రెండు నెలలుగా ఇండియాలో ఎలాంటి మొబైల్ ఫోన్ లాంచ్ చేయని రియల్‌మీ అతి త్వరలోనే రియల్‌మీ 9 సిరీస్‌ను రిలీజ్ చేసేందుకు సిద్ధమైనట్లు తెలుస్తోంది. ఈ క్రమంలో ఒక ఆసక్తికరమైన లీక్ వెలుగు చూసింది. ఈ ఫ్రెష్ లీక్ ప్రకారం, గ్లోబల్‌ వెర్షన్ అయిన రియల్‌మీ 9ఐ భారత్‌లో రియల్‌మీ నార్జో 9ఐ గా రిలీజ్ కానుందని తెలుస్తోంది. ఈ నేపథ్యంలోనే రియల్‌మీ 9 ప్రో+ ఫీచర్స్ లీక్స్ అయ్యాయి. రియల్‌మీ 9 సిరీస్‌లో రియల్‌మీ 9, రియల్‌మీ 9ఐ, రియల్‌మీ 9 ప్రో+/మ్యాక్స్ ఉన్నట్లు గత కొద్ది రోజులుగా వార్తలొస్తున్నాయి. ఈ సమయంలో రియల్‌మీ 9ఐ రీబ్రాండ్ వెర్షన్ గా వచ్చే రియల్‌మీ నార్జో 9ఐ స్పెసిఫికేషన్లకు సంబంధించి ర్యామ్, స్టోరేజ్, కలర్ ఆప్షన్ వంటి వివరాలు లీక్ అయ్యాయి. రియల్‌మీ 9 సిరీస్‌లోని ప్రో వెర్షన్ కూడా త్వరలో విడుదల కానుందని సమాచారం.
0 Comments