కోకా కోలా కంపెనీని కొనేస్తా !

ట్విట్టర్‌ను 44 బిలియన్ డాలర్లతో కొనేసిన టెస్లా అధినేత ఎలాన్ మస్క్ మరో ఆసక్తికరమైన ట్వీట్ చేశారు. కోకా కోలా కంపెనీని కొనేస్తానంటూ ఎలాన్ మస్క్ చేసిన ట్వీట్ ఇప్పుడు హాట్ టాపిక్‌గా మారింది. గతంలో ఆయన ఓసారి ట్విట్టర్ గురించి ఇలాగే ఓ ట్వీట్ చేశారు. ట్విట్టర్ కొనాలంటే ఎంతవుతుంది అంటూ 2017లో ట్వీట్ చేశారు. ఐదేళ్ల తర్వాత ట్విట్టర్‌ను కొనేశారు. ఇప్పుడు కోకా కోలా కంపెనీని కొంటానని, కొకైన్‌ను మళ్లీ తీసుకొస్తానని ట్వీట్ చేయడం సంచలనంగా మారింది. ఆయన ట్వీట్ చేసిన మూడు గంటల్లో ఆ ట్వీట్‌కు రెండు లక్షలకు పైగా రీట్వీట్స్, 80 వేలకు పైగా కామెంట్స్, 15 లక్షలకు పైగా లైక్స్ వచ్చాయి. ఎలాన్ మస్క్ ట్వీట్‌తో కోకా కోలా ట్విట్టర్‌లో ట్రెండింగ్‌లోకి వచ్చింది. అయితే ఎలాన్ మస్క్ సీరియస్‌గానే కోకా కోలాను కొంటారా లేకపోతే సరదాకు అలా ట్వీట్ చేశారా అన్న చర్చజరుగుతోంది. అయితే ట్విట్టర్‌ను సరదాగా చేద్దాం అంటూ ఆయన మరో ట్వీట్ చేశారు. అయితే అయిదేళ్ల క్రితం ట్విట్టర్ కొంటానని సరదాగా ట్వీట్ చేసిన ఎలాన్ మస్క్ ఇప్పుడు అదే పనిచేశారు. మరి కోకా కోలా విషయంలో అలాగే చేస్తారా అన్న చర్చ జరుగుతోంది.