ఆధార్ కార్డ్ హిస్టరీని తనిఖీ ఎలా చేయడం ?

భారత విశిష్ట గుర్తింపు ప్రాధికార సంస్థ  జారీ చేసిన ఆధార్ కార్డులో పౌరుల బయోమెట్రిక్ మరియు జనాభా సమాచారం నమోదు చేయబడి ఉంటుంది. ప్రతి భారతీయుడి బ్యాంక్ అకౌంట్ వారి ఆధార్ కార్డుతో లింక్ చేయబడినందున డబ్బు లావాదేవీలకు కూడా దీనిని ఉపయోగించవచ్చు. అయితే ఈ రోజుల్లో ఆన్‌లైన్ మోసాలు పెరుగుతున్నందున ఆధార్ దుర్వినియోగం గురించి చాలా మంది ఆందోళన చెందుతూ ఉంటారు. UIDAI వెబ్‌సైట్‌ని ద్వారా గత ఆరు నెలల్లో మీ ఆధార్ యొక్క ప్రమాణీకరణను ఎక్కడ ఉపయోగించబడిందో మీరు తనిఖీ చేయవచ్చు. వెబ్‌సైట్‌ని ఓపెన్ చేసి ఆధార్ ప్రామాణీకరణ హిస్టరీపై క్లిక్ చేయండి. 12 అంకెల ఆధార్ నంబర్ మరియు నాలుగు అంకెల సెక్యూరిటీ కోడ్‌ను నమోదు చేయండి. జనరేట్ OTPపై క్లిక్ చేయండి. దీని తర్వాత మీ మొబైల్ నంబర్‌కు OTP వస్తుంది. దానిని నమోదు చేసిన తరువాత  వెబ్‌సైట్‌లో కొత్త పేజీ ఓపెన్ అవుతుంది. ప్రమాణీకరణ రకాన్ని నమోదు చేయండి. తేదీ పరిధి, రికార్డుల సంఖ్య మరియు OTPని ఎంచుకోండి. డ్రాప్-డౌన్ మెనుకి వెళ్లి ఆల్ ఆప్షన్స్ ఎంచుకోండి. ఆ తర్వాత పేజీలో తేదీ పరిధిని ఎంచుకోండి. ఇక్కడ మీరు ఆరు నెలల క్రితం సమాచారాన్ని మాత్రమే సేకరించగలరు. ఇప్పుడు సబ్మిట్ బటన్‌ను నొక్కి, అవసరమైన మొత్తం సమాచారాన్ని పూరించండి. వెంటనే మీ ఆధార్ కార్డును ఎక్కడ ఉపయోగించారనే సమాచారం మీ ముందుకు ప్రత్యక్షమవుతుంది.