మార్చి 20 తర్వాత ట్విట్టర్‌లో భారీ మార్పు ?

2023 మార్చి 20వ తేదీ తర్వాత ట్విట్టర్ బ్లూ సబ్స్క్రిప్షన్ లేని వాళ్లు టెక్స్ట్ మెసేజ్ ఆధారిత టూ ఫ్యాక్టర్ అథెంటికేషన్ సదుపాయాన్ని ఉపయోగించుకోలేరని ట్విట్టర్ బ్లాగ్ పోస్ట్ ద్వారా ప్రకటించింది. టెక్స్ట్ మెసేజ్ ద్వారా టూ ఫ్యాక్టర్ అథెంటికేషన్ చేయాలనుకుంటే దీని కోసం ట్విట్టర్ బ్లూ సర్వీస్ తీసుకోవాలి.  ట్విట్టర్ బ్లూ సేవను తీసుకోకూడదనుకుంటే మార్చి 20కి ముందు మీ సెట్టింగ్ ని  మార్చాలి. టూ ఫ్యాక్టర్ ఆథెంటికేషన్ కోసం ఆథెంటికేషన్ యాప్ లేదా సెక్యూరిటీ కీ ఎంపికలలో ఒకదాన్ని ఎంచుకోవాలి. దీన్ని చేయకపోతే మార్చి 20వ తేదీ తర్వాత మీ Twitter ఖాతా నుంచి టెక్స్ట్ మెసేజ్ ఆధారిత టూ ఫ్యాక్టర్ అథెంటికేషన్ ఆటోమేటిక్ గా  తీసేస్తారు. మీ మొబైల్ నంబర్ కూడా Twitter నుంచి రిమూవ్ అవుతుంది. దీన్ని నివారించడానికి వెంటనే టూ ఫ్యాక్టర్ అథెంటికేషన్ ఎంపికను మార్చండి లేదా Twitter బ్లూ సేవను తీసుకోండి. అది కూడా కుదరకపోతే కొత్త మొబైల్ నంబర్ను జోడించండి తద్వారా మొబైల్ నంబర్ మీ ఖాతాతో అసోసియేట్ అవుతుంది. ట్విట్టర్ బ్లూ వినియోగదారుల కోసం టూ ఫ్యాక్టర్ అథెంటికేషన్ ఫీచర్ దేశం, టెలికాం ఆపరేటర్ల వారీగా మారుతుంది. సాధారణంగా ఉపయోగించే అన్ని యాప్ ల్లో  కంపెనీ టూ ఫ్యాక్టర్ అథెంటికేషన్ సేవను అందిస్తుంది, తద్వారా మీ డేటా, ప్రైవసీకి రహస్యంగానే ఉంటుంది. మీరు కొత్త డివైస్లో లాగిన్ చేసినప్పుడు లేదా మీ స్వంత మొబైల్ ఫోన్లో మళ్లీ మీ ఖాతాను తెరిచినప్పుడు, ట్విట్టర్ లేదా ఏదైనా ఇతర యాప్ మీరు అదనపు భద్రతా కోడ్ను నమోదు చేయాల్సిన పాస్వర్డ్తో పాటు టూ ఫ్యాక్టర్ అథెంటికేషన్ కోసం మిమ్మల్ని అడుగుతుంది. ఇది మీ మెయిల్లో వస్తుంది లేదా మీరు ఏదైనా యాప్ ద్వారా లేదా టెక్స్ట్ మెసేజ్ ద్వారా ఖాతాను వెరిఫై చేయవచ్చు. ప్రతి ప్లాట్ఫారమ్ వివిధ మార్గాల్లో టూ ఫ్యాక్టర్ అథెంటికేషన్ సేవను అందిస్తుంది. ప్రపంచవ్యాప్తంగా ప్రజలు ఉపయోగించే టూ ఫ్యాక్టర్ అథెంటికేషన్ పద్ధతిలో ఎక్కువ భాగం టెక్స్ట్ మెసేజ్ ఆధారితమైనది ఎందుకంటే ఇది చాలా సులభం. అయితే ఇప్పుడు ట్విటర్ దీన్ని ఉచిత సర్వీస్ నుంచి తొలగించబోతోంది.