మార్కెట్లోకి వ్యూసోనిక్ గేమింగ్ మానిటర్ !

తైవాన్‌కు చెందిన ఎలక్ట్రానిక్ ఉత్పత్తుల తయారీ సంస్థ వ్యూసోనిక్   VX2405-P-MHD గేమింగ్ మానిటర్‌ను మార్కెట్లో విడుదల చేసింది. 24-అంగుళాల డిస్‌ప్లే తో, 144Hz రిఫ్రెష్ రేట్ తో వస్తున్నట్లు కంపెనీ వెల్లడించింది. ఈ మానిటర్‌ని Windows మరియు macOS ఆపరేటింగ్ సిస్టమ్‌లతో ఉపయోగించవచ్చు అని కంపెనీ పేర్కొంది. అంతేకాకుండా, దీనికి స్టీరియో స్పీకర్లు మరియు ఇతర అద్భుతమైన ఫీచర్లతో అందిస్తున్నట్లు కంపెనీ వెల్లడించింది. 'కొత్త గేమింగ్ మానిటర్, VX2405-P-MHD అద్భుతమైన డిస్‌ప్లే నాణ్యతతో అనేక రకాల ఫీచర్‌లను అందిస్తోంది. అద్భుతమైన గేమింగ్ అనుభవం కోసం దీన్ని రూపొందించాం.' అని కంపెనీ పేర్కొంది.  మానిటర్ ధరను భారత మార్కెట్లో కంపెనీ రూ.24,930గా నిర్ణయించింది. కంపెనీ మానిటర్ కొనుగోలుపై ప్రత్యేక ఆఫర్‌లను అందిస్తోంది. Amazon India 'గ్రేట్ ఇండియన్ ఫెస్టివల్' ఈవెంట్‌లో మీరు కేవలం రూ.12,499కి పొందవచ్చు. అదనంగా, మీరు ICICI మరియు Axis బ్యాంక్ క్రెడిట్ కార్డ్‌లపై డిస్కౌంట్‌లను పొందవచ్చు. ఫుల్ HD (1920x 1080) రిసొల్యూషన్‌తో 24-అంగుళాల IPS ప్యానెల్‌ను కలిగి ఉంది. 144Hz స్క్రీన్ రిఫ్రెష్ రేట్ మరియు 1ms (MPRT) రెస్పాన్స్ టైంతో వేగవంతమైన యాక్షన్ అందిస్తుంది. అంతేకాకుండా, రేసింగ్ గేమ్‌లలో సున్నితమైన మరియు ఫ్లికర్-ఫ్రీ అనుభవాన్ని అందిస్తుంది. ఇంకా, ViewSonic VX2405-P-MHD మానిటర్‌ 80M:1 డైనమిక్ కాంట్రాస్ట్ రేషియోను కలిగి ఉంది. కంపెనీ యొక్క సూపర్‌క్లియర్ IPS ప్యానెల్ అద్బుతమైన గేమింగ్ మరియు వీడియో వీక్షణ అనుభవం కోసం పంచ్ కలర్స్‌ మరియు మెరుగైన కాంట్రాస్ట్‌ను అందిస్తుంది.