జనవరిలో పెరగనున్న మారుతీ సుజుకీ కార్ల ధరలు !

జనవరిలో కార్ల ధరల పెంపుపై బీఎస్ఈ ఫైలింగ్‌లో మారుతీ సుజుకీ  పేర్కొంది. పెరిగిన ధరల ఒత్తిడి, ద్రవ్యోల్బణం, నిర్వహణ ఖర్చుల కారణంగా కార్ల ధరలను అమాంతం పెంచనున్నట్టు తెలిపింది. ఆటోమొబైల్ మార్కెట్లో ద్రవ్యోల్బణం పెరగడం సహా ముడిసరకు ధరలు పెరగడంతో కార్ల ధరలను భారీగా పెంచనున్నట్టు కంపెనీ ప్రకటించింది. కార్ల ధరలను ఎంత శాతం వరకు పెంచనుందో కంపెనీ క్లారిటీ ఇవ్వలేదు. కార్ల మోడళ్ల ఆధారంగా ధరలను పెంచే అవకాశం ఉందని మారుతీ సుజుకీ స్పష్టం చేసింది. ఆల్టో కె10, ఎస్-ప్రెస్సో, ఈకో, సెలిరియో, వ్యాగన్‌ఆర్, ఇగ్నిస్, స్విఫ్ట్, బాలెనో, డిజైర్, సియాజ్, ఫ్రాంక్స్, బ్రెజ్జా, జిమ్నీ, గ్రాండ్ విటారా, ఎర్టిగా, ఎక్స్ఎల్, ఇన్‌విక్టో వంటి మోడళ్లను మారుతి విక్రయిస్తోంది. సంస్థ అత్యంత సరసమైన కారు ఆల్టో కె10 ఒకటిగా చెప్పవచ్చు. ఈ కారు మోడల్ ధర రూ. 3.99 లక్షలతో ప్రారంభమవుతుంది (ఎక్స్-షోరూమ్). అదే ఫ్లాగ్‌షిప్ మోడల్, ఇన్విక్టో, రూ. 28.42 లక్షలు (ఎక్స్-షోరూమ్) వరకు ఉంటుంది. కంపెనీ ఖర్చును తగ్గించడానికి, పెరుగుదలను భర్తీ చేసేందుకు ప్రయత్నాలు చేస్తోందని తెలిపింది. మారుతి ప్రతి కారుపై ధరల పెంపు పరిమాణాన్ని పేర్కొననప్పటికీ, ధరల పెరుగుదల మోడళ్లలో మారుతుందని పేర్కొంది. జనవరి 2024లో జరగబోయే ధరల పెంపు ఎఫ్‌వై24లో మారుతి తీసుకున్న రెండవది. ప్రస్తుత ఆర్థిక సంవత్సరంలో మొదటిది. ఏప్రిల్ 2023లో మోడల్‌లలో దాదాపు 0.8శాతం సగటుతో ధరలను పెంచింది. జనవరి 2023లో కూడా మారుతీ కార్ల ధరలను 1.1శాతం పెంచింది. గత అక్టోబర్‌లో మారుతీ సుజుకీ సేల్స్ భారీగా పెరిగాయి. ఒక నెలలోనే అత్యధికంగా 1,99,217 యూనిట్లను విక్రయించి రికార్డు నెలకొల్పింది.