మెటా యాజమాన్యంలోని వాట్సాప్ ఎప్పటికప్పుడు కొత్త ఫీచర్లను జోడిస్తూ యూజర్లను ఆకట్టుకుంటోంది. వాట్సాప్ తరహాలో అనేక యాప్స్ అందుబాటులో ఉన్నప్పటికీ.. యూజర్ ఫ్రెండ్లీ ఇంటర్ఫేజ్ వల్ల టాప్ ఇన్స్టంట్ మెసేజింగ్ యాప్గా కొనసాగుతోంది. ఇక యూజర్లను మరింతగా పెంచుకోవడంలో భాగంగా వాట్సాప్ కొత్త ఏడాదిలో మరో ఇంట్రెస్టింగ్ ఫీచర్పై పనిచేస్తుంది. ఒక కొత్త డ్రాయింగ్ టూల్ను అభివృద్ధి చేస్తోంది. ఇది యూజర్ ప్రొఫైల్ పిక్చర్ను ఎడిట్ చేయడం, బ్లర్ చేయడం, పిక్చర్పై రాయడం మొదలైనవి చేయడంలో సహాయపడుతుంది. ఈ ఫీచర్ను తొలుత ఆండ్రాయిడ్ యూజర్ల కోసం తీసుకురానుంది. "ఆండ్రాయిడ్ 2.22.3.5 అప్డేట్ గల కొత్త వాట్సాప్ బీటా వెర్షన్లో సరికొత్త డ్రాయింగ్ ఎడిటర్ ఫీచర్ను విడుదల చేయడానికి వాట్సాప్ ప్లాన్ చేస్తున్నాం." అని WABetaInfo పేర్కొంది. ఈ డ్రాయింగ్ ఎడిటర్ ఫీచర్ కేవలం ఫోటో ఎడిటింగ్ కోసం మాత్రమే కాకుండా వీడియో ఎడిటింగ్ కోసం కూడా పని చేస్తుంది. దీంతో మీ ఫోటో లేదా వీడియోను ఎడిట్ లేదా బ్లర్ చేయడానికి ఏదైనా థర్డ్ పార్టీ యాప్స్ అవసరం ఉండదు. వాట్సాప్లో మీ ఫోటోలు, వీడియోలపై గీయడానికి కొత్త పెన్సిల్లను కూడా జోడించాలని ప్లాన్ చేస్తోంది. ఈ క్రమంలోనే వాట్సాప్లో మొత్తం మూడు పెన్సిళ్లను చేర్చనుంది. వాట్సాప్ బీటా ఆండ్రాయిడ్ యూజర్లకు తొలుత ఈ ఫీచర్ల అందుబాటులోకి రానుంది. ఆ తర్వాత ఐఓఎస్ డివైజెస్లో అందుబాటులోకి వస్తుంది. ఈ కొత్త డ్రాయింగ్ టూల్ ప్రస్తుతం అభివృద్ధి దశలోనే ఉంది. బీటా టెస్టర్లకు ఎప్పుడు విడుదల చేస్తారనే దానిపై స్పష్టత లేదు. వాట్సాప్ ఇటీవల గ్లోబల్ వాయిస్ నోట్ ప్లేయర్ అనే ఫీచర్ను సైతం పరిచయం చేసింది. ఈ ఫీచర్ ద్వారా మీ చాట్ బాక్సులో వేర్వేరు చాట్ స్క్రోల్ చేస్తూనే వాయిస్ మెసేజ్ వినొచ్చు. ఉదాహరణకు, ఏదైనా చాట్లో వాయిస్ మెసేజ్ ఉంటే.. ఆ మెసేజ్ ఓపెన్ చేసిన మరో చాట్కు వెళ్లినా సరే.. అది ప్లే అవుతూనే ఉంటుంది. ఇప్పటికే ఈ గ్లోబల్వాయిస్ నోట్ ఫీచర్ను కొన్ని ఐఓఎస్ బీటా టెస్టర్ల కోసం రిలీజ్ చేసింది వాట్సాప్. ఈ ఫీచర్ త్వరలోనే ఆండ్రాయిడ్ బీటా టెస్టర్లకు సైతం అందుబాటులోకి రానుంది.
0 Comments