ట్స్ కోసం కోడింగ్ రాస్తుంటాడు. అయితే అతడు రోజుకు ఒక గంట మాత్రమే పనిచేస్తున్నాడు. మిగతా టైమ్‌లో బీచ్‌లు, పార్క్‌లు సహా రోజూ బోలెడు జాలీ రైడ్స్‌కి వెళ్తూ లైఫ్‌ను ఎంజాయ్‌ చేస్తాడట. అంటే నెలలో మొత్తంగా 24 నుంచి 28 గంటలు మాత్రమే వర్క్‌ చేస్తాడు. అలా గంట పనికి ఏడాదికి రూ.1.24 కోట్లు తీసుకుంటున్నాడట. దాంతో పాటు బోనస్‌లు కూడా అందుకుంటున్నాడు. ఈ విషయాన్ని దేవాన్‌నే స్వయంగా వెల్లడించాడు. 'నేను ఎక్కువ గంటలు పని చేయాలనుకుంటే స్టార్టప్‌ కంపెనీలో ఉండేవాడిని. ఎక్కువ గంటలు పనిచేయాలనే ఒత్తిడి నాకు లేదు. చాలా మంది వ్యక్తులు వర్క్‌ లైఫ్‌ను బ్యాలెన్స్‌ చేసుకునేందుకు, ఇతర ప్రయోజనాల కోసం గూగుల్‌ను ఎంచుకుంటారు. మీరు యాపిల్‌ కంపెనీలో కూడా పని చేయొచ్చు. యాపిల్ సాఫ్ట్‌వేర్ ఇంజినీర్లు ఎక్కువ గంటలు పని చేస్తారు. కానీ, గూగుల్‌లో వారు చేసే పని వారికి తెలుసు. నేను కూడా వేల మంది సాఫ్ట్‌వేర్ ఇంజినీర్లలో ఒకడినే. అయితే, నేను కష్టపడకుండా వేగంగా పని చేసేందుకే ఇష్టపడతాను' అంటూ దెవాన్‌ చెబుతున్నాడు.