ఆండ్రాయిడ్‌లో చాట్‌జీపీటీ !

ఓపెన్ఏఐ  పరిచయం చేసిన చాట్‌జీపీటీ తక్కువ కాలంలోనే ఇంటర్నెట్ యూజర్లకు బాగా దగ్గరయింది. అద్భుతమైన సామర్థ్యాలతో, అన్ని విషయాలపై లోతైన అవగాహనతో ఇది ఇండియాలో కూడా పాపులర్ అయింది. భారత్‌లో మరింత మందికి చేరువ అయ్యేందుకు ఈ ఏఐ చాట్‌బాట్ తాజాగా ఆండ్రాయిడ్ అప్లికేషన్ రూపంలోనూ అందుబాటులోకి వచ్చింది. గతంలో ఈ యాప్ iOS యూజర్లకు మాత్రమే అందుబాటులో ఉండేది. ఇప్పుడు గూగుల్ ప్లే స్టోర్ ద్వారా ఆండ్రాయిడ్ యూజర్లకు కూడా రిలీజ్ అయింది. వెబ్ వెర్షన్‌లో క్వశ్చన్లు అడిగినట్లే ఈ ఆండ్రాయిడ్ యాప్‌లో కూడా వినియోగదారులు క్వారీస్ అడగవచ్చు. ఏ టాపిక్ గురించి అయినా అడిగి ఎప్పట్లాగానే రెస్పాన్స్‌లు పొందవచ్చు. ఆండ్రాయిడ్ మొబైల్ యాప్ యూజర్లు నిర్దిష్ట ప్రాంప్ట్‌లతో చాట్‌జీపీటీ రెస్పాన్స్‌లు కస్టమైజ్ చేసుకోవచ్చు. మునుపటి చాట్స్‌ను ఆఫ్‌లైన్‌లో కూడా యాక్సెస్ చేయవచ్చు. ఈ యాప్ ద్వారా ప్రీమియం సబ్‌స్క్రిప్షన్ తీసుకోవడం కుదరదని గమనించాలి. కాకపోతే ఈ యాప్ ఉపయోగించడానికి, నావిగేట్ చేయడానికి చాలా సౌకర్యంగా ఉంటుంది. ఆండ్రాయిడ్ చాట్‌జీపీటీ యాప్‌ Android 6, అంతకంటే ఎక్కువ వెర్షన్లపై రన్ అవుతున్న ఫోన్లకు సపోర్ట్ చేస్తుంది. జులై నెలాఖరులో రిలీజ్ అయిన దీన్ని గూగుల్ ప్లే స్టోర్‌లో ఫ్రీగా డౌన్‌లోడ్ చేసుకోవచ్చు. 

ఆండ్రాయిడ్ ఫోన్‌లో గూగుల్ ప్లే స్టోర్‌ ఓపెన్ చేసి, సెర్చ్ బార్‌లో "ChatGPT" అని టైప్ చేసి ఎంటర్ చేయాలి. సెర్చ్ రిజల్ట్స్‌లో ChatGPT యాప్ కనిపిస్తుంది. దానిపై ట్యాప్‌ చేయాలి. అప్పుడు యాప్ నేమ్ ChatGPT కిందే OpenAI అని కనిపిస్తుంది. తద్వారా అది అఫీషియల్ యాప్ అని అర్థం చేసుకోవచ్చు. ఈ యాప్ జులై 21న రిలీజ్ అయింది, జులై 26న అప్‌డేట్ అయింది. ఈ వివరాలను అబౌట్ థిస్ యాప్ సెక్షన్‌లో తెలుసుకోవచ్చు. అఫీషియల్ యాప్ అని నిర్ధారించుకున్న తర్వాత ChatGPT డౌన్‌లోడ్ చేసి లాంచ్ చేయాలి. సైన్-ఇన్ కావడానికి పలు రకాల మెథడ్స్ కనిపిస్తాయి. అందులో కంటిన్యూ విత్ గూగుల్ లేదా ఇతర లాగిన్ ఆప్షన్ ఎంచుకోవాలి. ChatGPT వెబ్ వెర్షన్‌ని ఉపయోగిస్తున్నప్పుడు ఉపయోగించిన అదే ఈమెయిల్ ఐడీతో కూడా లాగిన్ చేయవచ్చు. ఇప్పుడు క్వశ్చన్లు అడగడానికి, రెస్పాన్స్‌లు స్వీకరించడానికి ఆండ్రాయిడ్ ఫోన్‌లో చాట్‌జీపీటీని వాడటం మొదలుపెట్టొచ్చు.

ఐఫోన్‌లో యాప్ స్టోర్‌ ఓపెన్ చేసి సెర్చ్ బార్‌లో "ChatGPT" అని టైప్ చేసి ఎంటర్ చేయాలి. సెర్చ్ రిజల్ట్స్‌లో అఫీషియల్ ChatGPT యాప్ కనిపిస్తుంది. దానిపై క్లిక్ చేయాలి. యాప్‌ను డౌన్‌లోడ్ చేసి, ఇన్‌స్టాల్ చేయడానికి పక్కనే కనిపించే "గెట్" బటన్‌పై క్లిక్ చేయాలి. ఇన్‌స్టాలేషన్ పూర్తయ్యాక ChatGPT యాప్‌ని ఓపెన్ చేసి లాగిన్ కావాలి. అంతే, ఇప్పుడు చాట్‌జీపీటీ చాట్‌బాట్‌ను యాక్సెస్ చేయవచ్చు. https://t.me/offerbazaramzon