గోద్రెజ్‌ ఇన్సులికూల్‌

మధుమేహ రోగుల ఆరోగ్యం ఎప్పుడు ఎలా ఉంటుందో చెప్పలేం. శరీరంలో చక్కెర స్థాయులు ఎప్పటికప్పుడు మారిపోతూ ఉంటాయి. వాటిని నియంత్రించేందుకు తక్షణం ఇన్సులిన్‌ అందించాల్సి ఉంటుంది. అలాంటి అత్యవసర ఔషధాల్ని వెంట తీసుకువెళ్లేందుకు వీలుగా ఇన్సులికూల్‌ వచ్చేసింది. గోద్రెజ్‌ సంస్థ తయారు చేసిన ఈ పరికరం 1.6 కిలోల బరువు ఉంటుంది. చార్జింగ్‌తో పనిచేస్తుంది. దీంట్లో 0.56 లీటర్ల ఔషధాలను నిల్వచేయవచ్చు. అడ్వాన్స్‌డ్‌ థర్మోఎలక్ట్రానిక్‌ కూలింగ్‌ టెక్నాలజీతో దీన్ని రూపొందించారు. తక్కువ ఉష్ణోగ్రత వద్ద నిల్వ చేసే మందులను దీంట్లో పెట్టుకుని తీసుకెళ్లే వీలుంది. ఆన్‌లైన్‌ ధర రూ. 5,999. godrej.comలో పూర్తి వివరాలు చూడవచ్చు.