లావా బ్లేజ్ 5జీ స్మార్ట్ ఫోన్ ను విడుదల చేసింది. మార్కెట్లో ప్రస్తుతం అందుబాటులో ఉన్న 5జీ వేరియంట్ ఫోన్లలోకెల్లా అత్యంత చౌకైనదిగా భావించవచ్చు. 6జీబీ ర్యామ్, 128జీబీ స్టోరేజ్ కెపాసిటీతో ఉన్న ఫోన్ విశేషంగా ఆకట్టుకుంటోంది. సాలిడ్ లుక్ లో ఆకర్షిస్తోంది. 6.5 ఇంచ్ హెచ్డీ+ ఐపీఎస్ డిస్ప్లే విత్ 90హెచ్జెడ్ రిఫ్రెష్ రేట్ ఉంది. వాటర్ డ్రాప్- నాచ్, ఫ్లాట్ ఎడ్జ్ డిజైన్ దీని సొంతం. ఈ లావా బ్లేజ్ 5జీ కొత్త వేరియంట్లో మీడియాటెక్ డైమెన్సిటీ 700 ఎస్ఓసీ చిప్సెట్ ఉంటుంది. ఆక్టా-కోర్ ప్రాసెసర్ కూడా ఉంది. 2.2 జీహెచ్జెడ్, ఎల్పీడీడీఆర్4ఎక్స్ మెమోరీ, యూఎఫ్ఎస్ 2.2 స్టోరేజ్ వంటివి ఉన్నాయి. కొత్త వేరియంట్లో మెమొరీ కార్డ్ స్లాట్ కూడా ఉండటం విశేషం. 1టీబీ వరకు స్టోరేజ్ను ఎక్స్పాండ్ చేసుకోవచ్చు. ఇక ఇందులో 5000 ఎంఏహెచ్ బ్యాటరీ ఉంటుంది. ఆండ్రాయిడ్ 12 ఓస్పై పనిచేస్తుంది. ఎనానిమస్ కాల్ రికార్డింగ్ ఫీచర్ కూడా ఉండటం మరింత ప్రత్యేకం. సైడ్ మౌంటెడ్ ఫింగర్ప్రింట్ సెన్సార్ సైతం ఉంది. కెమెరా విషయానికి వస్తే.. 50ఎంపీ ప్రైమరీ సెన్సార్తో కూడిన ట్రిపుల్ రేర్ కెమెరా సెటప్ ఉంది. 2కే వీడియో రికార్డింగ్ కూడా ఉంది. సెల్ఫీ కోసం 8ఎంపీ కెమెరాని ఇచ్చింది. ఫోన్ ధర రూ. 11,999గా ఉంది. ప్రారంభ ఆఫర్ కింద రూ. 11,499కే ఈ స్మార్ట్ఫోన్ను విక్రయిస్తోంది లావా సంస్థ. ఇందులో గ్లాస్ బ్లాక్ డిజైన్ ఉంటుంది. గ్లాస్ బ్లూ, గ్లాస్ గ్రీన్ కలర్స్లోనూ ఇది అందుబాటులో ఉంది.
0 Comments