కైనెటిక్ ఈ-లూనా !

కెనటిక్ కంపెనీ లూనా స్కూటర్‌ను తాజాగా ఈవీ వెర్షన్‌లో రిలీజ్ చేస్తోంది. అంతేకాదు రిపబ్లిక్‌ డే సందర్భంగా ప్రత్యేక ఆఫర్‌ను ప్రకటించింది. మోస్ట్‌ ఎవైటెడ్‌ మల్టీ యుటిలిటీ e2W, కైనెటిక్ గ్రీన్ కైనెటిక్ ఈ-లూనా  వచ్చే నెల  ఆరంభంలో రిలీజ్‌ చేయనుంది. బుకింగ్‌లు జనవరి 26న ప్రారంభం అవుతాయని కంపెనీ అధికారికంగా ప్రకటించింది. కంపెనీ  వెబ్‌సైట్‌లో రూ. 500తో ప్రీ-బుక్ చేసుకోవచ్చు. కైనెటిక్ ఇ-లూనా పూర్తిగా మేడ్-ఇన్-ఇండియాగా వస్తోంది. మెట్రో ,టైర్ 1, టైర్-2, టైర్-3 నగరాలు , అలాగే గ్రామీణ యూజర్లును కూడా దృష్టిలో పెట్టుకుని అత్యాధునిక ఫీచర్లతో లూనా ఈవీని తయారు చేసినట్టు కైనెటిక్ గ్రీన్ ఫౌండర్‌, సీఈవో సులజ్జ ఫిరోడియా మోత్వాని తెలిపారు. అంతేకాదు 'చల్ మేరీ లూనా' అంటూ యాడ్‌ ప్రపంచంలో సంచలనం రేపిన పియూష్ పాండే తిరిగి ఈ బ్రాండ్‌ కోసం పని చేయనున్నారట!. నేటి యువతరాన్ని దృష్టిలో పెట్టుకుని మయూర్ అండ్‌ టీం దీనికోసం పనిచేస్తోందన్నారు. పీయూష్ పాండే ప్రస్తుతం ఒగిల్వీ ఇండియా గ్లోబల్ క్రియేటివ్ ఛైర్మన్, ఎగ్జిక్యూటివ్ ఛైర్మన్‌గా ఉన్నారు.  కాగా కైనెటిక్ 2000 ప్రారంభంలో దాని ఉత్పత్తిని నిలిపివేసింది. కైనెటిక్ కైనెటిక్ ఈ-లూనాకు సంబంధించిన ఫీచర్లను కంపెనీ అధికారికంగా ప్రకటించనప్పటికీ 16-అంగుళాల వైర్ స్పోక్ వీల్స్, మోపెడ్ ఆపడానికి రెండు చివర్లలో డ్రమ్ బ్రేక్‌లు ఉంటాయి. ఈ లూనా టెలిస్కోపిక్ ఫ్రంట్ సస్పెన్షన్, వెనుక వైపున ట్విన్ షాక్ అబ్జార్బర్‌లతో వస్తుంది. ఈ లూనా ఒక 'హై-స్పీడ్' ఎలక్ట్రిక్ స్కూటర్‌గా కూడా ఉంటుందని అంచనా. బ్యాటరీ 5 గంటల్లో పూర్తిగా చార్జ్‌ అవుతుంది. గంటకు గరిష్టంగా 60 కి.మీ వేగాన్ని అందుకుంటుంది. పవర్‌ట్రెయిన్ డిజైన్ ఛార్జ్ టర్న్‌అరౌండ్ టైమ్‌లను తగ్గించడానికి మార్చుకునే లేదా రిమూవముల్‌ బ్యాటరీ ప్యా క్‌తో డిజైన్‌ చేసింది.