Ad Code

ఇంటర్వ్యూ చేస్తుండగానే హెచ్‌ఆర్‌ ఎగ్జిక్యూటివ్ కి గూగుల్ లేఆఫ్ !


గూగుల్‌ 12,000 మంది ఉద్యోగులను తొలగించాలని ఇటీవల తీసుకున్ననిర్ణయంలో భాగంగా క్రమంగా ఉద్యోగుల్ని తొలగిస్తూ వస్తోంది. భార్యాభర్తలకు ఒకేసారి లేఆఫ్ ఇచ్చిన సంస్థ, ఇప్పుడు ఓ హెచ్‌ఆర్‌కి ఊహించని ట్విస్ట్ ఇచ్చింది. ఇంటర్వ్యూ చేస్తున్న సమయంలో హెచ్ఆర్ సిబ్బందిలో పని చేస్తున్న ఒకరికి లేఆఫ్ మెయిల్ వచ్చింది. ఈ కంపెనీకి మీరు అందించిన సేవలకు కృతజ్ఞతలు, ఇకపై మీరు ఆఫీస్‌కి రావాల్సిన అవసరం లేదని పేర్కొంటూ ఆ ఉద్యోగిని సంస్థ నుంచి తొలగించినట్టు ఓ వార్తా సంస్థ కథనం పేర్కొంది. గూగుల్‌లో రిక్రూట్‌మెంట్ విభాగంలో పని చేస్తున్న డాన్ లానిగాన్ ర్యాన్ ఫోన్‌లో ఒకరిని ఇంటర్వ్యూ నిర్వహిస్తున్నారు. ఇంతలో ఆ కాల్ ఒక్కసారిగా కట్ అయ్యింది. దీంతో ఆ ఉద్యోగి ఖంగుతిన్నారు. అసలేం జరుగుతుందో తెలియక ఆందోళన చెందారు. దీంతో తనకు అనుమానం వచ్చి, గూగుల్‌కి చెందిన ఓ వెబ్‌సైట్‌లో లాగిన అయ్యేందుకు ప్రయత్నించారు. కానీ లాగిన్ అవ్వలేకపోయారు. ఎన్నిసార్లు ప్రయత్నించినా ఫలితం లేకుండా పోయింది. తొలుత ఏమైనా సాంకేతిక లోపం కారణంగా లాగిన్ అవ్వడానికి వీలు పడట్లేదేమోనని ర్యాన్ అనుకున్నారు. కానీ ఇంతలోనే ఆ ఉద్యోగికి ఈ-మెయిల్ ద్వారా లేఆఫ్ సందేశం వచ్చింది. దాంతో ర్యాన్ అర్థాంతరంగా సంస్థ నుంచి వెళ్లిపోవాల్సి వచ్చింది. నిజానికి తనకు రీసెంట్‌గానే మరో ఏడాదికి కాంట్రాక్టును పొడిగించారని, జీతం గురించి చర్చలు కూడా జరిగాయని, కానీ ఇంతలోనే ఇలా జరుగుతుందని ఊహించలేదని ర్యాన్ ఆవేదన వ్యక్తం చేశారు.


Post a Comment

0 Comments

Close Menu