జియో భారత్ సిరీస్లో భాగంగా రిలయన్స్ జియో భారత్ బీ1 పేరుతో మరో బడ్జెట్ ఫోన్ను విడుదల చేసింది. గతంలో జియో భారత్ సిరీస్లో భాగంగా ఇప్పటికే వీ2, కే1 కార్బన్ మోడల్స్కు కొనసాగింపుగా ఈ ఫోన్ను తీసుకొచ్చారు. ఇందులో అదనపు ఫీచర్లను అందించారు. కంపెనీ వెబ్సైట్లో జియో భారత్ బీ1 సిరీస్లో భాగంగా ఈ ఫోన్ను కంపెనీ లిస్ట్ చేసింది. ఇంతకు ముందు లాంచ్ చేసిన ఫోన్లతో పోల్చితే ఈ కొత్త 4జీ ఫోన్లో స్క్రీన్ సైజ్ పెద్దగా వుంది. ఈ ఫోన్ లో 2000 ఎమ్ఏహెచ్ బ్యాటరీని అందించారు. ఈ ఫోన్ ధర రూ. 1299గా ఉంది. ఈ ఫోన్కు బ్యాక్ కెమెరా కూడా ఉంది. ఈ ఫీచర్ ఫోన్లో జియోపే యాప్ను డీఫాల్ట్గా అందించారు. దీంతో యూపీఐ పేమెంట్స్ చేసుకోవచ్చు. ఈ ఫోన్లో అన్నీ యాప్స్ ముందే ఇన్స్టాల్ చేసి ఉంటాయి. ఈ ఫీచర్ ఫోన్ మొత్తం 23 భాషలకు సపోర్ట్ చేస్తుంది. అయితే ఈ ఫోన్లో కేవలం జియో సిమ్ను మాత్రమే ఉపయోగించాల్సి ఉంటుంది. ఇతర సిమ్లను ఉపయోగించడానికి వీల్లేదు. ఈ ఫోన్ను కేవలం బ్లాక్ కలర్లో మాత్రమే లాంచ్ చేశారు. జియో అధికారిక వెబ్సైట్తో పాటు, అమెజాన్లో ఈ ఫోన్ అందుబాటులో ఉంది. ఈ ఫోన్ 0.5 బీబీ ర్యామ్తో పని చేస్తుంది. ఎస్డీ కార్డు ద్వారా స్టోరేజ్ కెపాసిటీని 128 జీబీ వరకు పెంచుకోవచ్చు. బ్లూటూత్, వైఫై, 3.5 ఎంఎం హెడ్ఫోన్ జాక్, యూఎస్బీ వంటి కనెక్టివిటీ వంటి ఫీచర్స్ను ఇందులో అందించారు. ఈ ఫోన్ను ఒక్కసారి ఛార్జ్ చేస్తే ఏకంగా 343 గంటలు ఏకధాటిగా పనిచేస్తుందని కంపెనీ చెబుతోంది.3.5 ఎమ్ఎమ్ హెడ్ఫోన్ జాక్తో తీసుకొచ్చిన ఈ ఫోన్ బరువు 110 గ్రాములుగా ఉండనుంది. ఇక ఈ ఫోన్లో జియో , జియోసావన్ వంటి యాప్స్ ఇన్బిల్ట్గా అందిస్తున్నారు.
0 Comments