Header Ads Widget

MIUI 13 పై తాజా అప్ డేట్


Xiaomi సంస్థ తన వినియోగదారులకు శుభవార్త. MIUI 13 అప్‌డేట్ త్వరలో రాబోతోంది. MIUI 13 అప్‌డేట్ రాబోతోందని Xiaomi వ్యవస్థాపకుడు Lei Jun ధృవీకరించారు. ఈ ఏడాది చివరి నాటికి Xiaomi స్మార్ట్‌ఫోన్‌లలో(Smartphone) ఈ అప్‌డేట్ వస్తుందని ఆయన ఆశాభావం వ్యక్తం చేశారు. ఇది ఏ ఫీచర్లను కలిగి ఉంటుందనే దాని గురించి ఎక్కువ సమాచారం ఇవ్వనప్పటికీ, ఈ అప్ డేట్ వినియోగదాడికి మంచి అనుభూతిని కల్గిస్తుందని తెలుస్తోంది. ఈ అప్ డేట్ తో ఆపరేటింగ్ సిస్టమ్ మొత్తం డిజైన్ మారబోతోందని చర్చలు జరుగుతున్నాయి. ముందుగా ఈ ఆపరేటింగ్ సిస్టం అప్ డేట్ చైనాలో లాంఛ్ అవుతుందని భావిస్తున్నారు. చైనీస్ వెర్షన్ తర్వాత గ్లోబల్ వెర్షన్ మార్కెట్లోకి రానుంది. అటువంటి పరిస్థితిలో, భారతదేశం మరియు గ్లోబల్ వెర్షన్ 2022 లో రానున్నట్లు సమాచారం. ఏ నెలలో ఈ అప్ డేట్ వస్తుందనేది ధృవీకరించబడలేదు. MIUI 12 వేసవిలో విడుదల చేయబడింది. ఈ పరిస్థితిలో జూన్-జూలై నాటికి వచ్చే అవకాశం ఉంది. MIUI 13 రోల్ అవుట్‌కు ముందు, 12.5 విడుదల చేయబడవచ్చు. Xiaomi తన అనేక స్మార్ట్‌ఫోన్‌లలో MIUI 12.5ని అందించాలనుకుంటోంది. తద్వారా వినియోగదారు అనుభవాన్ని మెరుగుపరచవచ్చు. భారతీయ మొబైల్​​ మార్కెట్​లో దూసుకుపోతున్న షియోమి ఎప్పటికప్పుడు కొత్త అప్​డేట్స్​ను అందిస్తూ యూజర్లను ఆకట్టుకుంటోంది. షియోమి తాజాగా తన రెడ్​మీ నోట్​ 9 మోడల్​ను MIUI 12.5 లేటెస్ట్​ వెర్షన్​తో అప్​డేట్​ చేసింది. పర్ఫార్మెన్స్​, సౌండ్‌, ఫీచర్ల విషయంలో ఎన్నో కొత్త అప్​డేట్లను చేర్చింది. షియోమి నుంచి ఇటీవల లాంచ్​ అవుతున్న అన్ని ఫోన్లలో MIUI 12.5 వెర్షన్​నే అందిస్తోంది. ఇప్పుడు ఇదే వెర్షన్​ను తన పాత స్మార్ట్​ఫోన్లలో సైతం అందుబాటులోకి తీసుకొస్తుంది. ఈ లేటెస్ట్ సాఫ్ట్​వేర్​ అప్​డేట్ ద్వారా స్మార్ట్​ఫోన్​ మరింత వేగంగా రన్​ అవుతుంది. కెమెరా, సౌండ్, లుక్​ ఇలా అన్ని విషయాల్లోనూ అద్భుతంగా పనిచేస్తుంది. అందుకే షియోమి రెడ్​మీ నోట్​ 9లో MIUI 12.5 ఎన్​హాన్సుడ్​ అప్‌డేట్‌ను పరిచయం చేస్తున్నట్లు కంపెనీ ప్రకటించింది. షియోమి ఈ ఆగస్టు నుంచి తన స్మార్ట్​ఫోన్లలో లేటెస్ట్​ అప్​డేట్లను అందిస్తూ వస్తోంది. ఇందులో భాగంగానే తాజాగా రెడ్​మీ నోట్​ 9లో లేటెస్ట్​ అప్‌డేట్‌ను తీసుకువచ్చింది.

Post a Comment

0 Comments