మోటరోలా స్మార్ట్ వాచ్

మోటరోలా ఈ సంవత్సరం కొన్ని స్మార్ట్‌ వాచ్‌లను విడుదల చేయడానికి సన్నాహాలు చేసుకుంటోంది. ఇప్పుడు ఆన్‌ లైన్ ప్రపంచంలో స్మార్ట్ వాచ్ రెండర్‌లు కనిపించాయి. దీనిని మోటో వాచ్ 100 గా పిలుస్తున్నారు. వృత్తాకార డిస్ప్లే తో పాటు అనేక మంచి ఫీచర్లు ఇందులో వస్తున్నాయి. అలాగే ఇది హృదయ స్పందన మానిటర్, స్టెప్ ట్రాకింగ్ ఫీచర్లను కూడా అందించనుంది. అలాగే ఇందులో జీపీఎస్ (గ్లోబల్ పొజిషనింగ్ సిస్టమ్) కూడా ఇచ్చారు. మోటరోలా ఈ వాచ్ మొదట 91 మొబైల్స్ ద్వారా ప్రచురితమైంది. మోటో వాచ్ 100 కి రెండు బటన్‌లతో పాటు కుడి వైపున వృత్తాకార డిస్‌ప్లే లభిస్తుందని రెండర్‌లు చూపిస్తున్నాయి. వాచ్ బటన్లు, ఆప్షన్స్ పని చేసే రొటేటింగ్ బెజెల్‌లు ఉండవు. మోటో వాచ్ 100 360×360 పిక్సెల్‌ల రిజల్యూషన్‌ తో 1.3 అంగుళాల వృత్తాకార LCD డిస్‌ప్లే తో ఉంటుంది. వాచ్ కేస్ అల్యూమినియం తో తయారు చేశారు. ప్లాస్టిక్ బ్యాక్‌ ప్లేట్‌ కలిగిన ఈ స్మార్ట్‌వాచ్‌తో పాటు 20 మిమీ వెడల్పు గల సిలికాన్ బ్యాండ్ కూడా వస్తుంది. మోటో వాచ్ 100లో హార్ట్ రేట్ సెన్సార్, యాక్సిలరో మీటర్, గైరోస్కోప్, HRM, SP02 ఉన్నాయి. ఇవి రక్తంలోని ఆక్సిజన్ పరిమాణాన్ని కొలుస్తాయి. అలాగే వాచ్ ప్రత్యేక కార్యాచరణ ట్రాకర్, స్టెప్ కౌంటర్‌తో వస్తుంది. అయితే ఫిట్‌నెస్ మోడ్‌ల ఖచ్చితమైన సంఖ్యను మాత్రం ఇంకా వెల్లడించలేదు. మోటో వాచ్ 100 బ్యాటరీ బ్యాకప్ విషయానికొస్తే... ఈ మోటో వాచ్ బలమైన బ్యాటరీ బ్యాకప్ కోసం 355 mAh బ్యాటరీతో వస్తోంది. వినియోగదారుల అవసరాన్ని అర్థం చేసుకుని, కంపెనీ GPSని కూడా అందిస్తుంది. ఈ స్మార్ట్ వాచ్ ఫాంటమ్ బ్లాక్, స్టీల్ సిల్వర్ కలర్ ఆప్షన్‌లతో సహా రెండు రంగులలో అందుబాటులోకి రానుంది.