రియల్మీ స్మార్ట్ఫోన్ను నరుటో ఎడిషన్ పేరుతో కొత్తగా పరిచయం చేసింది. కొత్త డిజైన్తో చైనాలో రియల్మీ జీటీ నియో 3 రిలీజైంది. జపనీస్ మంగా సిరీస్లో నరుటో ఓ క్యారెక్టర్. మసషి కిషిమోటో ఈ పాత్రను రూపొందించారు. నరుటో ఉజుమాకి కథను చెప్పే సిరీస్ ఇది. నరుటో క్యారెక్టర్కి ఫ్యాన్స్ ఎక్కువగానే ఉన్నారు. వారిని ఆకట్టుకోవడం కోసం రియల్మీ నరుటో ఎడిషన్ మొబైల్ లాంఛ్ చేసింది. ఆరెంజ్ ఫినిష్ డిజైన్, డ్యూయెల్ టోన్ బ్యాక్తో ఈ డిజైన్ ఆకట్టుకుంటోంది. రియల్మీ జీటీ నియో 3 నరుటో ఎడిషన్ ప్రస్తుతం చైనాలో మాత్రమే రిలీజైంది. మొబైల్తో పాటు పవర్ బ్యాంక్ కూడా ఇదే థీమ్తో రిలీజైంది. రియల్మీ జీటీ నియో 3 నరుటో ఎడిషన్ ధర సుమారు రూ.35,600. ఈ ఎడిషన్ ఇండియాలో కూడా లాంఛ్ అయ్యే అవకాశాలు ఉన్నాయి. రియల్మీ వైస్ ప్రెసిడెంట్ మాధవ్ షేఠ్ ఇప్పటికే ఈ మొబైల్ను ట్వీట్ చేశారు. ఇండియాలోని రియల్మీ ఫ్యాన్స్ను కూడా ఆకట్టుకుంటున్న ఈ మొబైల్ భారతదేశంలో ఎప్పుడు రిలీజ్ అవుతుందన్న క్లారిటీ లేదు. చైనాలో ఇప్పటికే ఎక్స్క్లూజీవ్ సేల్ ప్రారంభమైంది. ప్రస్తుతం ఇండియాలో రియల్మీ జీటీ నియో 3 ఆస్ఫాల్ట్ బ్లాక్, నిట్రో బ్లూ, స్ప్రింట్ వైట్ కలర్స్లో లభిస్తోంది. ఇండియాలో ఇప్పటికే రియల్మీ జీటీ సిరీస్లో రియల్మీ జీటీ మాస్టర్ ఎడిషన్, రియల్మీ జీటీ, రియల్మీ జీటీ నియో 2, రియల్మీ జీటీ 2, రియల్మీ జీటీ 2 ప్రో లాంటి మోడల్స్ ఇప్పటికే ఉన్నాయి. రియల్మీ జీటీ నియో 3 రిలీజైంది. ఈ స్మార్ట్ఫోన్ 8జీబీ ర్యామ్ + 128జీబీ స్టోరేజ్ ధర రూ.36,999 కాగా, 8జీబీ ర్యామ్ + 256జీబీ స్టోరేజ్ ధర రూ.38,999. ఇక 150వాట్ అల్ట్రా డార్ట్ ఛార్జింగ్ సపోర్ట్ లభించే 12జీబీ ర్యామ్ + 256జీబీ స్టోరేజ్ ధర రూ.42,999.
0 Comments