ఆసుస్ నుంచి 'జెన్‌ఫోన్ 10' ప్రీమియం మోడల్ విడుదల

దేశీయ మార్కెట్లో ఆసుస్ తాజాగా కొత్త సిరీస్ ప్రీమియం స్మార్ట్‌ఫోన్‌ జెన్‌ఫోన్ 10 ను లాంచ్ చేసింది. కంపెనీ ఫ్లాగ్‌షిప్ లైనప్ జెన్‌ఫోన్‌ సిరీస్‌లో తాజాగా కొత్త మోడల్‌ను పరిచయం చేసింది. ఈ ఫోన్‌లో హై ఎండ్ ఫీచర్స్ ఉన్నాయి. వైర్‌లెస్ ఛార్జింగ్, గింబల్ కెమెరా సిస్టమ్, సరికొత్త స్నాప్‌డ్రాగన్ చిప్‌సెట్ వంటి స్పెసిఫికేషన్స్‌తో వచ్చింది. 144Hz రిఫ్రెష్ రేట్‌తో 5.92 అంగుళాల సూపర్ అమోలెడ్ డిస్‌ప్లే ఉంటుంది. స్క్రీన్ 1080p రిజల్యూషన్‌కు సపోర్ట్ చేస్తుంది. మ్యాగ్జిమం బ్రైట్‌నెస్ 1100 నిట్స్. దీని డిస్‌ప్లే గొరిల్లా గ్లాస్ విక్టస్ ప్రొటెక్షన్‌తో వస్తుంది. ఈ హ్యాండ్‌సెట్ స్నాప్‌డ్రాగన్ 8 Gen 2 చిప్‌సెట్ ద్వారా బెస్ట్ పర్ఫార్మెన్స్ అందిస్తుంది. ఇది గరిష్టంగా 16GB RAM + 512GB స్టోరేజ్‌కు సపోర్ట్ చేస్తుంది. కెమెరాలను గింబల్ సిస్టమ్‌తో అప్‌గ్రేడ్ చేసింది. జెన్‌ఫోన్ 10 డ్యుయల్ రియర్ కెమెరా సెటప్ ఉంటుంది. మెయిన్ కెమెరా 6-యాక్సిస్ హైబ్రిడ్ గింబల్ స్టెబిలైజేషన్‌తో 50MP సెన్సార్‌తో ఉంటుంది. మరో 12MP అల్ట్రావైడ్ సెన్సార్ కూడా ఉంది. ఫోన్ ముందు భాగంలో 32MP సెల్ఫీ షూటర్ ఉంది. ఈ ఫోన్‌లో గింబాల్ సిస్టమ్ ఉంటుంది. దీంతో ఫోటోలను నేచురల్‌గా క్యాప్చర్ చేయవచ్చు. ఆండ్రాయిడ్ 13 బేస్డ్ ZenUI వెర్షన్‌పై రన్ అవుతుంది. 15W వైర్‌లెస్ ఛార్జింగ్‌కు సపోర్ట్ చేసే 4300mAh బ్యాటరీ దీని సొంతం. ఈ ఫోన్‌ స్టారీ బ్లూ, మిడ్‌నైట్ బ్లాక్, అరోరా గ్రీన్, ఎక్లిప్స్ రెడ్, కామెట్ వైట్ వంటి ఐదు కాలర్ ఆప్షన్స్‌లో లభిస్తుంది. మూడు స్టోరేజ్ వేరియంట్లలో లాంచ్ అయింది. బేస్ మోడల్ (8GB + 128GB) ధర రూ.71,100 కాగా, మీడియం మోడల్ (8GB + 256GB) ధర రూ.75,600గా ఉంది. ఇక హై-ఎండ్ వేరియంట్ (16GB + 256GB) రూ.82,700కు అందుబాటులో ఉంటుంది. జులైలో ఈఫోన్ మార్కెట్లలో అందుబాటులోకి వచ్చే అవకాశం ఉంది. https://t.me/offerbazaramzon