ఎంపిక చేసిన స్మార్ట్ టీవీల నుంచి గూగుల్ అసిస్టెంట్ తొలగింపు ?

మార్చి 1 నుండి ఎంపిక చేసిన స్మార్ట్ టీవీల నుంచి ప్రత్యేక ఫీచర్లను తొలగిస్తున్నట్లు శాంసంగ్ ప్రకటించింది. కంపెనీ తాజా పాలసీ మార్పు కారణంగా తమ స్మార్ట్ టీవీలలో గూగుల్ అసిస్టెంట్ ఇకపై అందుబాటులో ఉండదని కంపెనీ ప్రకటించింది. గూగుల్ అసిస్టెంట్‌కి యాక్సెస్ తీసివేయబడే టీవీ మోడల్‌ల గురించి శాంసంగ్ తెలిపింది. జాబితాలో 2022 స్మార్ట్ టీవీ మోడల్‌లు, 2021 స్మార్ట్ టీవీ మోడల్‌లు, 2020 8K మరియు 4K QLED టీవీలు, 2020 క్రిస్టల్ UHD టీవీలు, ఫ్రేమ్, సెరిఫ్, టెర్రేస్, సెరో వంటి 2020 లైఫ్ స్టైల్ టీవీలు ఉన్నాయి. Google అసిస్టెంట్‌ను తొలగిస్తున్నట్లు ప్రకటనతో, శాంసంగ్ తమ స్మార్ట్ టీవీలో వాయిస్ అసిస్టెంట్ కోసం వేరే ఆప్షన్ ను కనుగొనమని వినియోగదారులను కోరింది. Samsung TVలు కంపెనీ వాయిస్ అసిస్టెంట్‌తో సహా అనేక వాయిస్ అసిస్టెంట్ ఆప్షన్స్ తో ముందే ఇన్‌స్టాల్ చేయబడ్డాయి.. ఇవి Bixby, Amazon Alexa కూడా కలిగి ఉంది. వినియోగదారులు Bixby, Amazon Alexa ఆప్షన్స్ కూడా కలిగి ఉంటారు కాబట్టి వారు తమ సౌలభ్యం ప్రకారం అందుబాటులో ఉన్న ఆప్షన్ ని ఎంచుకోవచ్చు. జనవరి 26 నుంచి గూగుల్ అసిస్టెంట్‌లో పలు ఫీచర్లు పనిచేయట్లేదని తెలిసింది. గూగుల్ అసిస్టెంట్ నాణ్యతను మెరుగుపరచడానికి ఈ మార్పు చేసినట్లు కంపెనీ తెలియజేసింది.