ట్విట్టర్ బ్లూ టిక్ వెరిఫికేషన్ ఫీచర్ లాగానే, గూగుల్ కూడా వినియోగదారుల గుర్తింపును ధృవీకరించడానికి, ఆన్లైన్ స్కామ్‌లను తగ్గించడానికి, ఇమెయిల్ పంపినవారి పేరు పక్కన బ్లూ చెక్‌మార్క్‌ను తీసుకువస్తునట్లు ప్రకటించింది. ఇది ప్రస్తుతానికి ఉచితంగా అందించబడుతుంది. 2021లో గూగుల్ కంపెనీ జీమెయిల్ లో మెసేజ్ ఐడెంటిఫికేషన్ కోసం బ్రాండ్ సూచికలను పరిచయం చేసింది. ఇది ఇమెయిల్‌లలో బ్రాండ్ లోగోను అవతార్‌గా చూపించాలంటే పంపినవారు బలమైన ధృవీకరణను ఉపయోగించాలి. అలాగే వారి బ్రాండ్ లోగోను ధృవీకరించాలి. "ఆ ఫీచర్‌పై ఆధారపడి, వినియోగదారులు ఇప్పుడు BIMI వ్యవస్థని స్వీకరించిన వారు వారి జిమెయిల్ లో మెసేజ్ పంపినవారి కోసం చెక్‌మార్క్ గుర్తుని చూస్తారు. ఇది వినియోగదారులకు నిజమైన మెసెజ్ లు మరియు మోసగాళ్లు నుండి సందేశాలను గుర్తించడంలో సహాయపడుతుంది." తెలిపింది. ఈ ఫీచర్ ఇప్పటికే అందుబాటులోకి వచ్చింది. ఇది, ఇప్పుడు గూగుల్ వర్క్ స్పేస్ కస్టమర్‌లు, లెగసీ G సూట్ బేసిక్ మరియు బిజినెస్ కస్టమర్‌లు, ఇంకా, వ్యక్తిగత గూగుల్ ఖాతాలు ఉన్న యూజర్‌లకు కూడా ఇది అందుబాటులో ఉంది. ఈ BIMI వ్యవస్థని స్వీకరించిన కంపెనీలు కూడా ఆటోమేటిక్‌గా చెక్‌మార్క్‌ను పొందుతాయి. ఇంకా, టెక్ దిగ్గజం గూగుల్ ఒక ప్రకటన ద్వారా తెలియచేస్తూ "బలమైన ఇమెయిల్ వెరిఫికేషన్ వినియోగదారులకు మరియు ఇమెయిల్ భద్రతా వ్యవస్థలలో స్పామ్‌ లను గుర్తించడానికి మరియు మోసగాళ్లను ఆపడానికి సహాయపడుతుంది అని మరియు పంపేవారికి వారి బ్రాండ్ యెక్క నమ్మకాన్ని ప్రభావితం చేయడానికి కూడా వీలు కల్పిస్తుంది." అని వివరించింది. ఇంకా, "ఇది ఇమెయిల్ సోర్స్ పై విశ్వాసాన్ని పెంచుతుంది మరియు పాఠకులకు లీనమయ్యే అనుభవాన్ని అందిస్తుంది. ప్రతి ఒక్కరికీ మెరుగైన ఇమెయిల్ వ్యవస్థను సృష్టిస్తుంది." అని పేర్కొంది.
0 Comments