ఇండిగో విమాన ప్రయాణికుల కోసం 6Eskai పేరుతో కొత్త ఏఐ చాట్‌బాట్‌ను ప్రవేశపెట్టింది. ఈ చాట్‌బాట్ సూపర్-స్మార్ట్ టెక్నాలజీని ఉపయోగిస్తుంది. ఇండిగో ప్రధాన లక్ష్యం ఏమిటంటే.. ఈ చాట్‌బాట్ సాయంతో విమాన ప్రయాణికుల ప్రశ్నలకు పది వేర్వేరు భాషల్లో సమాధానాలు ఇవ్వగలదు. అంతేకాదు ఎయిర్‌లైన్ నెట్‌వర్క్ అంతటా విమానాల్లో టిక్కెట్‌లను బుక్ చేసుకోవడానికి ప్రయాణికులను అనుమతిస్తుంది. ఈ కొత్త చాట్‌బాట్‌ను ఇండిగో డిజిటల్ టీమ్ పూర్తిగా అంతర్గతంగా తయారు చేసిందని ఎయిర్‌లైన్ ప్రతినిధి తెలిపారు. ఈ కూల్ టెక్ ఏఐ చాట్‌బాట్‌ను రూపొందించేందుకు ఇండిగో మైక్రోసాఫ్ట్‌తో కలిసి పనిచేసిందని ఆయన తెలిపారు. దీని ప్రకారం.. ఈ ఏఐ చాట్‌బాట్ కోసం ఎయిర్‌లైన్‌కు భారీ ఒప్పందం కుదుర్చుకుంది. ఈ కొత్త ఏఐ టెక్నాలజీతో ఇండిగో ప్రపంచంలోని అన్ని ప్రాంతాలకు గగన ప్రయాణాన్ని సులభతరం చేస్తోంది. టాప్ రేంజ్ ఏఐని ఉపయోగించే ఎయిర్‌లైన్స్‌లో ఇండిగో మొదటిదిగా చెప్పవచ్చు. ఏఐ చాట్‌బాట్ సాఫ్ట్ లాంచ్ తర్వాత.. కస్టమర్ సర్వీస్ ఏజెంట్ల పనిలో 75శాతం తగ్గుదల కనిపించిందని ప్రతినిధి పేర్కొన్నారు. ఈ ఏఐ చాట్‌బాట్ సూపర్ ఎఫెక్టివ్‌గా పనిచేస్తోందని అన్నారు. ఏఐ బోట్ ప్రయాణికులను సైతం ఆకట్టుకుంటుంది. ప్రయాణికులు సాధారణంగా అడిగే అనేక ప్రశ్నలకు సులభంగా సమాధానం ఇవ్వగలదు. ఇండిగో బ్రైనరీ డేటా శాస్త్రవేత్తల బృందం జెనరేటివ్ ప్రీట్రైన్డ్ ట్రాన్స్‌ఫార్మర్స్ అనే విషయాన్ని అధ్యయనం చేసింది. ఆ తర్వాత ఈ చాట్‌బాట్‌కు మనుషుల్లా వ్యవహరించేలా ట్రైనింగ్ ఇచ్చింది. అంతేకాదు.. మనుషుల భావోద్వేగాలను కూడా ఇది అర్థం చేసుకోగలదు. ప్రయాణికుల మూడ్ బట్టి వారు అడిగిన ప్రశ్నలకు చాట్ ఆధారంగా సమాధానాలను ఇవ్వగలదు.
0 Comments