మనసైన వారికి ఇచ్చే అందమైన బహుమతుల్లో ప్రధానమైనది ఉంగరం. వజ్రం పొదిగిన బంగారు ఉంగరం, లవ్‌ సింబల్‌ ఉన్న ప్లాటినం రింగ్‌.. ఇలా వెలకట్టలేని ప్రేమను చాటడానికి తాహతుకు మించి తాపత్రయపడుతుంటారు. ఈ ఉంగరాలు తీపి జ్ఞాపకాలను మాత్రమే గుర్తుచేస్తాయి. అదే మీకు నచ్చిన వ్యక్తికి ఆరా జెన్‌3 టైటానియమ్‌ స్మార్ట్‌ రింగ్‌ కానుకగా సమర్పించి చూడండి! అది వారికి ఆనందాన్ని పంచడంతోపాటు ఆరోగ్యాన్నీ ప్రసాదిస్తుంది. సాంకేతికతను పొదుగుకున్న ఈ స్మార్ట్‌ రింగ్‌ హార్ట్‌ రేట్‌ను తెలుపుతుంది. శరీర ఉష్ణోగ్రతను తెలియజేస్తుంది. ఏ రోజు ఎన్ని అడుగులు వేశామో లెక్కగట్టి చూపుతుంది. ఎంత హాయిగా కునుకు పట్టిందీ చెప్పేస్తుంది. ఇన్ని చెప్పే స్మార్ట్‌ రింగ్‌ను ఒక్కసారి చార్జ్‌ చేస్తే నాలుగైదు రోజులు పనిచేస్తుంది. ఇంకా చెప్పాలంటే.. వేలు పట్టుకొని మెరుగైన ఆరోగ్యం సాధించే దిశగా అడుగులు వేయిస్తుందన్నమాట. సిల్వర్‌, గోల్డ్‌, బ్లాక్‌, రోజ్‌ గోల్డ్‌ రంగుల్లో లభించే.. ఈ స్మార్ట్‌ రింగ్‌ ధర సుమారు రూ.25,000.
0 Comments