వివో వై15ఎస్ స్మార్ట్ ఫోన్ ధర తగ్గింది!

వివో వై15ఎస్ స్మార్ట్ ఫోన్ లాంచ్ అయినప్పుడు ధర రూ.10,990గా ఉంది. ఇప్పుడు రూ.500 తగ్గింపుతో రూ.10,490కు అందుబాటులో ఉంచింది. ఇందులో 3 జీబీ ర్యామ్ + 32 జీబీ స్టోరేజ్ వేరియంట్ అందుబాటులో ఉంది. మిస్టిక్ బ్లూ, వేవ్ గ్రీన్ రంగుల్లో వివో వై15ఎస్‌ లభిస్తుంది. ఆండ్రాయిడ్ 11 (గో ఎడిషన్) ఆధారిత ఫన్‌టచ్ ఓఎస్ 11.1 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.51 అంగుళాల హెచ్‌డీ+ ఐపీఎస్ డిస్‌ప్లేను ఇందులో అందించారు. దీని యాస్పెక్ట్ రేషియో 20:9గా ఉంది. ఆక్టాకోర్ మీడియాటెక్ హీలియో పీ35 ప్రాసెసర్‌పై ఈ ఫోన్ పనిచేయనుంది. కెమెరాల విషయానికి వస్తే ఇందులో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు 2 మెగాపిక్సెల్ మాక్రో షూటర్ కూడా ఉంది. ఇక సెల్ఫీలు, వీడియోకాల్స్ కోసం ముందువైపు 8 మెగాపిక్సెల్ కెమెరా ఉంది. బ్యాటరీ సామర్థ్యం 5000 ఎంఏహెచ్‌గా ఉంది. 10W ఫాస్ట్ చార్జింగ్‌ను ఇది సపోర్ట్ చేయనుంది. 32 జీబీ స్టోరేజ్‌ను ఇందులో అందించారు. దీన్ని మైక్రో ఎస్‌డీ కార్డు ద్వారా పెంచుకునే అవకాశం ఉంది. 4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5.0, జీపీఎస్/ఏ-జీపీఎస్, ఎఫ్ఎం రేడియో, మైక్రో యూఎస్‌బీ పోర్టు కూడా ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. దీని మందం 0.83 సెంటీమీటర్లు కాగా... బరువు 179 గ్రాములుగా ఉంది.