శామ్‌సంగ్‌ ఇటీవల తన అన్ప్యాక్డ్ ఈవెంట్‌లో గెలాక్సీ రింగ్‌ను లాంచ్‌ చేసింది. స్మార్ట్‌ మార్కెట్‌ను సొంతం చేసుకోవాలనే సరికొత్త ఉత్పత్తులను లాంచ్‌ చేస్తుందని టెక్‌ నిపుణులు పేర్కొంటున్నారు. బ్యాండ్ లోపలి భాగంలో కొన్ని కనిపించే సెన్సార్‌లతో మెరిసే రింగ్ చూడడానికి హైపర్‌బోలిక్‌గా ఉంటుంది. ఈ రింగ్ ఇంట్లో రోజువారీ ఆరోగ్యానికి సమగ్రమైన ఇంకా సరళీకృతమైన విధానంతో నిర్వహించడానికి ఉపయోగపడుతుందని శామ్‌సంగ్‌ ప్రతినిధులు పేర్కొంటున్నారు. ఈ రింగ్ సుదీర్ఘ కాలంలో స్థిరమైన, కచ్చితమైన ట్రాకింగ్ డేటాను కలిగి ఉంటుంది. ఈ రింగ్‌లో ప్రముఖ సెన్సార్ టెక్నాలజీలు ఉంటాయని మార్కెట్‌ నిపుణులు అంచనా వేస్తున్నారు. ఈ రింగ్ 24/7 ధరించడానికి తగినంత సౌకర్యంగా ఉంటుంది. ఇటీవల నిర్వహించిన అన్ప్యాక్డ్ ఈవెంట్‌లో కూడా ఈ రింగ్‌ను చాలా మంది ఇష్టపడ్డారు. ఈ స్మార్ట్‌ రింగ్ ఈ ఏడాది చివరి నాటికి అందుబాటులోకి వచ్చే అవకాశం ఉంది. ఈ శామ్‌సంగ్‌ గెలాక్సీ రింగ్ గెలాక్సీ వాచ్‌కు అనుబంధంగా వచ్చే అవకాశం ఉంది. అయితే ముఖ్యంగా స్మార్ట్‌ రింగ్‌లు సరిగ్గా పని చేయాలంటే వాటికంటూ ప్రత్యేక యాప్‌లు ఉండాల్సి ఉంటుంది. అలా కాకుండా థర్డ్‌ పార్టీ యాప్స్‌పై ఆధారపడి పని చేసేలా స్మార్ట్‌ రింగ్‌లను లాంచ్‌ చేస్తే అంతగా ప్రయోజనం ఉండదని నిపుణులు పేర్కొంటున్నారు. అయితే శామ్‌సంగ్‌ గెలాక్సీ రింగ్‌కు అనుసంధానంగా శామ్‌సంగ్‌ హెల్త్‌ యాప్‌ పని చేసే అవకాశం ఉంది. ముఖ్యంగా స్మార్ట్‌ రింగ్ మార్కెట్‌లో సామ్‌సంగ్‌ సక్సెస్‌ అయితే ఇతర కంపెనీలు కూడా స్మార్ట్‌ రింగ్ తయారీపై ప్రత్యేక ఆసక్తి కనబరిచే అవకాశం ఉంది.
0 Comments