వివో V29 సిరీస్ స్మార్ట్ ఫోన్ల విడుదల !

దేశీయ మార్కెట్లో వివో V29, వివో V29 ప్రోలను లాంచ్ చేసింది. ఈ రెండు ఫోన్‌లు హై-ఎండ్ స్పెషిఫికేషన్లు, ఆకట్టుకునే డిజైన్‌తో వచ్చాయి. వివో V29 ఈ ఏడాది ఆగస్టులో ప్రపంచవ్యాప్తంగా అందుబాటులోకి వచ్చింది. అయితే, వివో V29 ప్రో భారత మార్కెట్లో ప్రత్యేకంగా లాంచ్ అయింది. ఈ వివో ఫోన్లు ఆకర్షణీయమైన కలర్ ఆప్షన్లు, సొగసైన డిజైన్, కెమెరా పర్ఫార్మెన్స్ కలిగి ఉన్నాయి. V29, V29 Pro మిడ్ రేంజ్ విభాగంలో కొత్త స్మార్ట్‌ఫోన్ కోసం చూసే యూజర్లకు అద్భుతమైన ఎంపిక అని చెప్పవచ్చు. ఈ వివో V29 సిరీస్ ఫోన్లు హిమాలయన్ బ్లూ, మెజెస్టిక్ రెడ్, స్పేస్ బ్లాక్ అనే 3 కలర్ ఆప్షన్లలో ఎంపికలలో వస్తుంది. మరోవైపు, V29 ప్రోలో హిమాలయన్ బ్లూ, స్పేస్ బ్లాక్ అనే 2 కలర్ ఆప్షన్లు మాత్రమే ఉన్నాయి.  వివో V29, వివో ప్రో రెండూ సొగసైన డిజైన్‌ను కలిగి ఉన్నాయి. ఈ ఫోన్‌లు ప్రీమియం డిజైన్, కర్వడ్ స్క్రీన్‌తో వస్తాయి. వెనుకవైపు, 3 కెమెరా లెన్స్‌లు, LED ఫ్లాష్, స్మార్ట్ ఆరా లైట్‌తో కూడిన కెమెరా మాడ్యూల్ ఉంది. రెండు ఫోన్‌ల దిగువ అంచున టైప్-C ఛార్జింగ్ పోర్ట్, సిమ్ ట్రే, స్పీకర్‌లు ఉన్నాయి. రైట్ ఎడ్జ్ పవర్, వాల్యూమ్ బటన్‌లను కలిగి ఉంటుంది. V29 ఫోన్ బరువు 186 గ్రాములు కాగా, వివో ప్రో బరువు 188 గ్రాములు ఉంటుంది. ఈ రెండు ఫోన్‌లు 120 Hz వరకు రిఫ్రెష్ రేట్, HDR 10+ సర్టిఫికేషన్‌తో 6.78-అంగుళాల కర్వ్డ్ AMOLED డిస్‌ప్లేను కలిగి ఉంటాయి. గరిష్ట ప్రకాశంతో 1300 నిట్‌లు, పిక్సెల్ సాంద్రత 452 PPI ఉంటుంది. వివో V29 Qualcomm Snapdragon 778G చిప్‌సెట్‌పై రన్ అవుతుంది. అయితే, వివో V29 ప్రో మోడల్ MediaTek Dimensity 8200 ప్రాసెసర్‌తో పనిచేస్తుంది. ట్రిపుల్ కెమెరా సెటప్‌ను కలిగి ఉంటాయి. వివో V29 8MP వైడ్ యాంగిల్ షూటర్, 2MP బోకె లెన్స్‌తో OISతో 50MP ప్రైమరీ కెమెరాను కలిగి ఉంది. వివో V29 ప్రో OISతో 50MP ప్రైమరీ కెమెరా, 12MP పోర్ట్రెయిట్ లెన్స్, 8MP వైడ్ యాంగిల్ లెన్స్‌ను కలిగి ఉంది. రెండు ఫోన్‌లలో 50MP ఫ్రంట్ కెమెరా కూడా ఉంది. వివో 2 ఫోన్లలో 80W ఫ్లాష్ ఛార్జ్ సపోర్ట్‌తో 4600 mAh (TYP) బ్యాటరీని కలిగి ఉన్నాయి. ఛార్జింగ్ పెట్టినప్పుడు, ఈ ఫోన్ కేవలం 18 నిమిషాల్లో 0 నుంచి 50కి చేరుకోవచ్చని వివో కంపెనీ పేర్కొంది. వివో V29 సిరీస్‌తో వివో స్మార్ట్ ఆరా లైట్‌ను ప్రవేశపెట్టింది. తక్కువ లైటింగ్ పరిస్థితుల్లో కెమెరా పర్ఫార్మెన్స్ అద్భుతంగా ఉంటుంది. స్మార్ట్ ఆరా లైట్ వెచ్చని కాంతిలో ఉంచినప్పుడు వెచ్చగా మారుతుంది. చల్లని కాంతిలో దాదాపు తెల్లటి రంగులో కూల్‌గా మారుతుంది. 3D పార్టికల్ డిజైన్ :వివో V29 ప్రో హిమాలయన్ బ్లూ కలర్ బ్యాక్ ప్యానెల్‌లో తేలియాడే మౌంటైన్ షేప్ ప్రత్యేకమైన 3D పార్టికల్ డిజైన్‌తో వస్తుంది. మరోవైపు, V29 మోడల్ రంగులు మార్చే బ్యాక్ ప్యానెల్‌ను కలిగి ఉంది.