నోకియా ఇండియాలో 6G ల్యాబ్ ను తెరిచింది. వాస్తవానికి, ఇండియాలో 5G నెట్ వర్క్ పూర్తిగా అన్ని ప్రాంతాల్లో ఇంకా అందుబాటలోకి రాలేదు. కానీ, నోకియా మాత్రం అప్ కమింగ్ టెక్ పైన పూర్తి పరిజ్ఞానం కోసం ఇప్పటి నుండే తన సహాయ సహకారాలను అందిచడానికి ప్రయత్నం చేస్తోంది. ఈ కొత్త నోకియా 6జి ల్యాబ్ ను కేంద్ర మంత్రి అశ్వని వైష్ణవ్ వర్చువల్ గా ప్రారంభించారు. 6G టెక్నాలజీ ప్రాధమిక సాంకేతికత, ఆవిష్కరణ డెవలప్ మెంట్ కోసం నోకియా తీసుకు వచ్చిన కొత్త తరహా ప్రాజెక్ట్, ఈ నోకియా 6జి ల్యాబ్. ఈ నోకియా 6జి ల్యాబ్ అనేది 6G టెక్నాలజీ లో భారత ప్రాధాన్యతను, ప్రాతినిధ్యాన్ని ప్రపంచానికి చెప్పే ఉద్దేశ్యంతో దేశ ప్రధాని శ్రీ నరేంద్ర మోడీ పరిచయం చేసిన 'భారత్ 6జి విజన్' కి సపోర్ట్ చేస్తుంది. నోకియా 6జి ల్యాబ్ ను నోకియా వర్చువల్ గా ప్రవేశపెట్టింది. అయితే, గ్లోబల్ 6జి టెక్నాలజీ స్టాండర్డ్స్ లో భాగంగా విక్రేతల కోసం నోకియా బెంగళూరు సెంటర్ నుండి నిపుణులు పని చేస్తారని నోకియా తెలిపింది. స్థిరమైన సిస్టం డిజైన్, ప్రైవసీ మరియు అల్గారిథమ్స్ ను పరిశోధించడానికి నోకియా 6G ల్యాబ్ ఇండియాలో ప్రయోగాత్మక వేదికగా నిలుస్తుందని నోకియా తెలిపింది.
